Morgunblaðið - 24.11.2014, Blaðsíða 4

Morgunblaðið/Eggert
Áreynsla Björn segir hækkunina á hjartaensímunum eflaust vera góðkynja.
Davíð Már Stefánsson
davidmar@mbl.is
„Það er mjög mikilvægt að vita þegar fólk kemur inn
á bráðavakt og hefur verið í einhverri áreynslu og
mælist með hækkuð hjartaensím, að þá er það ekki
endilega vísbending um að menn séu að fá hjarta-
áfall. Eflaust er um að ræða eðlilegt fyrirbæri,“ segir
Björn Magnússon, yfirlæknir sjúkrasviðs á Selfossi,
en hann rannsakaði hækkanir á vöðva- og hjartaen-
símum við aðstæður á borð við íslensk fjallahlaup í
samstarfi við Erlu Björnsdóttur, Önnu Þóru Árna-
dóttur og Ragnheiði Þórarinsdóttur. Rannsóknin var
kynnt, auk fjölda annarra, á lyflækningaþingi Félags
íslenskra lyflækna sem fram fór í Hörpu um helgina.
Mikið álag á hjartað
„Vöðvaensím og hjartaensím, sem oft eru notuð
til viðmiðunar við hjartaáföll, hækka eftir hlaupin
hjá þeim sem hlaupa maraþonhlaup. Rannsóknir
benda þó til þess að þetta sé ekki hættulegt ástand
heldur sé hækkunin tímabundin. Hækkunin á hjarta-
ensímunum kemur sennilega til vegna leka, sem
verður við áreynslu, úr hjartafrumunum,“ segir
hann.
Björn ítrekar að hlaup séu ekki hættuleg og að
líklegast sé um góðkynja fyrirbæri að ræða.
„Það er hinsvegar rétt að víðavangshlaup valda
verulegum hækkunum á vöðvaensímum í blóði, sér-
staklega fjallahlaup. Hjartaensímin hækka verulega
eftir hlaupin miðað við það sem var fyrir hlaup. Það
þýðir þó ekki að hlaupararnir séu að fá hjartaáfall,
þeir jafna sig mjög fljótt. Þetta gengur yfir á einum
eða tveimur sólarhringum. Það sama á við um vöð-
vaskemmdirnar, þær ganga yfir á 24 til 48 tímum,“
segir hann.
„Ég get ekki fullyrt um að hlaup auki ekki líkur
á hjartaáfalli, en ég get hinsvegar fullyrt það að
hlaupin auka líkur á menn fái hækkun á hjartaen-
símum, sem er oft notað sem vísbending um líkur á
hjartaáfalli. Í þessum tilfellum leiðir hækkunin þó
alls ekkert endilega til hjartaáfalla. Það er mikilvægt
að fólk átti sig á því að þetta er mikið álag á hjartað
en þetta er ekki endilega skemmd á hjartavöðva-
frumunum eins og verður í hjartaáfalli. Hlauparar
jafna sig allra jafna,“ segir Björn að lokum.
Hjartaensím hækka hjá hlaupurum
 Rannsókn bendir til þess að hækkun á hjartaensímum sé ekki endilega vísbending um yfirvof-
andi hjartaáfall  Víðavangshlauparar jafna sig allra jafna á einum til tveimur sólarhringum
4 FRÉTTIRInnlent
MORGUNBLAÐIÐ MÁNUDAGUR 24. NÓVEMBER 2014
Skógarhlíð 18 • Sími 595 1000
www.heimsferdir.is
B
irt
m
eð
fy
rir
va
ra
um
p
re
nt
vi
llu
r.
H
ei
m
sf
er
ð
ir
ás
ki
lja
sé
r
ré
tt
til
le
ið
ré
tt
in
g
a
á
sl
ík
u.
A
th
.a
ð
ve
rð
g
et
ur
b
re
ys
t
án
fy
rir
va
ra
.
um jólin
Kanarí&
Tenerife
Örfá sæti laus!
Sextíu ár verða í desember frá því Akureyrar-
flugvöllur var tekinn í notkun og var tímamót-
unum fagnað á laugardaginn í Flugsafni Íslands.
Tækifærið var notað til að láta flugkappann Arn-
grím Jóhannsson afhjúpa málverk af sér og fer
það á svokallaðan heiðursmannavegg í safninu.
Þar eru fyrir málverk af Agnari Kofoed Hansen,
Svanbirni Sigurðssyni og Halldóri Blöndal. Ekki
er annað að sjá en Arngrímur sé ánægður með
myndina sem Kristinn G. Jóhannsson bróðir hans
málaði. Sagði flugkappinn að líklega væri ekki
hægt að toppa það að vera settur á safn!
Morgunblaðið/Skapti Hallgrímsson
Arngrímur á heiðursmannavegginn
Sextíu ára afmæli Akureyrarflugvallar fagnað
Erlendur ferða-
maður flýtti sér
heldur mikið á
leið sinni út á
Keflavík-
urflugvöll í gær.
Raunar var
hann á 37 km/
klst meiri hraða
en leyfilegt er
þegar hann var stöðvar á
Kringlumýrarbraut. Mældist
hann á 117 km/klst þar sem há-
markshraði er 80 km/klst. Öku-
maðurinn var færður á lög-
reglustöð þar sem hann gekk frá
sektargreiðslu. Fékk hann svo að
halda ferð sinni áfram að því
loknu.
Á 117 km/klst hraða
á Kringlumýrarbraut
Kristján H. Johannessen
khj@mbl.is
Bandaríska haf- og loftslagsstofn-
unin NOAA segir október síðastlið-
inn vera þann hlýjasta á landi og sjó
frá því að mælingar hófust árið 1880.
Meðalhiti síðasta mánaðar var 14,74
gráður sem er 0,74 gráðum yfir með-
altalinu á tuttugustu öldinni.
„Þó að hlýtt sé á jörðinni í heild
sinni þá er það ekki alls staðar því
sum svæði eru auðvitað kaldari,“
segir Einar Sveinbjörnsson veð-
urfræðingur og bendir á að stór
svæði Norður-Ameríku, sér í lagi
austurhluti álfunnar, eru kaldari en
meðaltal síðustu þrjátíu ára. Það
sama á einnig við um svæði í Norð-
ur-Atlantshafi. „Það er hins vegar
hlýrra í stærstum hluta Evrópu,
Afríku, Ástralíu, Suður-Ameríku og
austur- og suðausturhluta Asíu.“
Verður 2014 eitt það hlýjasta?
Daglegar mælingar Veðurstofu
Íslands ná aftur til ársins 1949.
Spurður hvort árið 2014 geti orðið
það hlýjasta hér á landi frá upphafi
mælinga kveður Einar já við.
„Þetta ár gæti orðið eitt af þeim
allra hlýjustu ef desembermánuður
verður ekki mjög kaldur,“ segir Ein-
ar og bendir á að þótt nóvember-
mánuður sé fremur hlýr hafi það
ekkert forspárgildi fyrir desember.
Október var sá hlýjasti á
landi og sjó frá árinu 1880
 Árið 2014 gæti
orðið eitt það hlýj-
asta hér á landi
Morgunblaðið/Eggert
Vetrarblíða Hjólreiðamenn í höfuðborginni hafa til þessa ekki þurft að
glíma við snjó á ferðum sínum. Ekki er útlit fyrir að það breytist á næstunni.
Allt tiltækt slökkvilið höfuðborg-
arsvæðisins var kallað út síðdegis í
gær eftir að tilkynnt var um eld í
skútu við Grandagarð.
Töluvert mikill eldur var í skút-
unni. Slökkviliðið sendi reykkafara
um borð, en vel gekk að ná tökum á
eldinum. Skemmdir á skútunni eru
taldar vera miklar. Um var ræða
tvíbytnu og var slökkviliðið rúma
klukkustund að ráða niðurlögum
eldsins. Málið er til rannsóknar hjá
lögreglu.
Eldurinn olli miklu
tjóni í tvíbytnunni