Morgunblaðið - 08.03.2014, Blaðsíða 42

42 MINNINGAR
MORGUNBLAÐIÐ LAUGARDAGUR 8. MARS 2014
✝ Sigfús Guð-mundsson
fæddist 23. janúar
1959 í Vík í Mýrdal.
Hann lést 24. febr-
úar 2014 á gjör-
gæsludeild Land-
spítalans í Fossvogi.
Foreldrar hans
eru Guðmundur
Sigfússon, f. 27.
ágúst 1921 á Arn-
heiðarstöðum í
Fljótsdal, d. 26. desember 1978,
og Ester Guðlaugsdóttir, f. 9.
mars 1931 í Vík í Mýrdal. Systk-
ini Sigfúsar eru þrjú: 1. Guð-
1999. Faðir hennar er Helgi Örn
Frederiksen, f. 1971, d. 2000.
Dætur Steinars Orra eru Oddný
Svava, f. 1997, og Stefanía Sóley,
f. 2000. 3. Bárður, f. 1964.
Sigfús ólst upp í Vík í Mýrdal
og var alla tíð búsettur þar. Sig-
fús vann við ýmis störf í gegnum
tíðina svo sem byggingarvinnu,
vertíðir á Höfn í Hornafirði og
Vestmannaeyjum og afleysingu í
póstkeyrslu í Mýrdalshrepp,
hans síðasta starf var við ræst-
ingu í Víkurskála.
Útför Sigfúsar fer fram frá
Víkurkirkju í dag, 8. mars 2014,
og hefst athöfnin kl. 14.
laugur, f. 1949, sam-
býliskona hans er
Ásta Hallsdóttir.
Dóttir þeirra er Est-
er, f. 1989. Sonur
Ástu er Ágúst Atli,
f. 1976. 2. Guðbjörg,
f. 1950, fyrrverandi
eiginmaður hennar
er Bjarni Jón Matt-
híasson, þau slitu
samvistir. Dóttir
þeirra er Ester Elín,
f. 1972, sambýlismaður hennar
er Steinar Orri Sigurðsson. Son-
ur þeirra er Sólon Tumi, f. 2010.
Dóttir Esterar er Elva Ösp, f.
Elsku Sigfús okkar. Við hefðum
aldrei trúað því að þú myndir fara
frá okkur svona fljótt. Margar
góðar minningar koma upp í hug-
ann sem við munum varðveita um
ókomna tíð. Við viljum færa fram
þökk fyrir allar samverustundir
sem við áttum. Sérstakar þakkir
viljum við færa þér fyrir alla þá
aðstoð og gleði sem þú færðir okk-
ur hér heima. Ógleymanlegt er
ferðalagið sem þú fórst með
mömmu þinni og Siggu föðursyst-
ur austur á Hérað sumarið 2009.
Ég þakka þau ár sem ég átti
þá auðnu að hafa þig hér,
og það er svo margs að minnast
svo margt sem um hug minn fer,
þó þú sért horfinn úr heimi
ég hitti þig ekki um hríð,
þín minning er ljós sem lifir
og lýsir um ókomna tíð.
(Þórunn Sigurðardóttir)
Guð geymi þig.
Mamma og Bárður.
Elsku hjartans bróðir minn,
það er erfitt að setjast niður og
skrifa um þig minningarorð. Það
er af svo miklu að taka en mér er
efst í huga þegar þú komst í heim-
inn hvað ég var glöð og stolt af
þér. Það var svo einstaklega gam-
an að keyra þig um í kerrunni úti.
Þú varst alltaf brosandi og glað-
legur. Þegar þú varðst eldri kom
fljótt í ljós hversu greiðvikinn og
góður þú varst við mig. Hjálpaðir
mér oft í garðinum mínum og
gerðir það með glöðu geði. Mér er
minnisstætt þegar við mamma
sátum einn morguninn að drekka
kaffi og hún sagði við mig þegar
þú varst á Austurlandinu hvað
hún saknaði þín mikið, hvað hún
yrði glöð þegar þú kæmir heim til
okkar. En svona er lífið, það er
bæði sorg og gleði. Ég veit að góð-
ur Guð verður með þér.
Þú ert náttúrunnar undurfagra smíð,
verður hörpu minnar strengur alla tíð.
Það er ekki nokkur sem að brosir eins
og þú.
Og ég lofa gjafir lífsins fyrr og nú.
(Stefán Hilmarsson)
Kveð þig með söknuði elsku
bróðir minn.
Þín systir,
Guðbjörg.
Elsku bróðir minn, laugardag-
inn áður en þú kvaddir okkur þeg-
ar ég kom á fætur varst þú mér
efstur í huga og varð mér hugsað
til þín allan daginn. Seinni part
dagsins fékk ég síðan símtal frá
mömmu um að þú hefðir verið
fluttur með snatri í sjúkrabíl til
Reykjavíkur, mamma tjáði mér að
þú værir mikið veikur en mér
hafði aldrei dottið til hugar að þú
myndir fara frá okkur rúmum
tveimur sólarhringum síðar. Við
vorum búnir að ákveða að fara í
smáferðalag austur fyrir sand á
húsbílnum í sumar. Margar góðar
minningar um góðan dreng sem
ég mun sárt sakna streyma yfir
mig. Ég kveð þig í bili elsku bróðir
og þakka fyrir yndislegar stundir
á þínu stutta lífshlaupi. Ég veit þú
munt vera með mér þangað til við
hittumst á ný, en við höfum alla tíð
verið samrýndir og góðir vinir.
Guð blessi góðan dreng.
Þinn bróðir,
Guðlaugur.
Mig langar í örfáum orðum að
minnast mágs míns fyrrverandi,
Sigfúsar Guðmundssonar, sem
lést 23. febrúar sl. Ótímabært lát
hans bar að án fyrirvara og engan
grunaði að honum væri ekki ætl-
aður lengri tími meðal vor en raun
varð á.
Ég man vel eftir fyrstu kynnum
okkar Fúsa á hans tólfta aldursári
þegar ég tók að venja komur mín-
ar á heimili fjölskyldunnar að Vík-
urbraut 11 og hann mætti mér
með glettið bros og örlítilli stríðni í
bland. Efalaust hefur honum
fundist ég hálfgerður aðskota-
gripur á heimilinu á þeim tíma en
fljótt urðum við samt góðir vinir
og brölluðum ýmislegt gegnum
árin sem ekki verður allt í frásög-
ur fært en víst er að vinskapur
okkar hélst alla tíð þótt samfund-
um fækkaði þegar frá leið.
Það sem einkenndi Fúsa einna
helst var hans ljúfa skaphöfn og
hæfileikinn til að sjá hið jákvæða
og spaugilega í tilverunni. Ósjald-
an féllu gullkorn af hans vörum
sem þeir sem þekktu hann gátu og
munu geta skemmt sér við að hafa
eftir honum. Fúsi var skoðanaf-
astur og fylginn sér og hvikaði
ekki frá tekinni ákvörðun þótt hún
félli ekki endilega í troðnar slóðir.
Greiðvikinn og bóngóður eru einn-
ig hugtök sem koma upp í hugann
þegar Fúsa er minnst og frænd-
garð sinn hygg ég að hann hann
hafi ræktað betur en margur ann-
ar.
Fúsi var haldinn bíladellu og
átti nokkra kostagripi um ævina
sem hann var jafnframt fastheld-
inn á. Þar skal sérstaklega getið
Toyota-jeppans sem Fúsi eignað-
ist eftir afa sinn, Guðlaug Jónsson,
sem hann ólst upp með á heimili
fjölskyldunnar í Vík.
Undirritaður gerði nokkrar at-
lögur að því að særa „djásnið“ út
úr Fúsa, kannske meira í gríni en
alvöru, en það var alltaf sama
svarið: Ekki falur fyrir nokkurt fé.
Það er sárt að sjá á eftir prýðis-
dreng og ljúfmenni svo fljótt og
við sem þekktum hann söknum
vinar í stað og munum geyma með
okkur minningarnar sem hann
skilur eftir sig.
Takk, Fúsi minn, fyrir að vera
mér hinn trausti vinur gegnum öll
árin frá því við kynntumst. Megi
guðs blessun fylgja þér. Hvíldu í
friði.
Elsku Ester mín, Gulli, Gugga,
Bárður og aðrir aðstandendur. Ég
sendi ykkur mínar innilegustu
samúðarkveðjur og bið Guð að
styrkja ykkur í sorginni.
Bjarni Jón.
Elsku Fúsi frændi.
Ég veit ekki hvar ég á að byrja,
það eru svo ótal margar góðar
minningar sem ég á um þig. Alveg
sama hvað ég bað þig um, mögu-
legt sem ómögulegt, alltaf leystir
þú það og með glöðu geði. Við Orri
erum mikið þakklát fyrir að börn-
in okkar fengu að kynnast þér, þú
gafst þeim endalaust af tíma þín-
um. Öll hændust þau að þér því
þau skynjuðu æðruleysi þitt og
djúpstæða góðmennsku. Alltaf
Sigfús Guðmundsson
✝
Innilegar þakkir til allra sem sýndu okkur
samúð og hlýhug við andlát og útför móður
okkar og tengdamóður,
SIGRÍÐAR MAGNÚSDÓTTUR
frá Björgum.
Sérstakar þakkir til starfsfólksins í
Lögmannshlíð fyrir góða umönnun.
Magnús Björnsson, Fanney Þórðardóttir,
Gestur Björnsson, Ingibjörg Kjartansdóttir,
Sigrún Lára Björnsdóttir, Jón Aðalsteinsson,
Kristín Björnsdóttir,
ömmu- og langömmubörn.
✝
Þökkum innilega auðsýnda samúð og hlýhug
við andlát og útför elskulegs eiginmanns
míns, föður, tengdaföður, bróður, afa og
langafa,
ELÍASAR HALLDÓRS ELÍASSONAR
vélstjóra,
Kleppsvegi 22,
Reykjavík.
Sérstakar þakkir sendum við starfsfólki heimahlynningar
Landspítalans.
Elísa Hjördís Ásgeirsdóttir,
Guðrún Hallfríður Elíasdóttir, Davíð Óli Axelsson,
Ásgeir Elíasson, Jóna Dís Þórisdóttir,
Elías Kristján Elíasson, Ásta Dís Gunnlaugsdóttir,
systkini, barnabörn og barnabarnabarn.
✝
Innilegar þakkir til allra sem sýndu okkur
samúð og vináttu við andlát og útför
eiginmanns míns, föður, tengdaföður, afa
og langafa,
ÁKA GUÐNA GRÄNZ
málarameistara,
Ytri-Njarðvík.
Sérstakar þakkir sendum við til starfsfólks
hjúkrunarheimilisins Garðvangs í Garði.
Guðlaug Karvelsdóttir,
Guðrún Fjóla Gränz, Bjarni Már Ragnarsson,
Anna Margrét Ákadóttir,
Sólveig Björk Gränz, Ásgeir Kjartansson,
Karvel Gränz, Rebecca Castillon,
Carl Bergur Gränz, Guðmundína Kristjánsdóttir,
barnabörn og barnabarnabörn.
✝
Eiginmaður minn, faðir okkar, tengdafaðir, afi
og langafi,
GUÐMUNDUR GRÍMUR JÓNSSON,
Álfhólsvegi 90,
sem lést mánudaginn 3. mars, verður
jarðsunginn frá Grafarvogskirkju mánudaginn
10. mars kl. 15.00.
Láretta Bjarnadóttir,
Bjarni Guðmundsson, Britt-Marie Guðmundsson,
Guðmundur Guðmundsson, Rakel Bergsdóttir,
Lára Guðmundsdóttir,
Jóhann Guðmundsson, Thu Nhing,
barnabörn og barnabarnabörn.
✝
Innilegar þakkir færi ég öllum þeim sem
heiðruðu minningu eiginmanns míns,
JÓHANNS KRÖYER
verkfræðings,
Miðleiti 8,
Reykjavík.
Einnig vil ég þakka hlýhug og vináttu í minn
garð við andlát Jóhanns.
Arnbjörg Jóhannsdóttir.
✝
Innilegar þakkir fyrir auðsýnda samúð og
hlýhug við andlát og útför
JÓHANNS GÍSLASONAR
tannlæknis,
Flókagötu 47,
Reykjavík.
Magný Gyða Ellertsdóttir,
Ellert Þór Jóhannsson, Sabrina Hussain,
Guðrún Jóhannsdóttir, Matthieu Saillant
og barnabörn.
Birta, vinátta og
kraftur eru orð sem
koma í huga minn
þegar ég hugsa um
líf og starf Sigtryggs. Það var
alla tíð bjart yfir honum. Fal-
lega silfurhærður, traustur vin-
ur, sem ræktaði vináttuna og lét
sér annt um alla sína. Maður
framkvæmda og frísklegra við-
horfa í lífi og leik.
Sigtryggur og Brynhildur
kona hans voru einlægir vinir
foreldra minna. Lilla og Sig-
tryggur eru því hluti minninga
lífsins og þau samofin svo
mörgu sem lífið hefur gefið okk-
Sigtryggur
Þorbjörnsson
✝ SigtryggurÞorbjörnsson
fæddist 13. nóv-
ember 1925. Hann
lést 22. febrúar
2014. Útför Sig-
tryggs var gerð 4.
mars 2014.
ur að njóta. Sig-
tryggur bar með
sér ferskan andblæ
í fasi og framkomu.
Hann var hugsjóna-
maður sem hafði
sterkar skoðanir á
mörgu í mannlífinu.
Sigtryggur gaf sér
tíma til þess að eiga
samræður við okk-
ur bræðurna og lét
okkur heyra sín
viðhorf um pólitík, einkaframtak
og dægurmál. Þetta voru oft
skemmtilegar samræður og því
skemmtilegri sem meira bar á
milli. Þá lýsti af mínum manni,
sem lagði sig fram um að vinna
sinni skoðun fylgi. Væru skoð-
anir skiptar þá hældi hann okk-
ur fyrir að standa á okkar sann-
færingu og hjálpaði okkur að
finna rök til að styrkja okkar
málstað. Veiðiferðir í Vopna-
fjörðinn, sem í þá daga tóku
minnst viku, voru fastur liður til
fjölda ára. Samverustundir frá
þeim tíma þegar fólk kom í
heimsókn án þess að vera sér-
staklega boðið eru líka hluti
minninganna. Framkvæmdir í
raflögnum, þar sem Sigtryggur
var fyrstur mættur og leysti
málin, sögðu um leið frá fag-
manninum. Hann ásamt góðum
félögum sínum rak fyrirtækið
Raforku með myndarbrag og
þeir byggðu vel yfir starfsemi
Raforku sem var leiðandi fyr-
irtæki á sínu sviði á Akureyri. Í
starfi mínu sem prestur var gott
að eiga Sigtrygg að. Hann hafði
þar einlægar skoðanir og lét
mig heyra hvað honum fannst
um kirkjustarfið. Þar vildi hann
mega finna traustan boðskap í
frísklegri umgjörð, sem næði að
styrkja fólk og hvetja til góðra
þátta lífsins. Hann spurði
margra spurninga og leitaði
svara. Þannig vildi Sigtryggur
hafa kraft og þrótt í mannlífinu
og var alla tíð talsmaður hins
skapandi máttar. Hann var ein-
lægur trúmaður sem gott var að
hafa nálægan í helgihaldinu og
vita um leið að hann gæfi sína
umsögn. Sigtryggur var dug-
mikill í starfi Oddfellowreglunn-
ar á Akureyri og lét sig mjög
varða starf hennar og umgjörð.
Vinátta Lillu og Sigtryggs við
foreldra mína Jóhönnu og Matt-
hías er sá þáttur í minningu
hugans sem örugglega hefur
mótað mig og bræður mína Stef-
án og Gunnar, sem og börnin
þeirra Ingibjörgu, Stefán, Egg-
ert og Guðrúnu. Við fengum að
alast upp við einlæg samskipti
foreldra okkar þar sem hægt
var að vera ósammála um
marga hluti án þess að vinátt-
unni væri ógnað. Eftir að for-
eldrar mínir fluttu suður yfir
heiðar mátti glöggt finna hve
strengur vináttunnar var sterk-
ur. Það gladdi þau mikið þegar
Lilla og Sigtryggur fylgdu í
kjölfarið og samverustundir
urðu sem áður. Fyrir auðnustu-
ndir vináttu og bjartra stunda
vil ég mega þakka og þá ekki
síst fyrir hönd foreldra minna.
Með Sigtryggi er genginn einn
þeirra manna sem gáfu mannlíf-
inu fallegan og bjartan blæ.
Börnum hans og fjölskyldum
þeirra sendi ég hlýjar kveðjur
og bið þeim blessunar Guðs.
Pálmi Matthíasson.
Morgunblaðið birtir minningargreinar
endurgjaldslaust alla útgáfudaga.
Skil | Þeir sem vilja senda Morgunblaðinu
greinar eru vinsamlega beðnir að nota inn-
sendikerfi blaðsins. Neðst á forsíðu mbl.is má
finna upplýsingar um innsendingarmáta og
skilafrest. Einnig má smella á Morgunblaðs-
lógóið efst í hægra horninu og velja viðeigandi
lið.
Skilafrestur | Sé óskað eftir birtingu á útfar-
ardegi þarf greinin að hafa borist á hádegi
tveimur virkum dögum fyrr (á föstudegi ef út-
för er á mánudegi eða þriðjudegi).
Þar sem pláss er takmarkað getur birting
dregist, jafnvel þótt grein hafi borist innan
skilafrests.
Formáli | Minningargreinum fylgir formáli
sem aðstandendur senda inn. Þar kemur fram
hvar og hvenær sá sem fjallað er um fæddist,
hvar og hvenær hann lést og loks hvaðan og
hvenær útförin fer fram. Þar mega einnig
koma fram upplýsingar um foreldra, systkini,
maka og börn, svo og æviferil. Ætlast er til að
þetta komi aðeins fram í formálanum, sem er
feitletraður, en ekki í minningargreinunum.
Undirskrift | Minningargreinahöfundar eru
beðnir að hafa skírnarnöfn sín undir grein-
unum.
Myndir | Hafi mynd birst í tilkynningu er hún
sjálfkrafa notuð með minningargrein nema
beðið sé um annað. Ef nota á nýja mynd skal
senda hana með æviágripi í innsendikerfinu.
Hafi æviágrip þegar verið sent má senda
myndina á netfangið minning@mbl.is og gera
umsjónarfólki minningargreina viðvart.
Minningargreinar