Morgunblaðið - 28.08.2014, Side 36
36 FRÉTTIRInnlent
MORGUNBLAÐIÐ FIMMTUDAGUR 28. ÁGÚST 2014
þjóðlegt
gómsætt
og gott
alla daga
Gríptu með úr næstu verslun
www.flatkaka.is
kÖku
gerÐ hp
Þórunn Kristjánsdóttir
thorunn@mbl.is
„Öryggi og flæði sjúklinga innan
stofnunarinnar er fyrst og fremst
haft að leiðarljósi í þessum breyt-
ingum,“ sagði Páll Matthíasson,
forstjóri Landspítalans.
Sjö nýir framkvæmdastjórar
lækninga hefja störf 1. september
nk. á Landspítalanum, og sitja þá í
framkvæmdastjórn 8 konur og 6
karlar. Einu sviði var bætt við og
því fjölgar stöðum klínískra fram-
kvæmdastjóra úr sex í sjö. Þetta er
í samræmi við nýtt skipurit spít-
alans sem tekur þá gildi.
Páll sagði endurskipulagningu á
spítalanum tímabæra. Fimm ár eru
frá síðustu stóru breytingum innan
stofnunarinnar og á þessum tíma
hefur spítalinn breyst mikið.
Ekki var farið í skipulagsbreyt-
ingarnar í sparnaðarskyni heldur
var öryggi sjúklinga haft að leið-
arljósi. „Það er mikilvægt að
bregðast við þeim vanda sem snýr
að flæði sjúklinga inn á spítalann.
Það er stærsta ógnun við þjónustu.
Fólk hleðst á ganga, álagið verður
of mikið og sérþekkingin nýtist
ekki sem best,“ sagði Páll.
Skipulagsbreytingar á spít-
alanum samhliða ráðningum
Ráðið er til fimm ára í stöðu
framkvæmdastjóra. Tímabili
þeirra sem gegndu stöðunum var
að ljúka, þótti því kjörið að fara í
skipulagsbreytingar samhliða
ráðningum.
Sviðin sjö eru: flæðisvið sem
Guðlaug Rakel Guðjónsdóttir stýr-
ir, lyflækningasvið sem Hlíf Stein-
grímsdóttir stýrir, Lilja Stef-
ánsdóttir stýrir
skurðlækningasviði, kvenna- og
barnasviði Jón Hilmar Friðriksson,
geðsviði María Einisdóttir, að-
gerðasviði Alma Möller og rann-
sóknarsviði Óskar Reykdalsson.
Gengið var út frá fimm meg-
inatriðum í nýja skipuritinu. Í
fyrsta lagi að breytingarnar væru
unnar í sátt við stjórnendur og
trufluðu ekki almenna starfsemi. Í
öðru lagi að meginþættir skipurits-
ins frá árinu 2009 héldu sér; flatt
skipurit, klínísk yfirstjórn og að
hver framkvæmdastjóri bæri fag-
lega, rekstrarlega og mannauðs-
lega ábyrgð. Í þriðja lagi að jafna
stærð klínísku sviðanna og ná að
draga úr stjórnunarspönn, en mik-
ill munur var á stærð sviðanna áð-
ur. Í fjórða lagi að jafna flæði sjúk-
linga innan spítalans. Loks
endurspeglar skipuritið það skipu-
lag sem verður á spítalanum í end-
urnýjuðu húsnæði við Hringbraut, í
meðferðar- og rannsóknarkjarna
sem rísa þarf á þessum áratug.
Á flæðisviðinu er sérstök áhersla
lögð á hvernig sjúklingurinn kemur
inn á spítalann og ferli hans þar til
hann útskrifast. „Áhersla fram-
kvæmdastjórnarinnar er á öryggi
sjúklinga. Truflun á flæði sjúklinga
getur ógnað því.“
Í þessu samhengi bendir Páll á
húsnæðisvandann sem ógni öryggi
sjúklinga. „Okkar mikilvægasta ör-
yggismál er að nýr meðferð-
arkjarni rísi á Hringbraut.“ Páll
bendir á mikilvægi þess að styrkja
innviði stofnunarinnar en í því fel-
ist auk húsnæðis ný, samhæfð raf-
ræn sjúkraskrá sem skapi aukna
möguleika til samstarfs heilbrigð-
isstofnana.
Heilsugæslan lokar hringnum
„Vegferð sjúklingsins hvorki
byrjar né endar á Landspítalanum.
Hann leitar gjarnan fyrst til heilsu-
gæslunnar og þar er hringnum lok-
að aftur eftir að hafa, í sumum til-
fellum, sótt þjónustu annað. Bættir
innviðir í sjúkraskrám sem og auk-
ið samstarf milli stofnana er mik-
ilvægt í öryggi sjúklinga og það
ætlum við að bæta,“ sagði Páll.
Tengsl við heilsugæslustöðvar
„Þetta er spennandi og ögrandi
verkefni. Við viljum hafa spítalann
okkar í fremstu röð og að hann
jafnist á við þá spítala sem við vilj-
um bera okkur saman við,“ sagði
Óskar Reykdalsson, nýráðinn
framkvæmdastjóri rannsókn-
arsviðs Landspítalans.
Hann er sá eini af þeim sem ráð-
in voru í stöðu framkvæmdastjóra
Landspítalans sem hefur ekki
starfsreynslu af spítalanum.
Óskar hlakkar til að kynnast
starfseminni innan frá. Hann segir
vissulega það eiga eftir að nýtast í
þessu starfi að hafa verið við-
skiptavinur rannsóknastofa Land-
spítalans. Í starfi sínum sem heim-
ilislæknir hafi hann unnið að
úrvinnslu gagna, m.a. röntgen-
mynda o.fl.
Nú hafi hann því tækifæri á að
kynnast starfinu utan og innan frá.
Hann vonist til að geta stutt vel við
það hlutverk framkvæmdastjórnar
að tengja spítalann við aðra hluta
heilbrigðis- og velferðarkerfis.
Morgunblaðið/Golli
Landspítali „Okkar mikilvægasta öryggismál er að nýr meðferðarkjarni rísi á Hringbraut,“ segir Páll Matthíasson, forstjóri Landspítalans.
Öryggi sjúklinga verði í fyrirrúmi
Sjö nýir framkvæmdastjórar lækninga ráðnir á Landspítalann og hefja störf á mánudag
Einu sviði bætt við Fimm ár frá breytingum og endurskipulagning tímabær, segir forstjóri
Óskar
Reykdalsson
Páll
Matthíasson
„Ég tel mikilvægt að efla kjarna al-
mennra lyflækninga með það að
markmiði að bæta þjónustu við
sjúklinga og mæta þörfum þeirra
heildstætt,“ sagði Hlíf Steingríms-
dóttir, nýráðin framkvæmdastjóri
lyflækningasviðs á Landspít-
alanum.
Hún gegndi síðastliðin 12 ár
stöðu yfirlæknis í blóðlækningum
við Landspítalann. Sviðið er það
stærsta innan spítalans, þrátt fyrir
að það hafi minnkað við skipulags-
breytingarnar.
Hlíf bendir á að margir af þeim
sjúklingum sem sækja þjónustu á
lyflækningasviði búi við fjölþætt,
langvinn og flókin vandamál. Af
þeim sökum sé mikilvægt að mæta
þörfum þeirra heildstætt. „Skortur
hefur verið á almennri lyflæknis-
fræðilegri ráðgjöf,“ sagði Hlíf.
Spurð hvort mögulegt sé að
bæta þjónustu við sjúklinga og efla
lyflækningar miðað við núverandi
fjármagn og mannauð svarar hún
játandi. „Það felst viss hagræðing í
því að efla almennar lyflækningar
og veita lyflæknisfræðilega ráðgjöf
til annarra deilda spítalans. Þá
gætu sjúklingar mögulega legið
þar frekar og þyrftu ekki að liggja á
lyflækningasviði. Þar liggja viss
tækifæri.“ Hlíf bendir á að víða á
sjúkrahúsum erlendis hafi almenn-
ar lyflækningar verið efldar í sama
tilgangi. Spurð hvort stærð lyf-
lækningasviðsins, sem var þó um-
fangsmeira, hafi komið niður á því
segir hún vandann sem hafi steðj-
að að því margþættan. Eitt af því er
að ekki er hægt að stjórna aðflæði
sjúklinga inn á spítalann og álagið
sveiflast mikið. „Vandamál skapast
ef fjármagn fylgir ekki.“
Hlíf bindur vonir við að með því
að efla almennar lyflækningar fái
undirsérgreinar lyflækninga tæki-
færi til að þróast og sinna sérhæfð-
um verkefnum. Einnig vill hún sjá
meiri þverfaglega nálgun í þjón-
ustu við sjúklinga. „Það hefur mik-
ið verk verið unnið síðustu mánuði
í að efla framhaldsmenntun í lyf-
lækningum og ég legg mikla
áherslu á það að halda áfram því
góða starfi.“
Undir lyflækningasvið heyra m.a.
gigtarlækningar, hjartalækningar,
lungnalækningar, krabbameins-
lækningar o.fl.
HLÍF STEINGRÍMSDÓTTIR FRAMKVÆMDASTJÓRI
Læknir Hlíf Steingrímsdóttir, fram-
kvæmdastjóri lyflækningasviðs.
Brýnt að bæta þjónustuna
Morgunblaðið/Styrmir Kári