Morgunblaðið - 13.03.2014, Qupperneq 27

UMRÆÐAN 27
MORGUNBLAÐIÐ FIMMTUDAGUR 13. MARS 2014
Stóru trygginga-
félögin minna okkur
sífellt á að tryggja líf
okkar þar sem við
vitum ekki hvað get-
ur gerst og að það sé
gríðarlega mikilvægt
að skilja ástvini ekki
eftir án líftrygg-
ingar. VÍS bendir
okkur til að mynda á
það í gegnum þjóð-
þekktan grínista í
fjörugum markaðsherferðum und-
ir yfirskriftinni Gott hjá þér:
„Gott hjá þér að hugsa um líf- og
sjúkdómatryggingar.“ Auglýsingin
endar á slagorðinu „þar sem
tryggingar snúast um fólk“. Sjóvá
gengur enn lengra og segir í nýj-
ustu auglýsingum sínum að „líf-
og heilsutryggingar tryggi það
verðmætasta í þínu lífi“.
En er þetta svona? Snúast
tryggingar í dag um fólk? Er líf-
og heilsutrygging það verðmæt-
asta í lífi okkar? Snúast trygg-
ingar í dag um eitthvað annað en
peninga? Þessar auglýsinga-
herferðir eru í anda þeirrar
stemningar sem ríkt hefur í þjóð-
félaginu eftir fjármálakreppuna.
Stefnan snýst um breytingar á
gildismati og áherslum fólks. Við
höfum færst frá töluvert mikilli
áherslu á fjárhagsleg verðmæti og
yfirborðskenndar langanir yfir í
að leggja áherslu á félagsleg sam-
skipti og raunverulegar upplifanir.
Stóru fyrirtækin hafa ekki farið
varhluta af þessu og hafa mörg
þeirra reynt að breyta vöru- og
þjónustuframboði í samræmi við
þetta. Flest hafa þó bara fylgt
þessari stefnu og nýtt sér innihald
hennar í markaðsherferðum þótt
raunveruleg þjónusta endurspegli
ekki loforðin. Markaðssérfræð-
ingar hafa bent á að ef auglýs-
ingar frá 2007 og 2013 eru bornar
saman megi sjá augljósa færslu
frá yfirborðskenndu gildismati yfir
í mun gildishlaðnari langanir og
þrár. Þessi breyting sem á rætur
að rekja til okkar sem byggjum
samfélagið kom fyrst og fremst til
vegna nauðsynjar. Sem betur fer
virðist þessi breyting ætla að
fylgja okkur eitthvað lengur, jafn-
vel nú þegar efnahagsástandið er
á batavegi. Þessi breyting hefur
svo sannarlega ekki farið framhjá
tryggingafélögunum,
en eru þau raunveru-
lega að veita okkur þá
þjónustu sem þau eru
að selja okkur? Geta
tryggingafélög tryggt
það sem okkur er
verðmætast, tryggt
það sem snýst um
okkur, fólkið?
Allianz líftryggingar
í Bandaríkjunum létu
gera rannsókn þar
sem kom skýrt fram
að svokölluð „Baby
Boomers“-kynslóð
(kynslóðin sem er fædd eftir
seinni heimsstyrjöldina) telur að
það verðmætasta sem við skiljum
eftir okkur séu fjölskyldusögur og
fjölskyldugildi. Þeim þótti fjöl-
skyldusögur mun mikilvægari en
áþreifanleg verðmæti og fjárhags-
legur arfur. Svo virðist sem fólki
sé meira í mun að skilja eftir sig
gildi og hefðir en þykka banka-
bók. Meira að segja telja 75%
þessa sama hóps það ekki vera
skyldu sína að skilja eftir sig fjár-
hagsleg verðmæti.
Heimspekingurinn Abraham
Maslow sagði: „Helsta meinsemd
samtíma okkar er skortur á gild-
ismati.“ Eldri kynslóðin í Banda-
ríkjunum virðist þessu sammála.
En hvernig er hægt að tryggja
eitthvað sem er svo óáþreifanlegt?
Hvernig tryggjum við fjöl-
skyldugildin, hefðirnar og fjöl-
skyldusögurnar? Samkvæmt Alli-
anz er lausnin nokkuð einföld:
„Gildi eru mikilvægustu gjafirnar
sem við fáum frá foreldrum okkar
og öðrum fjölskyldumeðlimum.
Besta og árangursríkasta leiðin til
þess að tryggja þessi gildi og lífs-
ins lærdóm er að skrásetja þau.
Talið saman og biðjið hvert annað
að skrifa niður gildin og lærdóm-
inn sem þið teljið mikilvægastan.
Búið til myndaalbúm saman og
úrklippubækur. Safnið saman
myndbandsupptökum og setjið á
einn stað. Sumir úr fjölskyldunni
gætu hafa skrifað ljóð, sögur eða
falleg bréf; slíkar minningar eru
þess virði að skrásetja og jafnvel
ramma inn.“
Hinn 28. febrúar síðastliðinn
opnuðum við kerfið okkar
www.aevi.is sem er fyrsta kerfi
sinnar tegundar í heiminum. Í
grunninn snýst kerfið um það að
allir sem áhuga hafa geta sest
niður fyrir framan tölvu og skráð
niður sínar minningar, til dæmis
sagt sögur með myndbands-eða
hljóðupptöku, skrifað sögur, tekið
upp myndbandskveðjur og deilt
bestu ljósmyndum og mynd-
brotum sínum til ástvina. Við frá-
fall notanda er þessum sögum og
kveðjum síðan komið til valinna
ástvina og þeir geta þá valið að
deila þeim áfram til síðari kyn-
slóða. Þannig geta eldri meðlimir
fjölskyldunnar á einfaldan hátt
tryggt að góðum og dýrmætum
fjölskyldusögum sé komið áleiðis
til yngri kynslóða og tryggt þar
með arfleifð sína og fjölskyldu
sinnar.
Það er nefnilega þannig að fyrir
flesta er safn góðra minninga og
saga ömmu og afa meiri líftrygg-
ing og sennilega mikilvægari en
fjárhagsleg líftrygging.
Hvernig viljum við raun-
verulega tryggja líf okkar?
Eftir Stefaníu
Sigurðardóttur
Stefanía
Sigurðardóttir
»Hinn 28. febrúar
opnuðum við kerfið
www.aevi.is sem veitir
öllum tækifæri til þess
að tryggja sína arfleifð
á þægilegan og einfald-
an hátt.
Höfundur er eigandi
og markaðsstjóri aevi.is.
verið beinlínis þjóðhagsleg.
Kannski setti Hannes Hólmsteinn
fordæmið. Þá fóru sumir prófess-
orar að hugsa líkt og nemendur á
fyrsta skólastiginu (þ.e. leik-
skólum). Þar gerist stundum að
sagt er „fyrst hann má, þá má ég“.
En tekið skal fram að margir fræði-
menn ná tökum á faglegum óum-
deildum greiningum sem þeir skila
með ágætum í fjölmiðlum. Prófess-
orinn bregður sér hins vegar yfir í
grá svæði pólitískra útlistinga, að-
allega í viðkvæmum álitamálum
sem falla líkt og flís við rass að
fréttaáherslum RÚV og Frétta-
blaðsins. Viljandi sleppir hann sam-
anburði sem „hentar “ ekki málstað
hans, t.d. samanburði á verði
drykkjarmjólkur út úr búð, hér og í
nágrannalöndum. Þegar menn í
hans stöðu stíga inn á pólitíska svið-
ið (sem ekki er alltaf flokks-
pólitískt) bíður trúverðugleikinn
hnekki. Nema að sjalfsögðu hjá
þeim sem hylla hið umdeilda sjón-
arhorn. En tækifærin fær hann.
Einhver taldi 30 skipti á nokkuð
skömmum tíma hjá fyrrgreindum
fjölmiðli. Þar virðist ójarðbundin
oftrú á sjónarmiðum starfsmanna
háskólanna en sjónarmið fulltrúa
atvinnulífsins á öllum endum eiga
sjaldnast neina rödd. Nefna má í
því sambandi þætti eins og Speg-
ilinn og fleiri. Ekki fer leynt aðdáun
fyrrgreindra fjölmiðla og prófess-
orsins á ESB og því sem að sam-
bandinu stóra lýtur. En þegar kem-
ur að neikvæðni gagnvart tollvernd
og stuðningi við íslenskan land-
búnað blasir við ákveðin þversögn.
Árgjaldið til ESB verður um 15
milljarðar króna ef af verður. Sú
tala var áætluð í tíð Össurar sem
utanríkisráðherra. Varla hefur hún
lækkað. Ekki alveg ókeypis ef
gengið er í klúbbinn. Stuðningur við
landbúnað (ekki séríslenskt fyr-
irbæri) sambandsins er um 33,8% af
útgjöldum. Plús 8,5% til dreif-
býlisþróunar sem fellur undir land-
búnaðarstefnu. Með bónbjörgum og
spánnýjum kerfisflækjum mætti
e.t.v. krafsa eitthvað af því fé til
baka. En það breytir ekki hinu.
Semsagt: íslenskir skattgreiðendur
myndu greiða árlega 6,4 milljarða
króna til að styrkja landbúnað.
Ekki hjá okkur, heldur á meg-
inlandinu.
» Fatakaup stórs hluta
þjóðarinnar virðast
fara fram á erlendri
grundu. Samt eru þar
engir tollar til að vernda
innlenda framleiðslu.
Höfundur er formaður
Félags kúabænda á Suðurlandi.
Hvernig hefur
bíllinn það?
Opið: mánudaga til fimmtudaga kl. 8.00-18.00, föstudaga kl. 8.00-16.30
BJB | Flatahrauni 7 | 220 Hafnarfirði | Sími 565 1090 | www.bjb.is
Við hjá BJB erum sérfræðingar í dekkjum, pústi og smurningu
og fleiru sem viðkemur reglubundnu viðhaldi bíla.
Komdu með bílinn í BJB Hafnarfirði
og þú færð góða þjónustu
og vandað vinnu.
2012
Tímapantanir í síma
565 1090
Skráðu þig
í iPad-áskrift á
www.mbl.is/mogginn/ipad/
Nú geta
allir fengið
iPad-áskrift