Hrund - 01.09.1967, Blaðsíða 12
Samanburður á úthverfi og Habitat-
húsi. Habitat-húsid neðst á mynd-
inni rúmar úthverfið á uppdrættinum
og allt sem þvl fylgir, svo sem
ibúðarhús, verzlanir, leikvelli o.s.frv
Ibúum jarðarinnar fjölgar um helming á næstu fjörutíu árum. Bílum fjölgar þá einnig um helming, borgirnar
teygja úr sér í allar áttir og fólk flykkist til þeirra. En einn góðan veðurdag kemur að því, að land þrýtur um-
hverfis borgirnar. Áður en það gerist, verða menn að læra betur að notfæra sér landrýmið, byggja hærra
og þéttar, koma fleira fólki fyrir á minna svæði. En þó má ekki fórna þeim þáttum mannlífsins, sem við teljum
mestu máli skipta. Maðurinn verður að halda áfram að vera einstaklingur.
Habitat '67 á heimssýningunni í Montreal, eitt af framlögum Kanada til þeirrar sýningar, hefur vakið
almenna athygli og er jafnvel talin lausn á þéttbýlisvandamálunum. Helzti kostur Habitat er sá, að þrátt
fyrir þétt sambýli, er manninum séð fyrir einbýlishúsi með garði, verzlunarhverfi, fersku lofti og sólskini.
Allt, sem menn hafa sótt til úthverfanna, verður að finna í Habitat.
í byggingunni eru 158 hús, eins, tveggja, þriggja og fjögurra herbergja. Næg bílastæði, jafnt fyrir íbúa
sem gesti, verða fyrir utan, einnig garðar og leikvellir. Sérstakar gangbrautir, varðar gegn vindi og regni
með plasti, tengja bygginguna saman. Af þessum gangbrautum er gengið inn í húsin, og meðfram þeim
eru leikvellir fyrir ung börn, sem ekki geta leikið sér á leikvöllunum niðri á jörðinni. Auk gangbrautanna
ganga lyftur milli hæða.
Allir hlutar hússins eru búnir til annarsstaðar, og síðan er þeim komið fyrir fullgerðum á sinn stað. Eldhús,
baðherbergi, gluggakarmar, einangrun o.þ.h. er sett í hús, sem þá er tilbúið til uppsetningar. Síðan er því
lyft í heilu lagi á sinn stað. Eldhús- og baðinnréttingum er komið fyrir sem heild í húsinu, áður en þakið
er sett á. Veggir tveggja húsa liggja hvergi saman, þannig að hljóðeinangrun er fullkomin.
Garðar eru hafðir á þökunum. Hvert hús hefur þannig sinn garð á næstu húsaeiningu fyrir neðan. Mið-
stöðvarhitun er í hverju húsi.
Sérstakar eldhús- og baðinnréttingar voru teiknaðar fyrir bygginguna. Einkum hefur baðið vakið mikla
athygli. Það er allt, veggir, loft, gólf og áhöld, gert úr trefjagleri með sérstakri húð, sem tekur hvorki við
blettum né rispum. Eldhúsið er m. a. búið „fljótandi" ísskáp, sem gerir hreingerningu auðveldari í eldhúsinu.
Fyrir heimssýninguna voru nokkur húsin búin húsgögnum til að sýna gestum hve margvíslega má skreyta
þessi húsakynni. Bæði voru notuð gamaldags og nýtízku húsgögn, svo að sem flestir gestanna gætu fundið
eitthvað við sitt hæfi.
Ljósmynd: Rafn Hafnfjörð