Morgunblaðið - 04.07.2014, Blaðsíða 17
FRÉTTIR 17Erlent
MORGUNBLAÐIÐ FÖSTUDAGUR 4. JÚLÍ 2014
Bæjarlind 16 I 201 Kópavogur I sími 553 7100 I www.linan.is
Opið mánudaga til föstudaga 11 - 18 I laugardaga 11 - 16
SIXTIES LÍNAN
Betina
Eikarskenkur
kr. 151.700
Porgy stóll
kr. 17.900
House Doctor
Loftljós kr. 24,900
UNFURL
Svefnsófi
kr. 109.000
YUMI
Eldhúsborð
kr. 79.800
Gina stóll
kr. 19.900
Genova - flottur hvar sem er
kr. 189.900 TILBOÐSVERÐ kr. 149.900
HM TILBOÐ
krónur
149.900
Nicolas Sarkozy, fyrrverandi Frakk-
landsforseti, segir ásakanir á hendur
sér vera pólitískar ofsóknir og aðeins
gerðar til að sverta mannorð hans og
niðurlægja. Sarkozy var hnepptur í
varðhald á þriðjudagsmorgun og yf-
irheyrður, en það er einsdæmi í sögu
landsins að farið sé þannig með fyrr-
verandi þjóðhöfðingja. Hann vonast
til að hljóta útnefningu flokks síns
fyrir forsetakosningarnar 2017 og
eru ásakanirnar taldar vera þungur
steinn í vegi hans að því markmiði.
Rannsakendur í máli hans telja
hann hafa spillt gangi réttvísinnar
með því að leita eftir innherjaupplýs-
ingum um rannsókn sem sneri að
forsetaframboði hans árið 2007. Sú
rannsókn kom í kjölfar fullyrðinga
þess efnis að Muammar Gaddafi, þá-
verandi forsætisráðherra Líbíu,
hefði fjármagnað kosningabaráttu
Sarkozys.
Vinsælli en Hollande
Samkvæmt skoðanakönnunum er
Sarkozy vinsælli en núverandi for-
seti, Francois Hollande. Áður en
þessar ásakanir komu í ljós leit allt
út fyrir að Sarkozy fengi umboð
flokks síns til að gera aftur tilkall til
forsetaembættisins. Nú þykja þær
áætlanir vera í uppnámi.
Sarkozy kom fram í sjónvarpsvið-
tali á miðvikudagskvöld þar sem
hann kallaði á fólkið í landinu til að
vera vitni að því sem hann kallaði
pólitískar ofsóknir. Sagði hann ásak-
anirnar enga stoð eiga í raunveru-
leikanum. Milljónir Frakka horfðu á
forsetann fyrrverandi bera af sér
sakir og telja stjórnmálaskýrendur í
landinu að viðtalið beri öll merki
þess að Sarkozy stefni ótrauður á
forsetastólinn 2017. sh@mbl.is
Ásakanir séu
pólitísk ofsókn
Sarkozy bar af sér sakir í sjónvarpi
AFP
Umdeildur Sarkozy mætir nú alvar-
legum ásökunum í heimalandinu.
Eyrarsund
betur brúað
Nýjar áætlanir byggingar- og ráð-
gjafarfyrirtækja í Svíþjóð gera ráð
fyrir sterkari tengslum yfir Eyrar-
sundið til Danmerkur. Er lagt til að
gerðar verði sex nýjar leiðir á milli
landanna. Þar á meðal er útbreiðsla
lestakerfis Kaupmannahafnar til
Málmeyjar og ný háhraðalest frá
Málmey til Kastrup-flugvallar í
Kaupmannahöfn, auk þess sem lagt
er til að göng verði gerð á milli Hels-
ingjaeyrar í Danmörku og Hels-
ingjaborgar í Svíþjóð. Þá er lagt til
að sérstök hjólarein verði gerð yfir
Eyrarsundsbrúna.
Áætlað er að mannfjöldi á svæð-
inu muni aukast um milljón til ársins
2070 og eru áætlanirnar liður í und-
irbúningi undir þessa miklu fjölgun.
Mannvirki Brúin rís hátt yfir Eyrarsund.
Sex nýjar tillögur
Skúli Halldórsson
sh@mbl.is
Öryggi hefur nú verið hert á flugvöll-
um sem þjóna farþegaþotum í beinu
flugi til Bandaríkjanna. Eru þessar
ráðstafanir vegna yfirvofandi hættu
sem þykir stafa frá al-Qaeda hryðju-
verkasamtökunum.
Í tilkynningu frá heimavarnarráðu-
neyti Bandaríkjanna segir að verið sé
að deila mikilvægum upplýsingum
með bandamönnum, ásamt því að
ráðgast sé við helstu flugfélög.
Breytinganna er að vænta á næstu
dögum. Fyrrverandi utanríkis-
ráðherra Bandaríkjanna, Hillary
Clinton, segist taka ógnina alvarlega.
„Við þurfum að hafa augun opin.“
Ríkisstjórn Bretlands hefur ekki
enn gefið út í hverju breytingarnar
muni felast en lengri biðtími á flug-
völlum er ekki útilokaður. Þó að hinu
herta öryggi sé beint að þeim sem eru
á leið til Bandaríkjanna munu allir
farþegar þurfa að ganga í gegnum
sama öryggisferli. Hið opinbera
hryðjuverkahættustig er þó það sama
og áður, verulegt.
Evrópskir hryðjuverkamenn
Í kjölfar arabíska vorsins árið 2011
hefur tómarúm myndast í Jemen og
hafa al-Qaeda nýtt það og komið sér
vel fyrir. Bandaríkin hafa þó sent
árásarflygildi á valda staði í landinu,
sem hafa drepið fjölda liðsmanna
samtakanna.
Síðustu fimm ár hafa samtökin í
Jemen unnið að sprengiefnum sem er
erfitt fyrir öryggiseftirlit að upp-
götva, þar sem þau innihalda engan
málm og gefa aðeins frá sér litlar
efnagufur. Talið er að systursamtök
al-Qaeda í Sýrlandi starfi saman með
al-Qaeda að gerð þessara sprengi-
efna. Felst ógnin í því að liðsmenn
samtakanna sem hafa evrópsk vega-
bréf eru nú í Sýrlandi og gætu lært að
framleiða slíkar sprengjur áður en
þeir snúa heim aftur.
Herða öryggi á flugvöllum
Aukin ógn þykir stafa frá al-Qaeda samtökunum í Jemen
Framleiða sprengiefni sem er erfitt að finna við eftirlit
AFP
Vopnaðir Ekki óalgeng sjón á flug-
völlum í Bretlandi eftir árið 2001.
Þýska þingið
samþykkti í gær
lágmarkslaun
fyrir íbúa lands-
ins, en slíkt fyr-
irkomulag hefur
ekki verið til
staðar áður.
Launin munu
verða 8,5 evrur á
hverja klukku-
stund, eða um
þrettán hundruð krónur. Kristi-
legir demókratar samþykktu þessa
nýju stefnu sem hluta af mál-
efnasamningi við flokk sósíal-
demókrata.
Til þessa hefur Þýskaland reitt
sig á stéttarfélög til að semja um
lágmarkslaun í landinu. Eftir að
lögin taka gildi eru aðeins sex lönd
innan ESB sem eru án settra lág-
markslauna. Deilur hafa ríkt um
þessa lagasetningu þar sem sumir
fullyrða að fyrirtæki eigi eftir að
flytja rekstur sinn til landa þar sem
eru lægri launagreiðslur.
Lágmarkslaun sett
í fyrsta sinn
ÞÝSKALAND
Angela Merkel
kanslari
Grímuklæddur palestínskur mótmælandi notast við
slöngvivað til að kasta steinum í átt að ísraelskri lög-
reglu í gær. Mikil reiði er meðal beggja þeirra þjóða
sem búa í landinu. Lík þriggja ísraelska drengja fund-
ust á mánudag og lík palestínsks drengs fannst í fyrra-
dag. Ríkir ótti um að mikil hjaðningavíg séu í aðsigi.
AFP
Mundar slöngvivaðinn gegn lögreglu
Átök magnast fyrir botni Miðjarðarhafs
Forsætisráð-
herra Svíþjóðar,
Fredrik Rein-
feldt, sagði á ráð-
stefnu í gær að
ríkisstjórn hans
hygðist byggja
20 þúsund íbúðir
fyrir árið 2020.
Verða íbúðirnar
ætlaðar stúd-
entum og einnig
er áætlað að bygging íbúðanna
muni skapa 13 þúsund störf til árs-
ins 2035.
Á miðvikudaginn lofaði Reinfeldt
að reisa hundrað þúsund ný heimili
í landinu fyrir árið 2035, sem mun
vera hluti af langtímamarkmiði rík-
isstjórnarinnar að fjölga vinnandi
Svíum upp í fimm milljónir fyrir ár-
ið 2020.
Einhverjir telja þó að áform-
unum sé ætlað að kaupa fylgi kjós-
enda, en kosningar munu fara fram
í september næstkomandi.
Byggja 20 þúsund
íbúðir fyrir stúdenta
SVÍÞJÓÐ
Fredrik Reinfeldt
forsætisráðherra