Morgunblaðið - 25.06.2014, Síða 20

20 FRÉTTIRErlent
MORGUNBLAÐIÐ MIÐVIKUDAGUR 25. JÚNÍ 2014
Havin-2 er glæsilegur á að líta en
hann er knúinn sólarorku. Nem-
endur við Íslamska Qazvin Azad-
háskólann í Íran hönnuðu far-
artækið sem nú er á leiðinni til
Bandaríkjanna.
Þótt samskipti Bandaríkjanna og
Írans hafi verið vægast sagt stirð
síðustu áratugi eru þau ekki í algeru
frosti. Nemendurnir, sem eru 12,
hafa nú á síðustu stundu fengið bíl-
inn leystan úr tolli vestanhafs. Þar
mun hann taka þátt í alþjóðlegri
keppni, American Solar Challenge,
2. júlí þar sem eknir eru 2.735 km.
kjon@mbl.is
Havin 2 er hannaður af stúdentum í Íran og er knúinn sólarsellum
Íranskur
framtíð-
arbíll?
AFP
Rennilegur Sólarsellurnar sem knýja Havins 2 eru á þakinu en ekki er ljóst hve miklum hraða hann nær.
Enn er óljóst hver niðurstaðan verð-
ur í máli Meriam Yahia Ibrahim Is-
hag, kaþólskrar konu í Súdan, sem
fyrir skömmu var dæmd til dauða
fyrir guðlast og hórdóm. Hún var
handtekin í gær á flugvellinum í
Karthoum ásamt eiginmanni, Daniel
Wani, og börnum en á mánudag var
hún skyndilega látin laus úr fangelsi.
Engin skýring var gefin á handtök-
unni í gær að sögn heimildarmanna
AFP-fréttastofunnar.
„Það var öryggislögreglan sem
handtók hana og Daniel,“ sagði
heimildarmaður AFP. „Hún á rétt á
að fara úr landi.“ Hann sagði að farið
hefði verið með fjölskylduna í aðal-
stöðvar lögreglunnar.
Fólkið var á leið úr landi en mál
Meriam hefur vakið heimsathygli og
ráðamenn í Súdan verið hvattir til að
nema dóminn úr gildi. Hafa meðal
annars verið mótmæli í Súdan þar
sem langflestir eru íslamstrúar en
þar er lítill, kristinn minnihluti.
Ýmis mál hafa komið upp á seinni
árum vegna þröngrar túlkunar dóm-
ara á hinum fornu sharialögum ísl-
ams.
Meriam átti lítið barn fyrir og ól
annað barn í fangelsinu, þess vegna
var dauðarefsingunni frestað í tvö
ár. Konan átti, samkvæmt upphaf-
lega dóminum, að vera næstu tvö ár-
in í fangelsi en síðan yrði hún líflátin
fyrir að hafa gifst kristnum manni,
ættuðum frá Suður-Súdan. Eigin-
maðurinn Wani er bandarískur rík-
isborgari og fatlaður.
Meriam mun hafa verið alin upp í
kristinni trú móður sinnar en faðir
hennar, sem var múslími, yfirgaf
fjölskylduna þegar hún var barn. Sú-
dönsk lög segja að vegna faðernisins
sé dóttirin íslamstrúar og megi því
ekki taka upp aðra trú. kjon@mbl.is
Óljóst um örlög
Meriam og fjöl-
skyldunnar
 Öryggislögreglan handtók fólkið
Móðir Meriam Yahia Ibrahim Ishag
er 26 ára, kaþólsk og á tvö lítil börn.
Ávallt kristin
» Meriam er 26 ára gömul og
segist ávallt hafa litið á sig
sem kristna. Hún hafnaði öll-
um tilmælum um að kasta trú
sinni og öðlast þannig frelsi.
» Sharialög voru gerð að
grundvelli laga í Súdan árið
1983. Þau eru frá miðöldum og
mörg ákvæði kveða á um
grimmdarlegar refsingar.
Abdel Fattah al-
Sisi, forseti
Egyptalands,
segist ekki munu
verða við óskum
Baracks Obama
Bandaríkja-
forseta og fleiri
manna og náða
þrjá fréttamenn
Al-Jazeera sem
dæmdir hafa ver-
ið í sjö ára fangelsi. „Við hljótum að
virða ákvarðanir dómsvaldsins og
ekki gagnrýna þær þótt aðrir skilji
þetta ekki,“ sagði Sisi í gær. Menn-
irnir eru sakaðir um að hafa tekið
þátt í samsæri gegn stjórnvöldum
og unnið með Bræðralagi múslíma.
Dómarnir hafa valdið hneykslun
víða um heim enda þykja sannanir í
málinu afar hæpnar. kjon@mbl.is
Sisi segist ekki
munu náða frétta-
menn Al-Jazeera
Abdel
Fattah al-Sisi
EGYPTALAND
Eldur kom upp í stórri járnnámu í
Kiruna í Norður-Svíþjóð í gær-
morgun og lokuðust allmargir
námumenn inni á rösklega kíló-
metra dýpi. Fljótlega tókst þó að
slökkva eldinn og mun enginn
mannanna hafa orðið fyrir alvar-
legu líkamstjóni. Að sögn Dagens
Nyheter var þó 21 fluttur á sjúkra-
hús til skoðunar og var tveim
þeirra haldið eftir til öryggis.
Eldurinn kom upp í vörubíl og
myndaðist strax geysimikill reyk-
ur. Fólk á svæðinu var flutt á brott
en nokkrir menn munu hafa verið
fastir um hríð í vörubílnum.
Síðdegis í gær voru nokkrir
slökkviliðsmenn enn í námunni en
þeir voru ekki taldir vera á hættu-
svæði. Náman í Kiruna er í eigu
sænska ríkisfyrirtækisins LKAB en
auðugar járnnámur hafa verið
starfræktar í Svíþjóð í margar ald-
ir. kjon@mbl.is
Eldur í járnnámu
 Ekkert manntjón varð í Kiruna
Kristján Jónsson
kjon@mbl.is
Leiðtogar aðskilnaðarsinna í austur-
héruðum Úkraínu samþykktu á
mánudag að taka þátt í þríhliða frið-
arviðræðum þar sem yrðu fulltrúar
þeirra, Öryggis- og samvinnustofn-
unar Evrópu (ÖSE) og stjórnvalda í
Kænugarði. Skömmu síðar sama dag
sögðu talsmenn Úkraínuhers að
uppreisnarmenn hefðu hætt árásum
sínum en í gær var herþyrla með níu
manns skotin niður. Ekki er ljóst
hverjir voru að verki. Vladímír Pútín
Rússlandsforseti fór í gær fram á
það við efri deild þingsins í Moskvu
að það ógilti heimild sem það veitti
honum í mars til að senda her inn í
Austur-Úkraínu ef nauðsyn krefði.
Fyrst og fremst er um táknræna
breytingu í Moskvu að ræða en
margt bendir til þess að friðarlíkur
hafi aukist og Petro Porosénkó, for-
seti Úkraínu, fagnaði breyttri af-
stöðu Pútíns í gær. Porosénkó hefur
lagt fram áætlun um að komið verði
til móts við austurhéruðin með því að
auka héraðavald á kostnað stjórn-
valda í Kænugarði og þingkosning-
um verði flýtt. Einnig vill hann að
komið verði upp 10 km breiðu, vopn-
lausu belti á landamærum Rússlands
og Úkraínu.
Obama Bandaríkjaforseti
hringdi í Pútín
Barack Obama Bandaríkjaforseti
ræddi á mánudag við Pútín í síma.
Hvatti hann Pútín til að leggja sitt af
mörkum til að draga úr spennu,
hætta að senda vopn og hermenn.
Hann sagði að ella ættu Rússar á
hættu harðari refsiaðgerðir vestur-
veldanna. Talsmenn Evrópuríkja
hafa einnig varað Rússa við en leið-
togar Evrópusambandsríkjanna
hittast á fimmtudag og munu þá m.a.
ræða ástandið í Úkraínu.
Á föstudag verður undirritaður
samningur milli ESB og Úkraínu um
stóraukið samstarf en Pútín hefur
beitt sér ákaft gegn þessum samn-
ingi. Sama dag á að taka gildi samn-
ingur um vopnahlé í Austur-Úkra-
ínu.
„Við vonum að báðir aðilar muni
meðan vopnahléið stendur ná sam-
komulagi og hefja samráð um það
hvernig halda skuli áfram og finna
friðsamlega lausn,“ sagði Alexander
Borodaj, leiðtogi hins svonefnda Al-
þýðulýðveldis Donetsk, í gær.
AFP
Vopnahlé Alexander Borodaj, helsti leiðtogi aðskilnaðarsinna í Donetsk, ræðir við fulltrúa Úkraínustjórnar og ÖSE
á mánudag. Borodaj samþykkti tillögu um viðræður sem hefjast formlega á föstudag.
Teikn á lofti um frið-
arvilja í Moskvu
 Pútín vill ógilda heimild til að senda her inn í A-Úkraínu
Fögur orð
» Öllu skiptir að Pútín sýni í
verki að hann vilji frið, ekki
duga fögur orð. Afar ósenni-
legt er að refsiaðgerðir vest-
urveldanna hafi þvingað hann
til að slaka til.
» En hugsanlegt er að Pútín
reyni á ný að valda klofningi
hjá vesturveldunum með því
að sýna sáttavilja í bili.
» Margir þýskir áhrifamenn
eru andvígir efnahagsþving-
unum gegn Rússlandi.
Barack ObamaVladímír Pútín