Morgunblaðið - 28.08.2014, Síða 74

74
MORGUNBLAÐIÐ FIMMTUDAGUR 28. ÁGÚST 2014
HAUSTferðir 2014
Jón Agnar Ólason
jonagnar@mbl.is
Þ
eir Þór Bæring Ólafsson
og Bragi Hinrik Magn-
ússon eiga saman að baki
um áratugar reynslu af
skipulagningu ferða og
saman stofnuðu þeir Gamanferðir í
ársbyrjun 2012. „Fótboltaferðirnar
eru stærsti hlutinn af þessu hjá
okkur, alveg klárlega,“ segir Þór
þegar hann fer yfir sviðið hvað úr-
valið hjá Gamanferðum varðar.
Hvað ásókn Íslendinga í slíkar
ferðir varðar segir hann eftir-
spurnina vissulega hafa dottið nið-
ur á því arma ári 2008, eins og í
ferðalögum almennt. „En við tók-
um eftir því kringum 2012 að eft-
irspurnin var að ná sér á strik aft-
ur og ákváðum því að fara af stað á
ný. Síðan þá hefur þetta verið hægt
og sígandi að aukast.“
Samkeppni á markaði
Þór bætir því við að um þessar
mundir sé mikil samkeppni á flug-
markaði og fyrir bragðið hafi verð-
ið á ferðunum verið að lækka. „Það
er auðvitað mjög jákvætt fyrir
neytandann og fólk hefur nýtt sér
það. Ég finn að það er mikið um að
fólk sé að skoða vel það sem í boði
er til að finna hagstæðasta verðið.“
Að sögn Þórs er enski boltinn
vinsælastur meðal Íslendinga, eins
og við er að búast, „en spænski
boltinn hefur verið að færast í
aukana og við erum ennfremur ný-
byrjaðir að setja í sölu ferðir á leiki
í þýska boltanum. Eftirspurnin hef-
ur reynst alveg ótrúlega mikil og
þar grunar mig að sé markaður
sem fleiri eiga eftir að kynna sér
betur“.
Þegar Þór er svo inntur eftir vin-
sælustu liðunum þegar fótbolta-
ferðir eru annars vegar kemur
svarið svo sem ekki á óvart. „Í
Englandi eru það þessi stóru fjögur
lið sem trekkja mest, Liverpool,
Arsenal, Chelsea og Manchester
United, og þá verð ég að nefna
Tottenham líka. Einnig hef ég
fundið fyrir áhuga á Everton og
Queens Park Rangers. En þessi
fjögur stóru eru liðin sem flestir
vilja sjá. Reyndar fer það líka eftir
gengi liðanna líka, það verður að
segjast eins og er. Núna er mjög
margir spenntir fyrir Liverpool og
voru það líka í fyrra, en á sama
tíma voru stuðningsmenn United
minna að fara í ferðir á leik. Eft-
irspurnin er því talsvert tengst ár-
angrinum hjá liðinu hverju sinni.
Arsenal-menn voru til að mynda
mjög spenntir fyrir ferðum á fyrri
hluta síðasta keppnistímabils en
eftir að botninn datt úr leik liðsins í
febrúarbyrjun minnkaði eft-
irspurnin og áhuginn rækilega.“
Þór bætir því við að spennandi leik-
mannakaup hjá tilteknum liðum
hafi líka oft áhrif á áhugann, og ný-
gengin kaup á argentíska leik-
manninum Angel Dí Maria séu til
marks um það. „Þó að ekki hafi
tímabilið farið af stað sem skyldi
merki ég samt aukinn áhuga meðal
stuðningsmanna United og þeir eru
margir hverjir að hugsa um að
skella sér á leik með liðinu.“
VIP tónleikaferðir
Ferðir á tónleika með hinum
ýmsu tónlistarmönnum eru að
sama skapi snar þáttur í starfsemi
Gamanferða og meðal listamanna
sem fyrirtækið býður upp á tón-
leika með þetta haustið eru Lady
GaGa, Pharrell Williams og Kylie
Minogue. Athygli vekur að allar
ferðirnar eru merktar VIP á
heimasíðu Gamanferða. „Þetta
merkir fyrst og fremst að um góð
sæti er að ræða í höllinni hverju
sinni,“ útskýrir Þór. Það þarf því
ekki að hafa áhyggjur af því að
sitja uppi í rjáfri á bak við súlu
þegar sýningin hefst. „Við höfum
stundum verið með ferðir þar sem
við höfum boðið upp á ódýrari
pakka með miðum í sæti sem eru
lengra frá sviðinu, en okkar tilfinn-
ing er sú að þegar fólk ætlar á ann-
að borð að leggja land undir fót og
fara á flotta tónleika erlendis, þá
vill það einfaldlega að upplifunin sé
fyrsta flokks og liður í því er að
vera nær sviðinu. Þar af leiðandi
höfum við breytt okkar pökkum á
þá leið að allar okkar tónleikaferðir
eru með betri sætum. Við-
skiptavinir okkar geta því áhyggju-
lausir keypt sér ferð á tónleika með
okkur með tilliti til staðsetningar á
tónleikunum sjálfum.“
Legoland og Harry Potter
Að sögn Þórs gera þeir fé-
lagarnir hjá Gamanferðum mikið af
því að sérsníða fjölskylduferðir eft-
ir óskum viðskiptavina sinna. „Það
er oft þannig að fólk vill gera eitt-
hvað annað en að fara í hefðbundna
sólarlandaferð og þar komum við
inn í málið og sérsníðum ferðina
fyrir fjölskylduna hverju sinni. Ég
er sjálfur fjölskyldumaður með
konu og tvö börn og við höfum ver-
ið dugleg við að fara til útlanda og
gera ýmislegt skemmtilegt saman.
Þá reynslu hef ég óspart nýtt mér
þegar fólk kemur að máli við mig
og vill aðstoð við að setja saman
skemmtiferð fyrir alla fjölskylduna,
því ég þekki liggur við alla
skemmtigarða í Englandi og víðar,“
bætir hann við. „Það er því gaman
að geta miðlað af þeirri reynslu.
Fólk þarf bara að nefna óskaá-
fangastaðinn sinn ásamt hug-
myndum að því sem því þætti gam-
an að upplifa og afganginn sjáum
við um.“
Af vinsælum áfangastöðum sinna
viðskiptavina nefnir Þór til dæmis
Legoland í London, og einnig hafi
sérstakar Harry Potter-ferðir verið
eftirsóttar en þar er áfangastað-
urinn sérstakt Harry Potter-stúdíó
og safn rétt utan við London. Þá
trekki Disneyland í París alltaf til
sín áhugasamar fjölskyldur.
„Mér er einmitt minnistætt að í
sumar skipulögðum við hópferð
fyrir mann til Disneylands í París
sem tók með sér börnin og barna-
börnin til að fagna þar sextugs-
afmæli sínu, sextán manna hópur í
það heila.“
Hópferðir við allra hæfi
Þá hafa þeir félagar líka skipulagt
töluvert af árshátíðarferðum fyrir
fyrirtæki þar sem áherslan er lögð á
að allir finni sér dægrasvöl við sitt
hæfi. Dæmi um slíkt er ferð sem við
skipulögðum fyrir fyrirtæki í sumar
til Berlínar. Auk þess að sjá um
flug, gistingu og mat þá buðum við
upp á ýmsa þjónustu í borginni fyrir
hópinn. þar á meðal var skiplög
gönguferð um fallega staði í borg-
inni, hjólaferð fyrir þá sem það
vildu, gokart og ýmislegt annað.
Fólk valdi sér það sem það vildi
gera yfir daginn og svo hittust allir
hæstánægðir um kvöldið í matnum.“
Þór nefnir að eins og fram-
angreint bendi til þá einbeiti ferða-
skrifstofan sér að viðburðatengdri
ferðamennsku. „Við bjóðum upp á
upplifanir og skipulagningu þeirra,
eins og nafn fyrirtækisins gefur til
kynna. Tilefnin eru margvísleg hjá
fólki og það er alltaf jafn gaman að
búa til upplifun fyrir þau, vitandi
að úr verður ógleymanleg upplifun
og ómetanlegar minningar.“
Bjóðum upp á upplifun
Ferðaskrifstofan Gamanferðir sérhæfir sig í viðburðatengdri ferðaþjónustu þar sem fótbolti, tónleikar, fjölskyldu-
ferðir og borgarferðir fyrir hópa ber hvað hæst  Þór Bæring framkvæmdastjóri segir frá því sem framundan er
Morgunblaðið/Styrmir Kári
Hamingja „Tilefnin eru
margvísleg hjá fólki og það
er alltaf jafn gaman að búa
til upplifun fyrir þau, vit-
andi að úr verður ógleym-
anleg upplifun“ segir Þór.
Sérsmíðaðar baðlausnir
Gler, gluggar, glerslípun & speglagerð frá 1922
Mörkinni 4 | 108 Reykjavík | Sími: 565 0000 | Fax: 555 3332 | glerborg@glerborg.is | www.glerborg.is
• Einangrunargler
• Gluggar (Ál og PVC-plast)
• Hurðir (Ál og PVC-plast)
• Speglar
• Gler
• Hert gler
• Lagskipt öryggisgler
• Litað gler
• Sandblástur
• Álprófílar
• Máltöku- og uppsetningaþjónusta
Við leggjum metnað okkar í að bjóða sérhæfðar
og vandaðar lausnir á baðherbergi. Við bjóðum
upp á sérsmíðaða spegla, sturtuklefa og sturtu-
skilrúm. Þá erum við komnir með nýja útgáfu af
ljósaspeglunum okkar vinsælu.
Á heimasíðu okkar glerborg.is er gott yfirlit
yfir það sem er í boði. Auk þess bjóðum við alla
velkomna í Mörkina þar sem fagfólk veitir góða
þjónustu og allar þær upplýsingar sem þarf.
SMÁRALIND • 2 HÆÐ • SÍMI 571 3210
Dömuskór
Verð kr. 4.995
Stærðir 36-41
Verð kr. 7.995
Stærðir 36-41