Morgunblaðið - 28.08.2014, Síða 6

6 FRÉTTIRInnlent
MORGUNBLAÐIÐ FIMMTUDAGUR 28. ÁGÚST 2014
Gardavatn& Feneyjar
Bókaðu núna á baendaferdir.is
Sími 570 2790
bokun@baendaferdir.is
Síðumúla 2, 108 Reykjavík
Gardavatn hefur verið einn vinsælasti áfangastaður
Íslendinga til margra ára, en Goethe líkti staðnum við
himnaríki og skyldi engan undra. Njótum þess að sigla
á Gardavatni og til drottningar Adríahafsins, Feneyja.
Heimsækjum einnig elstu borg Norður-Ítalíu,Veróna.
Verð: 218.600 kr. á mann í tvíbýli.
Mjög mikið innifalið!
Sp
ör
eh
f.
Fararstjóri: Hlín Gunnarsdóttir
Haust 12 4. - 14. október
Benedikt Bóas
benedikt@mbl.is
Hljómsveitin Kaleo mun spila í opn-
unarteiti ljósmyndasýningar til heið-
urs rokkljósmyndaranum góðkunna
Bob Gruen, sem haldið verður á Ace-
hótelinu í London hinn 9. október.
Útvarpsmaðurinn og rokkabillígoð-
sögnin Smutty Smiff, sem býr hér á
landi, þekkir vel til Gruens og mælti
með að hljómsveitin fengi að taka
nokkur lög. Gruen tók vel í beiðnina
eftir að hafa hlustað á nokkur lög
með strákunum úr Mosfellsbæ.
Bob Gruen er einhver kunnasti
rokkljósmyndari sögunnar en hann
var meðal annars einkaljósmyndari
Johns Lennons þegar sá síðarnefndi
dvaldi í New York. Margar af þekkt-
ustu ljósmyndum sem birst hafa af
Lennon eru einmitt eftir Gruen. Þá
hefur hann myndað The Clash,
Ramones, Patti Smith, Blondie, Led
Zeppelin, The Who, David Bowie,
Tinu Turner, Elton John, Aero-
smith, Kiss, Alice Cooper og svona
mætti lengi telja. Á sýningunni í
London verða sýndar 46 myndir sem
Gruen hefur tekið á ferli sínum.
Hann hefur ekki haldið sýningu í
hartnær áratug og því er töluverð
eftirvænting fyrir þessum gleðskap.
Búist er við að mörg rokkfyrir-
menni sögunnar komi og hlusti á
Kaleo slá í rokkklárinn. „Gestalist-
inn er samansettur af mörgum rokk-
goðsögnum og toppunum í rokkinu
en svo veit maður aldrei hverjir
mæta,“ segir Jökull Júlíusson,
söngvari Kaleo, og viðurkennir að
þetta gætu orðið einhverjir stærstu
tónleikar hljómsveitarinnar enda
ekki á hverjum degi sem spilað er
fyrir fyrirmenni rokksins. „Smutty
hefur tekið okkur opnum örmum síð-
an við gengum til hans á X-inu og
báðum hann að spila eitt lag eftir
okkur. Hann hreifst af því lagi og
hefur verið okkur mjög hjálplegur.
Við gætum ekki spilað þarna án hans
aðstoðar.“
Kaleo er nú að taka upp aðra
breiðskífu sína og fyrst þeir munu
hitta einn frægasta rokkljósmynd-
ara sögunnar verður athugað hvort
hann vill ekki smella af – fyrir næstu
plötu.
Það kemur í ljós þegar platan
kemur út hvort það hafi tekist.
Kaleo slær í rokkklárinn
fyrir ljósmyndara Lennons
 Hljómsveitin Kaleo
spilar í opnunarteiti
Bobs Gruens
Morgunblaðið/Rósa Braga
Góðir Hljómsveitin Kaleo úr Mosfellsbæ spilar í opnunarteiti fyrir ljós-
myndasýningu Bobs Gruens, einn þekktasta rokkljósmyndara sögunnar.
Ingveldur Geirsdóttir
ingveldur@mbl.is
„Ég hef aldrei áður lent í því að
skrifa matseðil og reyna að hafa
hann ekki vinsælan,“ segir Trausti
Magnússon, matreiðslumeistari
Hagaskóla í Reykjavík.
Á þriðjudaginn fengu forráða-
menn nemenda í skólanum sent bréf,
undirritað af Trausta og Ingibjörgu
Jósefsdóttur skólastjóra, þar sem
þeim var tjáð að vegna fjölgunar
nemenda í skólanum annaði eldhús
skólans ekki lengur fjöldanum og því
þyrfti að draga verulega úr þeirri
fjölbreytni sem í boði hefði verið.
Á aðeins nokkrum árum hefur
þeim nemendum sem borða í skól-
anum fjölgað úr 200 í rúmlega 500 en
eldhúsið er byggt til að anna 200-300
manns. Trausti segir að hann og
skólayfirvöld hafi ítrekað vakið at-
hygli á þessum vanda við borgina en
engin viðbrögð fengið. Síðasta vor
kom skipun frá Heilbrigðiseftirliti
Reykjavíkur um að ef eldhúsið yrði
ekki stækkað yrði að bregðast strax
við og skerða verulega þá fram-
leiðslu matvæla sem ætti sér þar
stað. „Við höfum lagt á það áherslu
að allir geti fundið eitthvað við sitt
hæfi í mötuneytinu og buðum upp á
tvo til þrjá heita rétti í hverju hádegi
ásamt meðlæti og salatbar. Krakk-
arnir velja sér sjálf á diskinn af sér-
stakri afgreiðslulínu. Það heyrir orð-
ið sögunni til að við sjáum á eftir
þeim út í sjoppu eða bakarí.“
Í Hagaskóla eru aðeins unglinga-
deildir, 8., 9. og 10. bekkur, og segir
Trausti að borgin geri ekki ráð fyrir
meiri hráefniskostnaði á 16 ára ung-
ling en sex ára barn. „Við teljum
okkur vera að elda fyrir þann hóp
fólks sem borðar hvað mest, 13 til 16
ára krakkar borða rosalega vel.“
Nú neyðist skólinn til að stíga
skref aftur á bak í mötuneytismál-
unum og bjóða aðeins upp á einn
heitan rétt með meðlæti í hádeginu
og draga úr framboði ávaxta. Þá
verða vinsælustu réttirnir á matseðl-
inum að víkja því of mikið magn þarf
að elda af þeim. „Það er svo merki-
legt að eftir að við komum með
sjálfsafgreiðslulínuna og salatbarinn
hefur fjöldi manns komið að skoða
aðstöðuna frá öðrum sveitarfélögum
en ennþá ekki einn einasti frá
Reykjavík. Margir vilja taka upp
sama kerfi og við,“ segir Trausti.
Morgunblaðið/Ómar
Í eldhúsinu Trausti Magnússon, matreiðslumeistari Hagaskóla, segir eldhúsið of lítið og eldunartækin líka. Borgin hefur engu svarað um bætta aðstöðu.
Vinsælustu réttirnir ekki í boði
Mötuneyti Unglingarnir velja sér sjálfir matinn á diskana.
Segulómtæki Hjartaverndar hefur
verið bilað síðasta hálfa mánuðinn og
verður eitthvað lengur vegna skorts á
fljótandi helíum í
heiminum.
Sigurður Sig-
urðsson, yfirmað-
ur myndgreining-
ardeildar
Hjartaverndar,
segir að skortur
hafi verið á helí-
um í heiminum
undanfarin þrjú
ár og því séu alltaf
tafir á því að fá
helíumið afhent. Helíum fyrir seg-
ulómtæki kemur venjulega frá
Bandaríkjunum þar sem er ein
stærsta helíumnáma í heimi.
„Við höfum lent í því áður að bíða
eftir helíum en við höfum ekki þurft
eins mikið magn og við þurfum núna,
sem gerir það heldur erfiðara,“ segir
Sigurður. Helíummagnið sem þarf
fer eftir gerð bilunarinnar. Stundum
þarf aðeins að fylla á það sem gufar
upp og þá þarf lítið magn en nú er bil-
unin stærri og því þarf meira magn
en vanalega.
Fljótandi helíum gegnir því hlut-
verki í segulómtækinu að gera seg-
ulinn ofurleiðandi, þ.e. hann kælir
niður vírinn sem segullinn er búinn til
úr svo hann verður viðnámsfrír. Við
það þarf ekki að veita stöðugt raf-
magni á tækið og fæst þá kröftugt og
jafnt segulsvið.
Spurður hvaða áhrif bilun segul-
ómtækisins hafi á starfsemi Hjarta-
verndar segir Sigurður að þau geti
ekki stundað ákveðnar vísindarann-
sóknir í bili. „Við höfum þurft að gera
hlé á þeim að hluta til en það eru ýms-
ar aðrar rannsóknir í gangi en þær
sem við gerum með þessu tæki.“
Sigurður segir að nokkur ár séu
síðan Hjartavernd hafi síðast pantað
helíum og þá hafi ekki verið helíum-
skortur í heiminum. Framleiðendur
segulómtækisins og þjónustuaðila
þess eru að vinna á fullum krafti við
að útvega helíum svo segulómtækið
verður vonandi komið fljótlega í gang
aftur að sögn Sigurðar. ing-
veldur@mbl.is
Segulóm-
tækið bíð-
ur helíums
Hjartavernd Bíður
eftir helíum.