Morgunblaðið - 01.03.2014, Blaðsíða 16
16 FRÉTTIRInnlent
MORGUNBLAÐIÐ LAUGARDAGUR 1. MARS 2014
Viðar Guðjónsson
vidar@mbl.is
Aldrei hafa eins margir þátttakend-
ur verið skráðir til leiks á Reykja-
víkurskákmóti og á því sem stendur
yfir 4.-12. mars. Um er að ræða
fimmtugasta
mótið frá upphafi
en það var haldið
fyrst árið 1964.
Gera má ráð
fyrir að keppend-
ur verði á bilinu
260-270 frá um
45 löndum en í
fyrra voru þeir
227 talsins, sem
þá var met.
Meðal kepp-
enda eru 27 stórmeistarar og 30 al-
þjóðlegir meistarar. Um 70% kepp-
enda mótsins koma að utan og þar
af eru 28 Norðmenn, 26 Þjóðverjar
og 16 Bandaríkjamenn.
Valið þriðja besta opna mótið
Meðal annarra hefur fyrrverandi
heimsmeistarinn Gary Kasparov
boðað komu sína í tengslum við
mótið. Að sögn Gunnars Björns-
sonar, formanns Skáksambands Ís-
lands, er þetta þriðja heimsókn
Kasparovs til Íslands. „Svo er hann
í forsetaframboði í Alþjóðaskáksam-
bandinu og mun heimsækja gröf
meistara Bobbys Fischers hinn 9.
mars,“ segir Gunnar.
Reykjavíkurskákmótið hefur vax-
ið ár frá ári. Þannig voru kepp-
endur um 100 árið 2009 en verða
260-270 nú. „Reykjavíkurskákmótið
er eitt sterkasta opna skákmót
hvers árs. Í fyrra var mótið valið
þriðja besta skákmót þess árs af
samtökum atvinnuskákmanna,“
segir Gunnar.
Hann segir að gera megi ráð fyr-
ir því að mótið væri um 10% stærra
ef ekki væru öll hótelherbergi upp-
bókuð í Reykjavík.
Undrabarn og landsliðsmenn
Margir sterkir skákmeistarar eru
meðal keppenda. Stigahæstur kepp-
enda er kínverski landsliðmaðurinn
Chao Li. Næststigahæstur er þýski
stórmeistarinn Arkadij Naiditsh og
sá þriðji hinn ungi Richard Rapp-
ort, sem er 17 ára Ungverji. Hann
er sá sjötti yngsti í sögunni til að ná
stórmeistaratign en þeim titli náði
hann aðeins þrettán ára.
Að venju verða Íslendingar með
sína fulltrúa á mótinu. Þar ber að
nefna Hannes Hlífar Stefánsson,
sem er sigursælasti skákmaður
Reykjavíkurskákmótanna. Þá verða
stórmeistararnir Hjörvar Steinn
Grétarsson, Henrik Danielsen, Stef-
án Kristjánsson og Þröstur Þór-
hallsson einnig með.
Helsta undrabarn mótsins er hins
vegar hinn tíu ára Awonder Liang,
heimsmeistari tíu ára og yngri.
Hann er sá yngsti sem hefur unnið
alþjóðlegan meistara í langri skák,
níu ára, og jafnframt sá yngsti sem
hefur unnið stórmeistara þegar
hann var tíu ára.
Ekki næg
hótelherbergi
Metþátttaka í Reykjavíkurskákmótinu
Morgunblaðið/Ómar
Skák Gary Kasparov hefur þrivar heimsótt Ísland. Árið 2004 tefldi hann við
13 ára Magnus Carlsen í Reykjavík. Carlsen er nú stigahæstur skákmanna.
Gunnar
Björnsson
Sigurður Bogi Sævarsson
sbs@mbl.is
„Stemningin á fyrstu árum bjórsins var
skemmtileg. Fyrstu árin á Kringlukránni var
spilað á harmonikku eða píanó og fólk tók und-
ir og söng. Á tímabili voru djasskvöld í miðri
viku, stærri danshljómsveitir um helgar og
margir af þekktustu hljómlistarmönnum
landsins hafa komið og skemmt gestum okkar
í gegnum tíðina. Sumir höfðu efasemdir um að
Íslendingar myndu höndla bjórinn áður en Al-
þingi samþykkti að leyfa hann en í dag er kom-
in ágætis bjórmenning,“ segir Sophus Sigþórs-
son, veitingamaður á Kringlukránni.
Löwenbräu og Budweiser
Í dag, 1. mars, eru 25 ár frá því bjórlögin
tóku gildi. Það voru tímamót á Íslandi og
nokkrir nýir veitingastaðir voru opnaðir því
samhliða. Þar á meðal var Kringlukráin og tók
Sigþór Sigurjónsson við rekstrinum þá um
haustið. Sophus sonur hans kom fljótlega inn í
fyrirtækið og tók virkan þátt í rekstrinum með
honum. Við hlið þeirra hefur Guðmundur
Kjartansson framleiðslumaður starfað öll árin
og hafa þeir Sophus og Guðmundur séð um og
rekið Kringlukrána eftir að Sigþór lést fyrir
tveimur árum.
Löwenbräu og Budweiser voru vinsælar
tegundir á fyrstu bjórárunum. „Hjá okkur hef-
ur Egils Gull verið vinsælastur og höfum við
selt hann frá upphafi. Í byrjun kostaði kanna
með hálfum lítra 350 kr. en lengst 590 kr. Eftir
hrun breyttist verð á bjór hratt vegna hækk-
unar áfengisgjalda. Nú kostar kannan 950 kr.
En í dag verður hægt að stíga upp í einskonar
tímavél hér og kaupa Egils Gull á 25 ára gömlu
verði. Annars erum við með nærri 15 tegundir
af bjór. Gull Egils er sú vinsælasta en almennt
hafa sterkari og bragðmeiri tegundir verið að
sækja í sig veðrið,“ segir Guðmundur.
Fólk geti dansað og skemmt sér
Veitingarekstur er sveiflukenndur, en
Kringlukráin hefur lifað. „Meginmálið er að
vera trúr sínu og huga að rótunum. Útlit stað-
arins hefur lítið breyst frá upphafi og svo höf-
um við verið mjög heppnir með starfsfólk. Í
dag leggjum við áherslu á að reka veitingahús
en um helgar er hér lifandi tónlist svo fólk geti
dansað og skemmt sér,“ segir Sophus.
Íslendingar náðu að höndla bjórinn
Í dag eru 25 ár liðin frá bjórdeginum og Kringlukráin er jafngömul upp á dag Gullkrúsin fæst
á 350 krónur Harmonika og píanó ráðandi í gamla daga og fólkið í salnum tók undir og söng
Morgunblaðið/Þórður
Kráin Sophus Sigþórsson og Hjördís Björgvinsdóttir kona hans og lengst til hægri er
Guðmundur Kjartansson. Aldarfjórðungur er í dag síðan hin sívinsæla Kringlukrá var opnuð.