Morgunblaðið - Sunnudagur - 30.03.2014, Blaðsíða 32

32 MORGUNBLAÐIÐ SUNNUDAGUR 30.3. 2014
Matur og drykkir
É
g fékk hrærivél í jólagjöf fyrir þremur árum og eins og fordekr-
aður krakki var ég fúl út í gjöfina því ég þoli ekki hávær heim-
ilistæki. Ég tók hana svo í sátt þegar ég fattaði að það var hægt
að nota hana til pylsugerðar,“ segir Hildur Steinþórsdóttir arki-
tekt sem tilheyrir hóp sem hittist á tveggja mánaða fresti og útbýr og
snæðir saman pylsur.
„Þetta eru vinir úr ýmsum áttum og það er alltaf eitthvað spennandi
sem gerist í hvert sinn sem við hittumst því við notumst aldrei við fyrir-
fram mótaðar uppskriftir heldur gerum eitthvað nýtt. Þetta er skemmti-
leg átylla til að hittast og það er enginn asi á okkur, þetta er heldur róleg
matargerð og þægilegt að spjalla meðan við útbúum matinn. Það má ekki
gleyma að meðlætið spilar líka stórt hlutverk. Heimagert majónes verður
til dæmis að vera með.“
Pylsugerðin ehf eins og þau kalla sig hefur verið starfandi í tæplega tvö
ár og í dag tilheyra 12 manns hópnum en meðlimir mæta eins margir og
geta hverju sinni. Sérstökum heiðursgestum er jafnan boðið að koma og
taka þátt í pylsugerðinni og þótt pylsur séu að sjálfsögðu alltaf á boð-
stólum er gjarnan ákveðið þema í kringum þær. Þannig hefur verið boðið
upp á miðjarðarhafspylsur, hreindýrapylsur, beikon- og hlynsírópspylsur,
epla-, peru- og bláberjapylsur sem og indverskar pylsur svo eitthvað sé
nefnt.
„International Restaurant Day er dagur þegar einstaklingar opna heim-
ili sín og bjóða gestum og gangandi að koma og njóta spennandi matar.
Við ákváðum að stofna eins dags pylsuveitingahús í heimahúsi í Vestur-
bænum. Við fengum svo góðar undirtektir að við ákváðum að nota tæki-
færið og safna peningum fyrir gott málefni og Geðdeild Landspítalans
varð fyrir valinu. Við gerðum yfir 100 metra af pylsum og fyrir upphæð-
ina sem safnaðist keyptum við ömmustóla, skiptiborð, dýnur, útvörp, teppi
og púða og gáfum til Geðdeildar.“
Pylsugerðin fer fram við hlátrasköll og brandarakeppni. „Þess vegna er
uppgefið magn í uppskriftunum aðeins til viðmiðunar. Margar uppskriftir
er að finna á netinu þar sem fólk getur fengið hugmyndir. Okkur finnst
gott að blanda saman nautahakki og svínahakki en vörum við því að gera
pylsurnar úr mögru kjöti nema bæta við fitu á móti. Margir vinir okkar
spyrja hvort það sé ekki flókið að gera pylsur, en ég svara því til að það
sé auðveldara en að gera kjötbollur,“ segir Hildur að lokum.
Að útbúa pylsur er víst auðveldara en að steikja kjötbollur.
ÚTBÚA PYLSUR SEX SINNUM Á ÁRI
Pylsugerðar-
hópurinn
* „Okkur finnst gott aðblanda saman nautahakkiog svínahakki en vörum við því
að gera pylsurnar úr mögru kjöti“
Frá vinstri: Gunnar Helgi Guðjónsson,
Auður Alfífa Ketilsdóttir, Bjarki Bragason,
Þórunn Hannesdóttir, Hafþór Óskarsson,
og Unnsteinn Jóhannsson.
12 MANNA HÓPUR HITTIST REGLULEGA OG ÚTBÝR
GIRNILEGAR PYLSUR MEÐ HEIMALÖGUÐU MAJÓNESI,
HRÁSALATI OG FLEIRA GIRNILEGU MEÐLÆTI.
Júlía Margrét Alexandersdóttir julia@mbl.is
FYRIR FIMM
500 g svínahakk
500 g nautahakk
200 g beikon eða eftir smekk
væn sletta af hvítvínsediki
1 laukur, hakkaður smátt
2 dl hlynsíróp
salt, lítið
pipar eftir smekk
cayennepipar eftir smekk
2 dl bláber
Notið sömu aðferð og við gerð Chorizo-pylsunnar.
Beikonpylsur
FYRIR FIMM
500 g svínahakk
500 g nautahakk
stór slurkur af hvítvínsediki
einn laukur, smáhakkaður
2 bollar fersk hökkuð steinselja
1 ferskur grænn chilipipar,
smátt skorinn
1 græn paprika
1 tsk. kóríanderfræ, möluð
2 msk. vel sölt chorizo
2 hvítlauksgeirar
malaður pipar eftir smekk
garnir
Nauðsynlegt er að hafa aðgang að hrærivél eða matvinnsluvél
með hakkavél og þar til gerðan pylsugerðarstút. Með stútnum
fylgja jafnan góðar leiðbeiningar um pylsugerð. Hægt er að búa til
eigið hakk eða kaupa það tilbúið.
Blandið öllu vel saman í skál. Þrífið garnirnar, bleytið og þræðið
upp á stútinn. Hér var notast við garnir frá Nokk sem hópnum
þykir þunnar og auðveldar í notkun. Þegar pylsugörnunum hefur
verið troðið upp á stútinn er hakkblöndunni rennt í gegnum
hakkavélina og troðið í þær. Jafnið kjötið út í görnunum og stingið
nokkur göt með nál. Bindið garn um endann á hverri pylsu þegar
ykkur finnst pylsan í hæfilegri stærð.
Gott er að grilla pylsurnar í ofni við 200°C í um hálftíma. Ef
magnið er mikið er gott að forsjóða pylsurnar augnablik áður en
þær eru settar í ofninn.
Græn chorizopylsa