Morgunblaðið - Sunnudagur - 07.09.2014, Síða 28

Matur
og drykkir
Borðaðu ávexti
*Niðurstöður nýrrar rannsóknar hafa leitt í ljós að það aðborða ávexti á hverjum degi getur minnkað áhættuna á hjarta-og æðasjúkdómum. Dagleg neysla ávaxta minnkaði líka áhætt-una á ótímabæru andláti um nærri því einn þriðja hjá fólki íáhættuhópi. Alls tóku hálf milljón Kínverja þátt í rannsókninni,sem var stjórnað af vísindamönnum í Oxford-háskóla.18%þátttakenda borðuðu ávexti daglega á meðan 6,3% borðuðu
aldrei ávexti. Samanburðurinn leiddi í ljós að ávaxtaneyslan
minnkaði líkurnar á hjarta- og æðasjúkdómum um 25-40%.
U
no var einn þeirra veitingastaða sem tóku þátt í
vel heppnuðum matarmarkaði sem gekk undir
nafninu Krás og var haldinn í Fógetagarðinum
fimm laugardaga í sumar. Markaðurinn var ein-
staklega vel heppnaður og fengu sælkerar mikið fyrir sinn
snúð en arancini-bollur frá Uno vöktu mikla lukku á mark-
aðinum. Þær bókstaflega runnu út eins og heitar lummur
enda eru þessar djúpsteiktu bollur, gerðar úr hrísgrjónum
og mozzarella, einstaklega ljúffengar.
Það var auðsótt mál að fá uppskriftina að þessu lostæti
frá Uno en hjónin Kjartan Ísak Guðmundsson og Erna Ing-
ólfsdóttir ásamt Hrefnu systur Ernu hafa rekið þennan veit-
ingastað við Ingólfstorg frá því vorið 2012.
„Okkur hjónin hafði alltaf dreymt um að eiga veitingastað
og drógum Hrefnu með okkur í þetta. Hún er svo lélegur
kokkur sjálf að henni fannst þetta tilvalið,“ gantast Erna en
maður hennar er kokkur.
Matseðillinn hjá Uno er ekki langur og segir Erna að
það sé ekki takmarkið að hafa hann eins og símaskrána
heldur bjóða upp á „ferskan og góðan mat sem er gerður
af alúð“.
Uno er ekki hefðbundinn ítalskur veitingastaður og segir
Erna nærtækara að kenna staðinn við Miðjarðarhafið frekar
en aðeins Ítalíu. „Hér eru engar pítsur og ekkert lasagna.
Við viljum brjótast út úr þessu boxi. Aðalmálið er að við
viljum vera með ferskan og góðan mat sem er unninn frá
grunni.“
Arancini-bollurnar góðu eru ekki á sumarmatseðlinum en
verða á nýjum vetrarseðli Uno sem tekur gildi síðar í mán-
uðinum. Önnur útgáfa af þeim var á seðlinum síðasta vetur
og kallaðist þá „Ljótar bollur“ enda var gráðosturinn Ljótur
hluti af innihaldinu.
Kláraðist á fjörutíu mínútum
Til marks um vinsældirnar þá kláraðist skammturinn sem
þau töldu nægan fyrir tvær helgar á fyrstu fjörutíu mín-
útunum.
„Krás heppnaðist svo vel að ég vona að þetta verði ár-
legt,“ segir hún en síðasti markaðurinn var haldinn á Menn-
ingarnótt.
„Fyrsta laugardaginn var frábært veður og mikið af fólki.
Næsta laugardag var grenjandi rigning en það kom samt
jafnmikið af fólki og svo fjölgaði bara hinar helgarnar. Það
myndaðist líka skemmtileg stemning meðal veitingastaðanna
sem tóku þátt í þessu. Maður kynntist þarna nýjum vertum
sem maður hafði aldrei talað við fyrr. Það varð svona ná-
grannastemning. Dagsdaglega gengur maður ekki inn á næsta
stað og heilsar því þar ræður samkeppnin en á markaðnum
voru allir vinir og hjálpuðust að, lánuðu pappír í posarúllur og
þess háttar. Það var mikil gleði í loftinu,“ segir Erna.
Andrúmsloftið við matargerð skiptir máli, segir Erna,
sem hefur reynsluna en hún var matráðskona í fimm ár áð-
ur en þau keyptu Uno. „Ef maður var eitthvað illa upp-
lagður varð maturinn ekki góður,“ segir hún en samkvæmt
því eru kokkarnir á Uno alltaf í góðu skapi.
Morgunblaðið/Kristinn
UNO ER EKKI HEFÐBUNDINN ÍTALSKUR VEITINGASTAÐUR
Brjótast út úr boxinu
ÍTALSKAR HRÍSGRJÓNABOLLUR FRÁ UNO SLÓGU Í GEGN Á MATARMARKAÐINUM KRÁS SEM HALDINN VAR
FIMM LAUGARDAGA Í SUMAR. BOLLURNAR ERU VÆNTANLEGAR Á VETRARSEÐIL STAÐARINS.
Inga Rún Sigurðardóttir ingarun@mbl.is
Erna segir andrúmsloftið við matargerð skipta máli.
Morgunblaðið/Kristinn
1 dl jómfrúarólífuolía
250 g risotto-hrísgrjón
1 lítri kjúklingasoð
1-2 skalottlaukar
100 g rifinn mozzarellaostur
100 g sólþurrkaðir tómatar
1 knippi basillauf (söxuð)
salt og pipar
heil egg
ferskur brauðraspur
Hitið olíuna í potti. Steikið laukinn þar til
hann fer að gljáa. Bætið grjónunum við og
blandið vel saman við laukinn og hrærið í um
það bil eina mínútu. Hellið 250 ml af soðinu
út í pottinn og hrærið þar til grjónin hafa tek-
ið vökvann í sig, endurtakið með því að hella
250 ml í hvert skipti. Grjónin eru tilbúin þeg-
ar þau eru farin að mýkjast og búin að
drekka í sig vökvann. Bætið að lokum sól-
þurrkuðum tómötum, basil og mozzarella-
ostinum út í pottinn og blandið vel saman.
Setjið grjónin á ofnskúffu og dreifið aðeins
úr og kælið.
Grjónin eru mótuð í jafnar kúlur. Dýfið
kúlunum í eggin og veltið þeim svo upp úr
brauðraspi, endurtakið leikinn og dýfið aftur
í eggin og svo aftur velt upp úr brauð-
raspinum.
Kúlurnar eru svo steiktar í djúpsteikingar-
olíunni við 180°C þar til þær verða fallega
gylltar.
Arancini-bollur
Bollurnar eru bornar
fram með parmesan
og sósu.