Morgunblaðið - 16.01.2014, Qupperneq 47

MENNING 47
MORGUNBLAÐIÐ FIMMTUDAGUR 16. JANÚAR 2014
B
ra
nd
en
bu
rg
Í kvöld kl. 20:00 í opinni dagskrá.
Margir Íslendingar sem ferðast til
Lundúna leggja leið sína í British
Museum. Þeir eru ekki einir um það
því tilkynnt hefur verið að í fyrra
kom metfjöldi gesta í safnið, alls 6,7
milljónir manna. Flykktist fólk
einkum á vinsælar sérsýningar,
eins og um lífið og dauðann í Pom-
peii, en á hana komu 471 þúsund
gestir. Var það þriðja vinsælasta
sýning safnsins frá upphafi en árið
1972 sáu 1,6 milljónir sýningu um
Tutankhamon og egypsku faraóana
og telja stjórnendur að það verði
seint slegið
Eldra aðsóknarmetið yfir heilt ár
var sex milljónir gesta en British
Museum hefur nú verið opið í 225
ár. Senn verður opnuð ný sýning í
safninu sem helguð er sögu víking-
anna og er búist við mikilli aðsókn.
AFP
Vinsælt Glæstur gripur á sýningu í Brit-
ish Museum um fjársjóði frá Kólumbíu.
Nýtt aðsóknarmet
sett í sívinsælu
British Museum
Art Garfunkel
sló í gegn með
Paul Simon og
söng fræg lög
þeirra með sinni
björtu tenór-
rödd. Fyrir fjór-
um árum þurfti
söngvarinn, sem
er orðinn 72 ára
gamall, að hætta
að syngja þegar
raddböndin gáfu sig, vegna reyk-
inga að hans sögn. Þá voru fyrir-
hugaðir nokkrir endurkomu-
tónleikar þeirra Simons og
hörmuðu margir þegar þeim var af-
lýst.
Nú segist Garfunkel hafa jafnað
sig að fullu og er við það að leggjast
í mánaðalanga tónleikaferð um
Bandaríkin. Hann hélt nokkra litla
tónleika í lok síðasta árs og sá að
röddin var í lagi.
„Röddin er komin í lag og ég er á
flugi!“ segir í yfirlýsingu frá söngv-
aranum.
Af Paul Simon er það að frétta að
hann kemur fram á nokkrum tón-
leikum á stórum leikvöngum í
Bandaríkjunum í vor, ásamt Sting.
Raddbönd Gar-
funkels betri og
hann syngur á ný
Art
Garfunkel
Norrænir menn í
arabískum mið-
aldaheimildum
eru í brennidepli
í fyrirlestri Þóris
Jónssonar
Hraundal í dag.
Hann segir frá
rannsóknum sín-
um á arabískum
heimildum um
ferðir norrænna
manna í austurvegi. Þar kemur ým-
islegt fram um hlutverk og atgervi
norrænna manna sem stangast á
við þær myndir sem jafnan eru
dregnar upp í öðrum heimildum.
Þórir er lauk nýlega doktorsprófi í
miðaldafræðum við Björgvinjarhá-
skóla og hefur í rannsóknum sínum
lagt áherslu á arabískar miðalda-
heimildir. Fyrirlesturinn er haldinn
á vegum Miðaldastofu Háskóla
Íslands í Árnagarði klukkan 16.30.
Ferðir norrænna
manna í aust-
urvegi á miðöldum
Þórir Jónsson
Hraundal
Tilkynnt hefur verið hverjir úr
kvikmyndabransanum eru til-
nefndir til Razzie-skammarverð-
launanna, eða Gylltu hindberjaverð-
launanna eins og þau nefnast.
Stofnað var til þeirra fyrir 34 árum
til að draga fram það sem verst
hefur verið gert í kvikmyndagerð,
og þá einkum vestanhafs, á árinu.
Að þessu sinni er kvikmyndin The
Lone Ranger áberandi á listunum
en því er spáð að Disney muni tapa
um 190 milljónum dala á henni. Jo-
hnny Depp er tilnefndur fyrir sinn
fyrsta Razzie, myndin er tilnefnd
sem sú versta og leikstjórinn Gore
Verbinski.
Adam Sandler er tilnefndur
þriðja árið í röð, fyrir leik í Grown
Ups 2. Sú mynd fær flestar tilnefn-
ingar, níu alls. Sandler hreppti í
fyrra verðlaun sem bæði versti
karl- og kvenleikari, sem tvíbura-
systkin í kvikmyndinni Jack and
Jill.
Sylvester Stallone er tilnefndur
sem besti leikarinn fyrir þátt sinn í
tveimur myndum og Halle Berry er
að sama skapi tilnefnd fyrir tvær.
Lindsey Lohan er einnig tilnefnd.
Tilnefnt til skammar-
verðlauna kvikmynda
Óvinsæl Johnny Depp er tilnefndur fyrir leik sinn sem Tonto í The Lone
Ranger. Félagi hans, Armie Hammer, slapp hinsvegar við tilnefningu.