Morgunblaðið - Sunnudagur - 30.03.2014, Side 22

Heilsa og
hreyfing
AFP
AFP
*Hinn fertugi Ryan Giggs, leikmaður ManchesterUnited í knattspyrnu, spilar enn með Manchest-er-liðinu en hann spilaði sinn fyrsta leik árið1991. Giggs byrjaði að stunda jóga, bæði hiðhefðbundna og heitt árið 2010 og sagði í tilefni affertugsafmælinu sínu að jóga hefði tvímælalausthjálpað sér. „Það hefur hjálpað mér að geta æft á
hverjum degi því ég er liðugri og sterkari,“ sagði
Giggs við breska blaðið The Guardian
Jóga lengdi feril Ryans Giggs
H
itinn gerir svo mikið fyrir líkamann
í þessum æfingum. Hitinn gerir
það að verkum að við komumst
dýpra í æfingarnar og við náum
að sveigja betur upp á líkamann,“ segir Jó-
hanna Karlsdóttir jógafrumkvöðull, en
hún er upphafskona þess að hita líkams-
ræktarsalina upp.
Á upphafsdögum hot jóga hér á landi
notaðist hún við ferðahitablásara til að
ná hitastiginu upp í salnum en eftir að
Þröstur Sigurðsson, eigandi
Sporthússins, fékk hana yfir til
sín bjuggu þau til fyrsta sér-
hannaða heita sal landsins.
Í dag er hægt að fara í
allskonar líkamsrækt í
heitum sal og flest-
allar líkamsræktar-
stöðvar landsins bjóða
upp á heita sali. Allt frá jóga,
kvið- og bakæfingum, foam
flex og fleira, listinn er
nokkuð langur. Nánast
allt er hægt að gera í
heitum sal.
„Að gera æfingar í
heitum sal er mikil
hreinsun og það finnst
þegar eiturefnin streyma út
um húðina. Þegar maður
teygir sig og beygir og opnar æðakerfi og
liðamót þá verður miklu meiri brennsla og
veldur mikilli vellíðan sem ég hef stundum
líkt við að fara í innra nudd.“
Hlusta og hlýða, þá
er hættan engin
Jóhanna segir að það sé ekki mikið
að varast við það að gera æfingar í
heitum sal. Jafnvel þótt þær taki
vel á. Hún tali auðvitað bara fyrir
jóga, enda er hún lærð í því fagi
en hún hefur ekki enn heyrt
neitt slæmt um heitu salina.
„Við kennum þannig að
það á að vinna með bakið
beint. Við kennum að beita
bakinu og líkamanum rétt.
Viðkomandi er leiðbeint að
gera æfingarnar rétt og
með réttri öndun er hægt
að komast millimetra
lengra í næsta tíma og svo
framvegis. Þetta gerist
smátt og smátt. Við pössum
það að fólk stoppi og reyni
ekki að fara dýpra en lík-
aminn leyfir. Þetta er eins og
að beygja járn í eldi. Við
mýkjumst í hitanum en þetta
er ekki hættulega mikið.“
Hitinn í heitu jóga er í
kringum 37-40 gráður og
rakastigið verður einnig
að vera rétt. Hot jóga er
skipt í þrjú þrep þar sem
æfingarnar verða flóknari
og meira krefjandi með
hverju þrepi.
Morgunblaðið/Árni Sæberg
HEITIR LÍKAMSRÆKTARSALIR
Innra nudd
líkamans
JÓGAKENNARINN JÓHANNA KARLSDÓTTIR BYRJAÐI FYRST ALLRA AÐ
KENNA LÍKAMSRÆKT Í HEITUM SAL. NÚ, FIMM ÁRUM SÍÐAR, ER HÆGT
AÐ STUNDA NÁNAST HVAÐA HREYFINGU SEM ER Í HEITUM SAL.
Benedikt Bóas benedikt@mbl.is
Jóhanna
Karlsdóttir
Fjölmargar stórstjörnur í Hollywood
stunda hot jóga af mörgum misjöfnum
ástæðum. Grínarinn Russell Brand hefur
sagt að hot jóga hafi bjargað sér frá eitur-
lyfjafíkninni. Það gerði leikarinn Robert
Downey Jr. einnig en hann hefur klifrað
hægt og rólega aftur upp á topp eftir að
hafa verið dæmdur í fangelsi fyrir fíkni-
efnabrot. Hillary Clinton, fyrrverandi
utanríkisráðherra Bandaríkjanna, hefur
reglulega fengið spurninguna, hvernig hún
haldi sér í formi. Þar hefur svarið verið í
hartnær 30 ár: „Sund og jóga, venjulegt
og heitt.“
Körfuboltastjarnan í Miami Heat, Le-
Bron James, fór í hot jóga í fyrsta sinn ár-
ið 2011 eftir að samherji hans, Dwayne
Wade, benti honum á kosti þess.
Adam Levine, söngvari Maroon 5 og
dómari í The Voice, fer með jógakennara
í hljómsveitartúr og fer alltaf í klukku-
stundartíma fyrir tónleika. Ef hann kemst
í hot jóga nýtir hann tækifærið. Til að ná
fókus. Þá er poppdrottningin Lady Gaga
þekktur hot jóga-nemandi. Eftir aðgerð á
mjöðm fór Lady Gaga að mæta í æ fleiri
tíma og það er ekki að sjá að henni hafi
orðið varanlega meint af meiðslunum.
ALHEIMSSTJÖRNURNAR TEYGJA SIG
Hot jóga í Hollywood
Fyrir tíma í heitum sal þarf að drekka vel
af vatni og einnig meðan á honum stend-
ur. Það má ekki borða þunga fæðu þrem-
ur tímum fyrir tímana. Gott er að taka
með sér vatnsbrúsa í tímana og nauðsyn-
legt að vera með stórt handklæði fyrir
hreinlæti. Þá er gott að bæta sér upp
steinefnatap með því að borða stein-
efnaríkan mat. Grænmeti og grænmet-
issafar eru tilvaldir.
Heitir salir víða
Það er víða hægt að komast í heita sali til
að stunda líkamsrækt. World Class býður
upp á hot jóga, teygjur, foam flex, sacred
music hot vinyasa, sem og venjulegt hot
vinyasa. Þá er hægt að fara í hot fit og æfa
maga og kvið. Í Baðhúsinu er í boði heitt
jóga, í Árbæjarþreki er boðið upp á heita
sali eftir að stöðin stækkaði og þar er
jóga, buttlift og spinning kennt í heitum
sal. Hress í Hafnarfirði býður upp á heitan
sal og á Akureyri er boðið upp á líkams-
ræktarsal sem hægt er að hita upp. Hvert
sem litið er í líkamsræktarheiminum hér
á landi bjóða stöðvar upp á heita sali.
VATN OG STEINEFNARÍK FÆÐA
Vera vel vatnaður
Grínarinn Russell Brand hefur sagt að hot
jóga hafi bjargað sér frá eiturlyfjafíkninni.
AFP