Morgunblaðið - 28.08.2014, Page 90

90 ÍSLENDINGAR
MORGUNBLAÐIÐ FIMMTUDAGUR 28. ÁGÚST 2014
Íslendingar Pétur Atli Lárusson, islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Kópavogur Sunna Dís fæddist 20. júní
kl. 14.47. Hún vó 3.406 g og var 52 cm
löng. Foreldrar hennar eru Kristín
Jónsdóttir og Sverrir Már Bjarnason.
Nýir borgarar
Þau Sverrir Már Bjarna-
son og Kristín Jóns-
dóttir voru gefin saman
8. ágúst 2014.
Brúðkaup
H
jördís Björk Hákonar-
dóttir fæddist í
Reykjavík 28. ágúst
1944 og ólst upp í
Bjarkahlíð við Bú-
staðaveg. „Ég ólst upp við mikla
ræktun, móðir mín hafði stóran mat-
jurtagarð, þar sem ekki fundust ein-
ungis kartöflur og rófur heldur líka
ýmsar jurtir sem voru framandi á
þeim tíma. Foreldrar mínir voru
einnig bæði áhugamenn um skóg-
rækt. Þegar þau fluttu í Bjarkahlíð
var þar grár melur, en nú ber skóg-
urinn við hlið Bústaðakirkju merki
um áhuga þeirra og elju.“
Hjördís gekk í Laugarnesskóla,
fór í landspróf í Vonarstræti og síðan
í Menntaskólann í Reykjavík. „Á
fjórða bekkjar árinu var ég skipti-
nemi í Kaliforníu, í Arcadia sem er á
Los Angeles-svæðinu.“
Hjördís hóf nám við lagadeild Há-
skóla Íslands haustið 1965 og lauk
cand.jur. haustið 1971. Í framhaldi af
því fór hún til Oxford á Englandi og
dvaldi þar í nokkur ár við nám í rétt-
arheimspeki. Hún tók síðar meist-
arapróf í heimspeki frá Rutgers-
háskóla í New Jersey í Bandaríkj-
unum.
Starfsferill
Fyrsta staða Hjördísar var dóm-
arafulltrúi hjá bæjarfógetanum í
Kópavogi árið 1974. „Þarna hófst
ferill minn í dómskerfinu, sem varð
ævistarf.“ Hún varð síðan sýslumað-
ur í Strandasýslu 1980. „Mér var vel
tekið þó að bændahöfðingjunum
þætti augljóslega kyndugt að fá
unga konu sem sýslumann.“ Um
mitt ár 1983 var hún skipuð borg-
ardómari í Reykjavík, en það emb-
ætti breyttist í héraðsdómara 1992.
Frá ársbyrjun 2004 til vors 2006
gegndi hún embætti dómstjóra við
Héraðsdóm Suðurlands en þá var
hún skipuð dómari við Hæstarétt Ís-
lands og lauk þar starfsferlinum.
Hjördís Hákonardóttir, fyrrverandi hæstaréttardómari – 70 ára
Í Traustholtshólma Verið var að gera upp sumarhús Hjördísar í eynni Traustholtshólma í Þjórsá í sumar og sá hún
um að vera handlangari, sendill og matráðskona fyrir smiðina.
Ekki sest í helgan stein
Mæðgurnar Hjördís og Ólöf.
Á opnunni „Íslendingar“ í Morgunblaðinu
er sagt frá merkum viðburðum í lífi fólks,
svo sem stórafmælum, hjónavígslum,
barnsfæðingum og öðrum tímamótum.
Börn og brúðhjón
Allir þeir sem senda blaðinu mynd af nýjum borgara eða mynd
af brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinni
mbl.is/islendingar eða á islendingar@mbl.is
Þetta leggst bara mjög vel í mig,“ segir Jón Kristján Sigurðs-son, kynningarfulltrúi UMFÍ, sem er 55 ára í dag. „Mér finnst alltaf magnað að geta bætt nýju ári við.“
Jón Kristján segist hafa nýtt sumarið til vinnu framan af en að
einnig hafi fjölskyldan skellt sér til London í rúma viku.
„Við skiptum á húsum við breska fjölskyldu og það kom alveg æð-
islega út, við vorum í huggulegu hverfi í London og nutum ferð-
arinnar alveg í botn,“ segir Jón. Fjölskyldan hefur áður prófað
húsaskipti og Jón segir slíkt fyrirkomulag á fríi vera algjöra snilld.
Hvað afmælisdaginn varðar segir Jón Kristján að hann hafi ekki
skipulagt neitt sjálfur.
„Það er samt aldrei að vita hvort manni verður kannski komið
eitthvað á óvart, ef ég þekki fólkið á heimilinu rétt.“ Þegar Jón
Kristján er inntur eftir því hvort hann sé mikið afmælisbarn svarar
hann því játandi. „Ég hef alltaf haldið upp á stóru afmælin, talar
maður ekki um stórafmæli frá tvítugu?“ segir Jón sem finnst hvert
ár vera áfangi út af fyrir sig.
„Eins og ég sagði áðan þá geta ekki allir bætt við árin sín. Fólk er
að fara alltof fljótt og það að fá að verða alltaf eldri og eldri er bara
lúxus.“ annamarsy@mbl.is
Jón Kristján Sigurðsson er 55 ára í dag
Ljósmynd/ Jón Kristján
Stórafmæli Jón Kristján segir alla afmælisdaga eftir tvítugt teljast
til stórafmæla og fagnar hverju ári sem hann fær að bæta við líf sitt.
Lúxus að fá
að verða eldri