Morgunblaðið - 28.08.2014, Qupperneq 28

28 FRÉTTIRInnlent
MORGUNBLAÐIÐ FIMMTUDAGUR 28. ÁGÚST 2014
Hafdís Ásta Guðmunds-
dóttir sat með son sinn
Eyþór Tristan Daní-
elsson frammi í stofu á
heimili þeirra í Vogunum.
Eyþór litli var að leika
sér með legó í sófanum
en vildi svo horfa á sjón-
varpið.
„Ég fór að setja kvik-
mynd í tækið, sest niður
og sný þá baki í hann. Á
þessum stutta tíma tókst
honum að klifra upp í
gluggann og ætlaði að
hoppa niður í sófann sem
er beint fyrir neðan.
Hann hefur oft gert það
áður. Af einhverjum
ástæðum lætur hann
gardínusnúruna utan um
hálsinn á sér og hoppar
niður.
Ég heyri skyndilega
óhugnanlegt köfnunar-
hljóð, sný mér við og
bregður alveg ofboðslega
– ég varð svo hrædd að sjá hann
svona og fer að hágráta.
Hann iðaði allur því hann var
sjálfur að reyna að losa sig og ég
að tosa og toga og losa hann á end-
anum. Sem betur var hann hang-
andi mjög stutt, annars hefði getað
farið verr.
Ef ég hefði kannski verið frammi
í forstofu, inni í herbergi eða ein-
hvers staðar annars staðar í húsinu
efast ég um að ég væri með strák-
inn minn í fanginu í dag. Ég þakka
Guði fyrir að hafa setið í sófanum.“
Hafdís og Daníel, unnusti henn-
ar, fóru samdægurs og keyptu ör-
yggisfestingar fyrir gardínurnar á
heimilinu.
„Það þarf að vekja athygli á
þessari hættu. Ég fattaði ekki að
þetta gæti gerst og það á svona
stuttum tíma. Þess vegna hvet ég
alla foreldra til að festa gardínu-
snúrurnar sínar.“
Brosa í dag Hafdís Ásta með son sinn Eyþór
Tristan. Litlu munaði að illa færi.
Þetta gerðist á
skömmum tíma
 Eyþór Tristan var hætt kominn
Benedikt Bóas
benedikt@mbl.is
„Það sem hefur orðið þeim börnum
til happs sem lenda í þessu er að
það var einhver nálægur sem
heyrði í þeim,“ segir Herdís Storga-
ard, verkefnisstjóri slysavarna
barna hjá Miðstöð slysavarna
barna. Nýlega var sagt frá raunum
hins tveggja ára Eyþórs Tristans
og Hafdísar móður hans þar sem
minnstu munaði að illa færi fyrir
Eyþóri þegar gardínusnúra vafðist
um hálsinn á honum í leik heima
hjá sér. Hafdís var sem betur fer
nálægt og bjargaði lífi drengsins en
sögu þeirra má lesa hér vinstra
megin.
Yfirleitt börn yngri
en fimm ára
Herdís segir að þetta sé ekki
fyrsta slysið sem verður hér á landi
og ábyggilega
ekki það síðasta
þótt hún voni
það. Þrjú börn
að meðaltali
hengjast næstum
því í gardínusn-
úrum á ári
hverju og eru
hætt komin. „Það
hefur verið þann-
ig síðustu 10-15
ár. Slysið sem þau Hafdís og Eyþór
urðu fyrir var það fyrsta sem var
tilkynnt á þessu ári opinberlega.
Maður veit svo aldrei hvað er
ekki tilkynnt. Þetta eru þrjú slys að
meðaltali þar sem munar engu að
barnið hengist og látist. Þetta eru
yfirleitt börn yngri en fimm ára því
þau eru að fikta, setja bandið utan
um hálsinn og hoppa niður úr
gluggakistunni. Þessi slys geta orð-
ið alls staðar; á opinberum stöðum,
í sölum sem eru leigðir til veislu-
halda, heima hjá afa og ömmu og
svo á eigin heimili.“ Herdís segir að
hengingar í gardínusnúrum séu
þekkt vandamál víða um heim.
„Það var stofnað félag í Bretlandi,
eftir að nokkur börn höfðu látist
þar í landi, sem beitti sér fyrir því
að staðlinum sem framleiðendur
fara eftir þegar gardínur eru fram-
leiddar yrði breytt. Nú á að fylgja
öryggisbúnaður með öllum fram-
leiddum gardínum. Það er víða
pottur brotinn hjá innlendu fram-
leiðendunum, því miður,“ segir
Herdís. „Það er erfitt að vera í ei-
lífu stríði við framleiðendur sem
fara ekki eftir lögum og reglum.“
Hún segir í raun og veru einfalt
að koma í veg fyrir þessi slys.
„Svona öryggistæki kostar ekki
margar krónur og í IKEA má fá
öryggisfestingar ókeypis hvort sem
gardínan var keypt þar eða ekki.“
Morgunblaðið/Kristinn
Óþarfa áhætta Nálgast má ódýran öryggisbúnað fyrir gardínusnúrur í flestum byggingarvöruverslunum landsins
og koma þannig í veg fyrir slys. Í IKEA má fá svona öryggisfestingar ókeypis. Myndin er sviðsett.
Snúran í glugganum
Herdís
Storgaard
 Að meðaltali þrjú börn á ári hætt komin þegar gard-
ínusnúra vefst um hálsinn  Yngri en 5 ára í mestri hættu
Orri Blöndal, landsliðsmaður í íshokkíi og leikmaður
SA/Víkinga á Akureyri, var til umfjöllunar í Morg-
unblaðinu 1993 – þegar hann var aðeins tveggja og
hálfs árs. Orri var að leika sér uppi í gluggakistunni
heima hjá sér þegar hann datt með snúruna vafða ut-
an um hálsinn á sér. Það varð honum til happs að
stykki sem hélt gardínunum uppi gaf sig en það
stórsá á Orra, sem segist ekki muna eftir slysinu og
það hafi ekki skilið eftir sig ör. „Ég man ekki greini-
lega eftir slysinu sjálfu. Ég man hins vegar eftir að
blaðamenn komu og töluðu við mig og mömmu en at-
burðirnir sjálfir eru gleymdir,“ segir Orri sem var ný-
kominn af íshokkíæfingu þegar slegið var á þráðinn
til hans. Hann bætti því við að í kjölfarið á slysinu
hefði heimilið verið gert öruggt og stytt í öllum gard-
ínusnúrum.
Slapp við ör eftir fall úr gluggakistu
ÚR GREINASAFNI MORGUNBLAÐSINS
Morgunblaðið/Eggert
Landsliðsmaður Orri Blöndal í leik með SA í vetur.
Skírnartertur
að hætti Jóa Fel
Pantanir í Síma: 588 8998
joifel@joifel.is