Morgunblaðið - 11.09.2014, Side 24

24 UMRÆÐAN
MORGUNBLAÐIÐ FIMMTUDAGUR 11. SEPTEMBER 2014
Á fallegum og notalegum stað
á 5. hæð Perlunnar
Aðeins 2.150 kr. á mann
Næg bílastæði
ERFIDRYKKJUR
Perlan • Sími 562 0200 • Fax 562 0207 • perlan@perlan.is
Pantanir
í síma
562 0200
500-1000 fm atvinnuhúsnæði í Reykjavík óskast.
Þetta eru skilyrðin:
1. Góður sýnileiki sem og aðkoma
2. Í námunda við góðar strætisvagnasamgöngur
3. Tvískipt húsnæði, þ.e. skrifstofur og lagerhúsnæði með
innkeyrsludyrum.
Reykjavík
Sími 588 9090 • Síðumúla 21 • 108 Reykjavík • www.eignamidlun.is
Skrifstofu- og atvinnuhúsnæði
óskast – Staðgreiðsla
Allar nánari upplýsingar veita
Reynir Björnsson löggiltur
fasteignsali s. 895-8321 og
Sverrir Kristinsson
löggiltur fasteignasali. Reynir Björnsson
lögg. fasteignsali
Sverrir Kristinsson
lögg. fasteignsali
Það hefur aukist undanfarið að
ráðnir séu til merkilegra starfa
menn með skírnarnöfn en ekkert
annað til aðgreiningar frá öðru
fólki. Að minnsta kosti benda fyr-
irsagnir viðskiptafrétta fjöl-
miðlanna til mikils frama þessara
skírnarnefninga. Flesta daga má
nú lesa fyrirsagnir eins og „Gunnar
verður kynningarstjóri“, „Indíana
verður mannauðsstjóri“ eða eitt-
hvað álíka nákvæmt. Sjálfsagt taka
blöðin þetta hrátt upp úr frétta-
tilkynningum, sem samið hafa
menn sem telja víst að landsmenn
allir viti hverjir hafi komið til
greina í störfin og þurfi bara ein-
falda fyrirsögn til að komast að
hinu sanna og öðlast innri frið. Ef
endilega þarf að birta fréttir af
þessum stóratburðum þá ættu
blaðamenn að hafa í huga að flestir
lesendur þekkja hvorki haus né
sporð á þessum mönnum og einföld
fyrirsögn um að „Þorleifur“ hafi
verið ráðinn skrifstofustjóri segir
engum neitt.
Föðurnefndur skírnarnefningur.
Velvakandi Svarað í síma 569-1100 frá kl. 10-12 velvakandi@mbl.is
Skírnarnöfn ráðin til starfa
EAPN (European
Anti Poverty Network)
eru evrópsk samtök
sem mynduð eru af
frjálsum félagasam-
tökum sem hafa það í
markmiðum sínum að
vinna að málefnum fá-
tækra. EAPN lítur svo
á að fátækt og fé-
lagsleg einangrun séu
brot á grundvallar-
mannréttindum því fátækt gerir
fólki ekki kleift að lifa með reisn. Or-
sakavaldar fátæktar er flókið sam-
spil margra ólíkra þátta og því þarf
að ráðast gegn þeim á breiðum
grunni. Þær aðgerðir sem stjórnvöld
hérlendis, sem og annars staðar í
Evrópu í Evrópu, hafa gripið til í
þeim tilgangi að draga úr fátækt
hafa ekki dugað og eru þeir sem
bjuggu við kröppust kjör fyrir efna-
hagshrunið jafnvel enn verr settir
nú en áður.
EAPN á Íslandi – samtök gegn fá-
tækt voru stofnuð í nóvember árið
2011. Það er mikilvægt að starfið
einskorðist ekki við höfuðborg-
arsvæðið, heldur nái einnig til þeirra
sem búa á landsbyggðinni. Því er bú-
ið er að stofna deild innan samtak-
anna á Akureyri og einnig er starf-
andi hópur á Suðurnesjum.
Jafnframt hefur verið unnið að því
að fjölga aðild-
arfélögum.
Hafin er vinna við
heimasíðu EAPN á Ís-
landi og einnig er unnið
að því að útbúa kynn-
ingarefni fyrir sam-
tökin.
Árleg PeP-samkoma
(People experiencing
Poverty) var haldin í
fyrrasumar í Brussel
en þar kemur saman
fólk víðsvegar að úr
Evrópu sem býr við fá-
tækt og félagslega einangrun. Það
var virkur hópur þriggja kvenna frá
Suðurnesjum sem fór utan ásamt
fulltrúa stjórnar EAPN á Íslandi.
Samkoman var mikil upplifun fyrir
konurnar sem komu úr erfiðum að-
stæðum. Þátttaka í PeP-samkomum
hefur verið mjög valdeflandi fyrir þá
einstaklinga sem þær hafa sótt og í
mörgum tilfellum verið vendipunkt-
ur þar sem fólk öðlast nýja sýn og
finnur hjá sér kjark til að takast á
við aðstæður sínar.
EU Inclusion Strategies Group er
vinnuhópur innan EAPN og á hvert
hinna 29 aðildarlanda einn fulltrúa í
hópnum. Meginmarkmið hópsins er
að fylgjast með stefnu og aðgerðum
stjórnvalda til að draga úr fátækt. Á
það bæði við um Evrópusambandið
og stjórnvöld í hverju landi fyrir sig.
Mjög mikilvægt er að upplýsing-
arnar séu nýttar til að þrýsta á
stjórnvöld að bregðast við þar sem
þörf er á. Hópurinn er vettvangur
fyrir gagnkvæman stuðning milli
meðlima EAPN víðsvegar í Evrópu í
baráttu þeirra gegn fátækt. Með-
limir hópsins deila reynslu sinni og
læra hver af öðrum t.d. varðandi
samskipti við stjórnvöld og hvernig
er best að stuðla að vitundarvakn-
ingu meðal almennings um fátækt.
Árlega svarar hvert land ítarlegum
spurningalista um aðgerðaáætlun
ríkisstjórnarinnar með áherslu á
hvað hún hyggst gera til að draga úr
fátækt. Þessi vinna hefur reynst
mjög gagnleg við að sjá hvað hefur
verið gert og hvað ekki til að draga
úr fátækt hér á landi.
Í nóvember sl. héldu Evrópusam-
tökin aðalstjórnarfund í Reykjavík.
EAPN á Íslandi sá um undirbúning
fundarins. Þurftum við einnig að
leggja til fjármuni vegna fundarins
og tókst það m.a. með styrkjum frá
aðildarfélögum samtakanna. Allt
skipulag og aðstaða var til mikillar
fyrirmyndar. Farið var með hópinn í
móttöku á Bessastaði og er óhætt að
segja að mikil ánægja hafi ríkt með
ferðina hingað.
Á síðasta ári hófst vinna við svo-
kallað EMIN-verkefni innan EAPN
sem hefur það markmið að finna út
hvað þarf í hverju landi fyrir sig til
að fólk geti lifað mannsæmandi lífi,
þ.e. hvað er viðunandi framfærsla. Í
EMIN verkefninu erum við hluti af
norrænum hópi sem er undir leið-
sögn Dana en hópurinn leitast m.a.
við að svara þeirri spurningu hvort
til sé norrænt velferðarkerfi. Unnin
hefur verið skýrsla á vegum EAPN
á Íslandi um stöðuna hér á landi.
Tekin voru viðtöl við ýmsa aðila, s.s.
fólk sem býr við fátækt, fræðimenn
og fulltrúa verkalýðsfélaga. Þann 19.
september n.k. verður haldin ráð-
stefna á vegum samtakanna þar sem
EMIN verkefnið og úttekt á við-
unandi framfærslu á Íslandi verður
kynnt. Niðurstaða skýrslunnar mun
án efa verða sterkt vopn í baráttunni
fyrir bættum lífskjörum þeirra sem
búa við kröppust kjör hér á landi.
Ráðstefnan er öllum opin og er
þátttaka ókeypis. Skráning er til 16.
september á heimasíðu Ör-
yrkjabandalags Íslands.
EAPN á Íslandi og ráðstefna
um viðunandi framfærslu
Eftir Þorberu
Fjölnisdóttur »Niðurstaða skýrsl-
unnar mun án efa
verða sterkt vopn í
baráttunni fyrir bættum
lífskjörum þeirra sem
búa við kröppust
kjör hér á landi.
Þorbera Fjölnisdóttir
Höfundur er fulltrúi ÖBÍ í stjórn
EAPN á Íslandi
Nú þegar tugþús-
undir jarðskjálfta
hafa mælst í Bárð-
arbungu og á svæð-
inu þar um kring á
stuttum tíma, þá
kemur það óneit-
anlega upp í hugann
hvað þetta geti boð-
að, ellegar hitt, hvort
þetta boði svo sem
nokkuð sérstakt sem
menn þurfi að hafa áhyggjur af.
Þegar þetta er skrifað, (4. sept.
2014), þá er smá hraungos þegar
byrjað á þessu skjálftasvæði norð-
an Vatnajökuls og er ekki að sjá
að það muni valda nokkrum skaða.
Ef litið er til baka til stórgosa
fyrr á tímum þá dettur manni í
hug hvort undanfari þeirra gosa
hafi verið tugþúsundir jarðskjálfta,
eins og til dæmis hvort undanfari
Lakagossins hafi verið slík hrina
jarðskjálfta. En trúlega eru engin
svör til um það, þar sem mælitæki
voru engin og ef til vill litlar heim-
ildir um þá jarðskjálfta sem kunna
að hafa fundist í byggð.
En gos síðustu áratuga hafa
komið án þess að gera nokkur boð
á undan sér, svo sem Vest-
mannaeyjagosið sem læddist að
mönnum um miðja nótt og það svo
hljóðlega að enginn vaknaði í bæn-
um. Það virðist því erfitt að setja
beint samband á milli eldgosa og
jarðskjálfta. Og þótt engir jarð-
skjálftar fylgdu Vestmannaeyja-
gosinu þá olli það
hrikalegum skaða.
Ég hefi ekkert vit á
eldgosum eða jarð-
skjálftum. Og ég er
enginn spámaður og
með þessum orðum
mínum í þessari grein
er ég ekki að spá
nokkrum sköpuðum
hlut, hvorki einu né
neinu, – hvorki til eða
frá.
En það er svo allt
annar hlutur að menn hafi vara á
sér, – að menn séu við öllu búnir,
jafnvel hinu versta, – það er ekki
nema sjálfsagt og eðlilegt.
Þá langar mig til þess að minn-
ast á að sum eldgos hafa byrjað
um tunglkomur, eða einum eða
tveimur dögum eftir nýtt eða fullt
tungl.
Að lokum þá vona ég svo sann-
arlega, að ekkert ofurgos verði, og
ég bið þess heitt og innilega að
ekkert slíkt rosagos muni verða.
Kemur ofurgos… ?
Eftir Tryggva
Helgason
Tryggvi Helgason
»En gos síðustu ára-
tuga hafa komið án
þess að gera nokkur boð
á undan sér, svo sem
Vestmannaeyjagosið
sem læddist að mönnum
um miðja nótt.
Höfundur er fv. flugmaður.
Sú leið að takmarki hvers og eins virðist freista margra og er mikið gaman að
lesa fyrir þá er heima sitja. Langar mig þá til að bæta við og benda á bók er
Jón Bjarnason sálfræðingur ritaði eftir að hafa farið hjólandi hinn eftirsókn-
arverða Jakobsveg.
Sigurdís.
Jakobsvegurinn