Morgunblaðið - 28.08.2014, Page 2

2 FRÉTTIRInnlent
MORGUNBLAÐIÐ FIMMTUDAGUR 28. ÁGÚST 2014
20% afsláttur
Fæst án lyfseðils.
Lesið leiðbeiningar í fylgiseðli vandlega fyrir notkun.
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Starfsmenn Íslenskra orkurann-
sókna (ÍSOR) fóru í gær og hlóðu nið-
ur gögnum af jarðskjálftamælum á
Reykjanesi, en tugum mæla hefur
verið komið fyrir á nesinu og í hafinu
fyrir utan það í tengslum við evrópskt
rannsóknarverkefni sem nefnist
IMAGE. Þátttakendur eru ellefu
rannsóknarstofnanir á sviði jarðhita í
Evrópu auk átta fyrirtækja sem
koma að rekstri jarðvarmavera eða
annarri nýtingu jarðhitakerfa. Hlaða
þarf gögnum af mælunum á tveggja
mánaða fresti.
Markmið verkefnisins er að þróa
nýjar aðferðir til að rannsaka og meta
jarðhitakerfi og staðsetja borholur
með nákvæmari hætti en gert hefur
verið til þessa. Vonast er til að þannig
verði hægt að fá sem besta mynd af
jarðhitakerfunum áður en boraðar
séu rannsóknarholur. Þannig mætti
mögulega draga úr kostnaði við bor-
anir í jarðhitaverkefnum og stuðla að
því að staðsetning vinnsluhola verði
árangursríkari, sem aftur væri til
þess að draga úr umhverfisáhrifum.
Gylfi Páll Hersir, jarðeðlisfræð-
ingur og verkefnisstjóri hjá ÍSOR,
segir miklar vonir bundnar við verk-
efnið og þær upplýsingar sem kunni
að koma út úr því. Þær nýtist ekki að-
eins hér á landi heldur einnig við
sambærilegar aðstæður erlendis.
hjortur@mbl.is
Morgunblaðið/Þórður
Rannsóknir Dr. Philippe Jousset, Hanna Blanck og Gylfi Páll Hersir.
Tappað af mælunum
 Vonir bundnar við að þéttriðið net jarðskjálftamæla við
og á Reykjanesi stuðli að nákvæmari staðsetningu borhola
Sigurður Ingi Jó-
hannsson sjávarút-
vegsráðherra segir
niðurstöðu sameig-
inlegs makrílleið-
angurs Íslendinga,
Norðmanna, Fær-
eyinga og Græn-
lendinga mjög
ánægjulega enda sé
hún til þess fallin að
styrkja stöðu Ís-
lendinga í komandi makrílviðræðum.
„Þetta mun klárlega styrkja stöðu
okkar. Því meira sem mælist af mak-
ríl, þeim mun sterkari stöðu fáum við
fyrir þeim málflutningi sem við höfum
haft,“ segir Sigurður Ingi, en heildar-
vísitala makríls í Norðaustur-Atlants-
hafi hefur verið metin um 9 milljón
tonn. Þar af voru 1,6 milljón tonn inn-
an íslenskrar efnahagslögsögu, eða
tæplega 18 prósent. Er því ljóst að um
mjög mikla makrílgengd er að ræða í
íslenskri lögsögu.
Makrílfundur í haust
Spurður hvort komin sé tímasetn-
ing á frekari viðræður, sem fyrirhug-
aðar eru í haust, kveður ráðherrann
nei við. „Mér vitanlega er ekki komin
nein dagsetning. Það er hins vegar
fyrirhugað að menn taki upp þráðinn
aftur í haust.“ khj@mbl.is »24
Staða Íslands styrk-
ist með makrílnum
 Um 1.600 þúsund tonn í lögsögunni
Morgunblaðið/Eggert
Við veiðar Þessir bátar eltu makríltorfu við Rif á Snæfellsnesi í gær.
Sigurður Ingi
Jóhannsson
Vilhjálmur Kjartansson
vilhjalmur@mbl.is
Sigdældir hafa myndast suðaustan
við Bárðarbungu og er talið að eld-
gos sé annað hvort yfirstandandi eða
hafi orðið. Ekki er hægt að útskýra
sigkatlana með öðrum hætti en að
kvika hafi brætt jökulinn, sam-
kvæmt upplýsingum sérfræðinga á
Veðurstofunni og Almannavarnar-
deild ríkislögreglustjóra.
TF-Sif, flugvél Landhelgisgæsl-
unnar, flaug yfir Vatnajökul með vís-
indamenn í eftirlitsflugi síðdegis yfir
jökulinn og uppgötvuðu þeir grunna
sigkatla og sprungur 4 – 6 km langar
við suðaustanverða Bárðarbungu.
Skjálftavirkni hafði ekki aukist á
svæðinu en er engu að síður mikil
undir og við norðanverðan Vatnajök-
ul, en frá miðnætti í gær og fram á
miðjan dag mældust rúmlega 700
skjálftar. Virknin var þá að mestu ut-
an jökulsins og hafði þokast nærri
kílómetra til norðurs frá því á þriðju-
dag.
Nokkrir stórir skjálftar mældust í
gær en rétt eftir miðnætti, aðfara-
nótt miðvikudags, mældist skjálfti af
stærðinni 5,3 í Bárðarbunguöskjunni
og klukkan 2.50 mældist annar stór
skjálfti af stærðinni 5,2 á svipuðum
slóðum. Klukkan 1.52 mældist
skjálfti af stærðinni 4,5 austantil í
Öskju og fylgdi dálítil smáskjálfta-
virkni í kjölfarið.
Berggangurinn undir Dyngjujökli
er nú talinn vera rúmlega 40 km lang-
ur og benda líkanreikningar byggðir
á GPS-mælingum til þess að rúm-
málsaukningin síðasta sólarhringinn
sé rúmlega 20 milljónir rúmmetra.og
að berggangurinn hafi valdið veruleg-
um spennubreytingum á stóru svæði.
Eldgos hefur mögulega orðið
Morgunblaðið/Þórður
Eldgos Vísindamenn fylgjast grannt með ástandinu við jökulinn.
Morgunblaðið/Golli
Almannavarnir Víðir Reynisson
talar við fréttamenn í gærkvöldi.
 Ekki er hægt að slá föstu að eldgos sé hafið við Bárðarbungu  Sigdældir sáust í eftirlitsflugi suð-
austan við Bárðarbungu  Skjálftavirkni hefur ekki aukist en er enn mikil á svæðinu
Í svari sjávarútvegs- og landbúnaðar-
ráðherra við fyrirspurn Kristjáns L.
Möller, þingmanns Samfylkingarinn-
ar, sem dreift var á Alþingi í gær, má
finna sundurliðun almenna veiði-
gjaldsins, sérstaka veiðigjaldsins og
lækkunar á sérstöku veiðigjaldi eftir
bæjarfélögum.
Fram kemur að sex bæjarfélög
greiða meira en 500 milljónir í sér-
stakt veiðigjald og trónir höfuðborgin
þar efst, en sjávarútvegsfyrirtæki í
Reykjavík greiða rúma 2,4 milljarða
króna í sérstakt veiðigjald. Þar á eftir
koma Vestmannaeyjar, sem greiða
rúma 1,6 milljarða, og Akureyri og
Grindavík með tæpan milljarð. Höfn
og Neskaupstaður koma þar á eftir
með yfir 500 milljónir hvor en ekki
langt þar á eftir koma Sauðárkrókur
og Siglufjörður, rétt undir 500 millj-
ónum.
Gott fyrir umræðuna
Kristján óskaði eftir því að fá hvoru
tveggja svar við því hver var heildar-
fjárhæð innheimtra veiðigjalda, al-
menns veiðigjalds og sérstaks veiði-
gjalds samkvæmt lögum um
veiðigjöld, nr. 74/2012, og hver væri
heildarfjárhæð lækkana vegna vaxta-
kostnaðar við kaup á aflaheimildum
samkvæmt ákvæði til bráðabirgða í
lögum um veiðigjöld.
„Þetta eru mikilvæg gögn inn í um-
ræðuna og ég fagna því að ráð-
herrann fallist á þau sjónarmið mín að
gefa þessar upplýsingar út sundurlið-
aðar með þessum hætti,“ segir Krist-
ján, sem nú leggst yfir það að skoða
þessi mál betur.
Lækkun á sérstöku veiðigjaldi
samkvæmt ákvæði til bráðabirgða í
lögum um veiðigjöld dreifist nokkuð
ójafnt milli bæjarfélaga. Í Grindavík
var t.a.m. lækkun á sérstöku veiði-
gjaldi um tæpar 700 milljónir og tæp-
ar 300 á Hellissandi, en hún var til
samanburðar tæpar 200 milljónir í
Reykjavík og 170 milljónir í Eyjum.
„Ég bjóst við minni dreifingu og öðru-
vísi en þessar tölur gefa til kynna, t.d.
að meiri lækkun yrði á Vestfjörðum
en raun ber vitni,“ segir Kristján.
Hæstu greiðslur veiðigjalda
í Reykjavík og Eyjum
 Ójöfn dreifing lækkunar á sérstöku veiðigjaldi