Morgunblaðið - 11.01.2014, Side 26

BAKSVIÐ
Helgi Vífill Júlíusson
helgivifill@mbl.is
Arion banki hefur fyrstur íslenskra
banka eftir bankahrun fengið láns-
hæfismat frá alþjóðlegu matsfyrir-
tæki. Standard & Poor’s gaf bank-
anum lánshæfiseinkunnina BB+
með stöðugum horfum. Höskuldur
Ólafsson, forstjóri Arion banka,
sagði á blaðamannafundi í gær, að
það væri góð einkunn þegar tekið sé
mið af lánshæfismati íslenskra rík-
isins sem sé einu þrepi ofar. Láns-
hæfismat ríkisins er BBB- með nei-
kvæðum horfum. Hann sagði að það
væri ekki búið að ákveða hvenær
ráðist verði í skuldabréfaútgáfu
með nýtt lánshæfismat í farteskinu.
Alla jafna ákvarðar lánshæfisein-
kunn ríkja hæstu mögulegu ein-
kunn sem fyrirtæki í landinu geta
fengið þar sem þau fá ekki betra
lánshæfi en ríkið.
Fram kemur í tilkynningu frá Ar-
ion að mat S&P byggist m.a. á því
að eiginfjárstaða bankans sé sterk,
lausafjárstaðan sömuleiðis og góð
arðsemi af rekstri hans. Áhætta í
rekstri bankans sé í meðallagi. End-
urskipulagningu lánasafns sé að
mestu leyti lokið og S&P telur að
frekari niðurfærslur verði að öllum
líkindum takmarkaðar. Fram kem-
ur í mati S&P að starfsumhverfi
bankans sé áhættusamt.
Betra lánshæfi en ÍLS
Stefán Pétursson, framkvæmda-
stjóri fjármálasviðs Arion banka,
sagði á fundinum að bankinn væri
með betra lánshæfismat en Lands-
virkjun og Íbúðalánasjóður sem séu
með ríkisábyrgð.
Höskuldur sagði að lánshæfisein-
kunn frá alþjóðlegu matsfyrirtæki
muni bæta aðgengi bankans að er-
lendum fjármálamörkuðum. Fyrir
ári síðan lauk Arion banki 11,2
milljarða skuldabréfaútboði í norsk-
um krónum. Það var fyrsta var
fyrsta erlenda skuldabréfaútgáfa ís-
lensks fjármálafyrirtækis frá árinu
2007. Fram hefur komið í Morg-
unblaðinu að kjörin á lántökunni
séu nokkuð há og að það sé krefj-
andi verkefni að ná að lána pen-
ingana til viðskiptavina með hagn-
aði. Ráðist var í útgáfuna til að
„brjóta ísinn,“ var haft eftir heim-
ildarmönnum, og því var hún smá í
sniðum.
Stefán sagði að hópur alþjóðlegra
fjárfesta vilji einungis fjárfesta í
skuldabréfum fyrirtækja með al-
þjóðlegt lánshæfismat, líkt Arion
hafi nú, og því hafi mengi þeirra
sem séu reiðubúnir að kaupa
skuldabréf bankans stækkað. „Von-
andi mun lánshæfið leiða til þess að
lánskjörin batni,“ sagði hann.
Fram hefur komið í Morgun-
blaðinu að endurreisn íslenska
bankakerfisins verði ekki að fullu
lokið fyrr en viðskiptabankarnir
hafa fengið eðlilegan aðgang að al-
þjóðlegum fjármálamörkuðum.
Lánshæfismatið er skref í átt að
því. Bankar þurfa erlenda fjár-
mögnun til þess að geta þjónustað
ýmis íslensk fyrirtæki sem þurfa
aðgang að erlendu lánsfé t.d. út-
gerðir, olíufélög og skipafélög.
Morgunblaðið/Golli
Ríkið þrepi ofar Höskuldur Ólafsson, forstjóri Arion banka, sagði á blaðamannafundi í gær, að lánshæfismat S&P á
bankanum sé gott þegar tekið sé mið af lánshæfismati íslenska ríkisins sem sé einu þrepi ofar.
Fyrsta alþjóðlega
lánshæfismat banka
 Arion fékk fyrstur banka alþjóðlegt lánshæfismat eftir hrun
26 FRÉTTIRViðskipti | Atvinnulíf
MORGUNBLAÐIÐ LAUGARDAGUR 11. JANÚAR 2014
Eimskip hefur
samið um lækkun
á verði nýs skips
sem er í smíðum í
Kína um 750 þús-
und Bandaríkja-
dali, jafnvirði 87
milljóna króna.
Skipið átti að vera
tilbúið til afhend-
ingar á fyrsta
fjórðungi 2014.
Nú liggur fyrir nýtt samkomulag þar
sem skipið verður afhent á öðrum
ársfjórðungi. Þetta kemur fram í til-
kynningu.
Á árinu 2011 samdi Eimskip við
Rongcheng Shenfei í Kína um smíði á
tveim gámaskipum. Afhending á
seinna skipinu mun einnig tefjast. Áð-
ur hafði félagið lækkað kaupverðið á
skipunum um 10 milljónir dala.
Samið um
lægra verð
 Skip fyrir Eimskip
í smíðum í Kína
Eimskip Skipaflot-
inn stækkaður.
ÍSLENSK
HÖNNUN
ÍSLENSK
FRAMLEIÐSLA
ÁLAFOSS
Álafossvegur 23, Mosfellsbær
Opið: Mánud. - Föstud. 09:00 - 18:00
Laugard. 09:00 - 16:00
www.alafoss.is
flísar fyrir vandláta
PORCELANOSA
Skútuvogi 6 - Sími 568 6755