Fréttablaðið - 08.03.2013, Blaðsíða 30

FRÉTTABLAÐIÐ
8 • LÍFIÐ 8. MARS 2013
Heilsa, matur og haming ja. Yfirheyrslan og helgarmaturinn.
Um daginn fór ég með foreldrum mínum að
hitta Höllu frænku, en hún og Svenni, maðurinn
hennar, eru nýbúin að byggja sér risastórt hús
í Garðabænum. Mamma heldur ekki vatni yfir
þessu húsi og nefndi strax við pabba að það væri
eitt hús til sölu í sömu götu. Ég heyrði pabba
kyngja hátt enda kosta þessi hús hálfa veröld-
ina að hans sögn. Þegar við keyrðum svo inn göt-
una skildi ég ekkert í því að öll húsin voru nán-
ast eins.
Af hverju skyldi Halla frænka, sem var nú ný-
útskrifaður arkitekt, vilja byggja sér alveg eins
hús og hinir í götunni? Ég hélt alltaf að arkitekt-
ar færu sínar eigin leiðir og gerðu ekki eins og
allir hinir en því hefur Halla frænka gjörsam-
lega gleymt þegar hún teiknaði húsið sitt. Nú,
eða kannski voru það bara hinir páfagaukarnir
í götunni sem hermdu eftir henni og gat hún þá
kannski lítið gert í því.
Ég horfði ýmist til hægri eða vinstri en það
skipti ekki máli á hvaða hús ég leit, það var eng-
inn sjáanlegur munur á þeim. „Úff, hvað þetta
er litlaus gata,“ sagði ég upphátt og gerði mér
ekki grein fyrir því að mömmu gæti sárnað
fyrir hönd systur sinnar. „Ji, Vera – ertu ekki
að grínast, þetta er alveg geggjuð gata,“ gall þá
í henni um leið og hún lofsamaði kosti nýbygg-
inga. Pabbi gjóaði augunum til mín í baksýnis-
speglinum og ég sendi honum lítið og stríðnis-
legt bros. Ég var ekki sammála mömmu og velti
því alvarlega fyrir mér hvernig börnin í götunni
ættu að rata heim til sín þegar öll húsin voru
grá, með flötum þökum og hvítum gardínum í
stórum gluggum. En fólk hefur auðvitað mis-
munandi smekk og á að fá að hafa hlutina eins og
það vill. Ekki ætla ég að dæma aumingja Höllu
frænku fyrir að búa í svona óspennandi götu.
Hún er hæstánægð með húsið sitt og það er það
sem skiptir mestu máli. Alveg eins og ég elska
húsið okkar, sem mér finnst vera eitt fallegasta
húsið í Hafnarfirði. Það er fagurgult, á fjórum
hæðum og með fallegu risi, en þar á ég herbergi
með útsýni yfir tvær kirkjur, tjörn og hafið.
Geri aðrir betur! Þar er röndótt og litríkt vegg-
fóður og blátt loft með hvítmáluðum skýjum. Ég
málaði loftið með hjálp pabba og mömmu sem
var pínu erfitt og því skil ég ekki alveg hvernig
Michaelangelo fór að því að mála Sixtínsku kap-
elluna í Vatíkaninu, það hefur aldeilis reynt á
aumingja kallinn.
Það besta við herbergið mitt er samt stóra og
breiða gluggakistan sem ég sit oft í, einungis til
að hugsa. Það er svo gott að hugsa þegar maður
er svona hátt uppi, alla leið á fjórðu hæð. Þá er
maður líka miklu nær Guði en þegar maður er á
jörðinni og sér hlutina í svo skýru ljósi. Í glugga-
kistunni minni hef ég sáð eplafræjum í bleik-
an pott og þar geymi ég líka sílin mín, A og B, í
krukku sem og kóngulóna Mura í eldgömlu jóla-
boxi. Stundum geri ég tilraunir með að syngja
þau í svefn á kvöldin og spila þá fyrir þau á raf-
magnspíanóið mitt, munnhörpuna eða falska gít-
arinn hans pabba – það gengur samt misvel.
Mig langar reyndar líka til að læra á fiðlu og
fara í Sinfóníuna svo ég geti spilað í Hörpu og
orðið fræg eins og Sigrún Eðvalds. Það er svo
margt sem mig langar að gera þegar ég verð
stór, hugsa sér alla möguleikana sem eru í boði
og hvað það bíður mín mikið og stórt ævintýri í
framtíðinni!
FRAMHALD Í NÆSTU VIKU
VERULEIKI
FRAMHALDSSAGA
SAGA AF VERU, RAUNUM HENNAR OG HUGLEIÐINGUM
Anna Rún Frímannsdóttir
íslenskufræðingur og rithöfundur skrifar
Í Japan er sushi-gerð tekin alvarlega og kröfurnar
miklar til þeirra sem það vilja læra. „Þar er mikil virðing
fyrir sushi-gerð og menn eru aldrei útskrifaðir. Þeir
eru kannski í heilt ár að þvo hrísgrjón áður en þeir fá
að gera nokkuð annað. Heimspekin á bak við það er
að ef þú hefur ekki þolinmæði þá áttu ekki að vera
sushi-kokkur,“ segir Snorri sem lærði að gera sushi í
Danmörku og í Tokyo. Þá rak hann einnig sushi-staðinn
Sticks´n´Sushi um árabil.
„Á námskeiðinu verður farið yfir atriði eins og hvað sé
í lagi að nota í sushi og hvað beri að varast. Indónes-
ískar sojasósur eru til dæmis ekki málið með sushi og
Tilda basmati hrísgrjón ganga alls ekki,“ segir Snorri og
hlær. Þeir sem þekkja sushi vita að grjónin eru stærsti
hluti þess og því mikilvægt að þau séu í lagi. „Grjón-
in þurfa að vera stutt japönsk
hrísgrjón. Þau þarf að þvo og
sjóða og að lokum marinera eftir
kúnstarinnar reglum. Ef grjónin
eru ekki í lagi verður sushi-ið
ekki gott.“
Snorri fjallar um meðhöndlun
á fiski, hvernig sé best að skera
hann og hvaða tegundir séu best-
ar í sushi. „Við förum yfir það
hvernig á að gera maki-rúllur og
nigiri-bita. Ég legg mikið upp úr
því að allir prófi að skera fisk-
inn, móta grjónin og fleira. Það
skilar sér mun betur heim með
fólki.“ Á námskeiðinu verður allt til alls og
það eina sem þarf að hafa meðferðis er
blað og penni.
„Eftir námskeiðið er mikilvægt að fólk
hafi þor til að byrja strax að búa til sushi.“
Námskeiðið er haldið í Víkinni á Granda-
garði þar sem Snorri sér um mat-
argerð. „Víkin í sjóminjasafninu er
án efa best geymda leyndarmál-
ið í bænum. Hér er alltaf ferskur
fiskur beint af markaði í hádeginu
og heimabakað bakkelsi um miðj-
an daginn.“
Á heimasíðu Klifsins www.klifid.is
og á Facebook má sjá nánari upp-
lýsingar um námskeiðið.
SUSHI-NÁMSKEIÐ HJÁ
KLIFINU FRÆÐSLUSETRI
Hinn 12. mars næstkomandi mun Klifið halda sushi-námskeið á Sjómannasafninu
Vík á Grandagarði. Snorri Birgir Snorrason kokkur á Víkinni mun fræða þátttak-
endur um leyndardóma sushis en hann hefur margra ára reynslu af sushi-gerð.
Í lokin fá allir veglegan Blue
Dragon byrjendapakka frá Innes
og Klifinu til að taka með heim.
Á námskeiðinu er mikið lagt upp úr því að þátttakendur séu
virkir og fái að prófa sjálfir.
AUGLÝSING: KLIFIÐ KYNNIR
Sjá nánar á visir.is/lifid
Það er mikilvægt að gefa sér tíma
til að vera með barninu og finna
því verkefni við hæfi sem glæða
bæði áhuga þess og þekkingu á
hinum ýmsu sviðum. Einn liður í
því getur verið að kynna því sögu
og menningu þjóðarinnar.
Börn eru fróðleiksfús að eðlis-
fari og því mikilvægt að ýta
undir þann eiginleika. Meðal þess
sem öll börn ættu að þekkja eru
söfnin sem við eigum. Með því
að heimsækja safn fléttum við
saman skemmtun og fróðleik.
Það er því engin ástæða til að láta
sér leiðast um helgina. Áður en
lagt er af stað er ágætt að hafa
myndavél til taks til að fanga
skemmtilegar minningar.
Sjóminjasafnið í Reykjavík er
spennandi safn fyrir alla fjöl-
skylduna. Sýningin, sem sett er
fram á skemmtilegan hátt, gefur
gestum innsýn í líf sjómanna á
árum áður. Sem dæmi, þá er búið
að innrétta eitt herbergi sem skip
og bryggju. Á efri hæðinni mega
börn príla upp í árabát og klæða
sig í gömul sjóklæði. Einnig er
hægt að fá leiðsögn um ævin-
týraheim varðskipsins Óðins sem
liggur við bryggju fyrir utan
safnið. Kaffitería er á staðnum.
Þjóðminjasafn Íslands er fræð-
andi og skemmtilegt safn fyrir
börn. Fjölskyldan getur skoð-
að muni frá hinum ýmsu tímum
og einnig er hægt að taka þátt
í safnleikjum, svo sem ratleik
og fræðsluleik, sem gerir heim-
sóknina líflega. Á annarri hæð
er stórt herbergi sem höfðar til
barna. Þar eru búningar sem
börn mega máta og hlutir eins
og sverð, hjálmur og brynja sem
þau geta prófað. Einnig er hægt
að láta fara vel um sig á dýnu og
hlusta á þjóðsögur. Veitingastofa
er á staðnum.
Hlúum vel að börnunum...
Lára G. Sigurðardóttir lækn-
ir og Sigríður A. Sigurðardótt-
ir hjúkrunarfræðingur, höfund-
ar bókarinnar Útivist og afþrey-
ing fyrir börn og heimasíðunnar
www.fyrirborn.is.
BÖRNIN FLÉTTUM
SAMAN SKEMMTUN
OG FRÓÐLEIK
Lítill drengur sagði við mömmu sína; „Mamma, mér leið
svo vel í dag af því að ég gerði eins og þú sagðir mér, að
fara glaður inn í daginn.“ Þessi orð segja svo mikið um
áhrifi n sem þú hefur á barnið þitt.
Egilssaga.
Áhugasöm börn í Þjóðminjasafninu.
Sjóminjasafnið í Reykjavík, Granda-
garður 8.
NAFN: Margeir
Steinar Ingólfsson
ALDUR: 38 ára
STARF: Ég starfa við
hluti sem mér finnast
skemmtilegir. Starfsheit-
ið? Ég veit ekki hvað
þetta kallast? Kannski
er ég ráðgjafi af því
að ég get gefið ráð við
öllu. Þó þau séu mis-
munandi góð.
ÁHUGAMÁL: Hústónlist, hreyf-
ing, hollusta, hlutbundin forritun,
hugleiðsla, heilsa, hugbúnaðar-
gerð – bara eiginlega allir hlutir
sem byrja á h.
HVAÐ STENDUR UPP ÚR Í
VIKUNNI? Það ber hæst að
haft var samband við okkur fé-
lagana í hljómsveitinni
Gluteus Maximus og
við beðnir um að sitja
fyrir í erótískri mynda-
töku hjá BUTT Magaz-
ine. Hversu viðeigandi
er það? Við erum báðir
ævintýragjarnir ungir
menn og þykir þetta
mjög spennandi.
HVAÐ Á AÐ GERA
UM HELGINA?
Ég mun eyða helginni í að setja
saman tónlist fyrir kisugönguna á
Reykjavik Fashion Festival sem fer
fram um miðjan mánuðinn í Hörpu.
EITTHVAÐ AÐ LOKUM: Já.
Ég held baráttunni áfram, díla við
gleði og drama á öllum vígstöðv-
um og bíð eftir að komast að hjá
ofnæmislækni og sálfræðingi.
HVER ER MAÐURINN?
MARGEIR STEINAR
INGÓLFSSON, PLÖTUSNÚÐUR
OG TÓNLISTARMAÐUR
Sér um tónlistina á RFF