Fréttablaðið - 08.03.2013, Blaðsíða 44

8. mars 2013 FÖSTUDAGUR| MENNING | 28
„Við nýtum allt húsið. Eftirlík-
ing af kjól Vivienne Westwood
mun verða á svifi niður úr lofti
bókasafnsins, það verða mynd-
ir í anddyrinu og sýningarsöl-
unum og það verður hægt að fá
hljóðleiðsögn um sýninguna því
á bak við hverja mynd eru mikl-
ar sögur.“ Þannig lýsir Ilmur
Dögg Gísladóttir, verkefnastjóri
Norræna hússins, sýningu ljós-
myndaranna Söruh Cooper og
Ninu Gorfer sem verður opnuð
þar 9. mars.
Hún segir að um umfangsmestu
sýningu Norræna hússins sé að
ræða til þessa. „Sýningarsalirnir
hafa tekið á sig dulúðuga mynd,
þykk teppi eru á gólfunum, vegg-
irnir eru dumbrauðir og myrkur
og ljós spila skemmtilega saman.
Fyrir þann sem þekkir til hér er
þetta algerlega ný upplifun,“ segir
hún.
Listakonurnar kalla sig
Coopers & Gorfers. Sögur sem
þær safna við gerð mynda sinna
eru stór hluti af sýningunni, að
sögn Ilmar. „Þarna eru til dæmis
myndir frá Kirgisistan og meðan
þær myndir eru skoðaðar fær
maður magnaðar sögur í eyrað
af lífinu þar, þannig að upplifun-
in verður sterk,“ lýsir hún. „Allt
er þetta alvöru fólk á myndunum
en engin módel.“
Ástæða þess að listakonurnar
Coopers & Gorfers koma hingað
er sú að þær verða sýningarstjór-
ar norræna tískutvíæringsins í
Frankfurt 2014 sem íslenskir,
grænlenskir og færeyskir fata-
hönnuðir taka þátt í og Norræna
húsið er aðili að. Það er ljós-
myndasýning sem þær vinna
mjög náið með hönnuðunum.
„Norræni tískutvíæringurinn er
alltaf haldinn annars staðar en
á Norðurlöndunum og þar eru
ávallt aðfengnir sýningarstjórar.
Þannig verður myndin af löndun-
um og einkennum tískunnar þar
mjög skýr,“ segir Ilmur.
Listakonurnar tvær hafa komið
hingað áður og þekkja landið.
„Coopers og Gorfers hafa gert
mjög fallega bók um Ísland sem
fékk verðlaun árið 2005 sem fal-
legasta bók Svíþjóðar,“ upplýsir
Ilmur Dögg. „Bókin verður í sér-
útgáfu á sýningunni hér í Norræna
húsinu, það er frumsýning mynd-
anna á Íslandi.“ gun@frettabladid.is
Dulúðugar myndir
og magnaðar sögur
Stærsta listsýning Norræna hússins til þessa verður opnuð á laugardaginn.
Sarah Cooper og Nina Gorfers sýna þar ljósmyndir með hljóðleiðsögn.
LISTAKONURNAR Sarah Cooper og Nina Gorfers. Myndin er tekin við opnun sýningar í Hasselblad-stofnuninni í Gautaborg
sem styrkir sýninguna í Norræna húsinu, ásamt Dunkers Kulturhusi í Helsingjaborg.
EIN MYNDANNA Kjóll eftir tískuhönnuðinn Vivienne
Westwood.
KONA Í KIRGISISTAN Þessi braust úr ofbeldissambandi
og hafði með sér eitt barn en varð að skilja annað eftir.
SNÚNINGUR Portrett af stúlku.
KOMIN
Í KILJU!
Ég kem að þessari ráðstefnu sem
móðir lesblinds barns og ætla að
segja frá reynslu minni af því
og hvað ég hef gert til að hleypa
honum inn í heim bókanna,“
segir Kristín Eva Þórhallsdóttir
útvarpskona spurð um innihald
erindis hennar á ráðstefnunni.
„Svo mun ég auðvitað líka fjalla
um það sem ég hef lært í leiðinni.“
Sonur Kristínar Evu er þrettán ára
og hún segist hafa lært ýmislegt af
lesblindu hans. „Til dæmis að hans
hugsun er allt öðruvísi en mín.
Ég hef alltaf verið að berjast við
það að láta hann hugsa eins og ég
geri og láta hann sjá hlutina sömu
augum og ég. Það gekk engan veg-
inn þannig að ég fór að reyna að
hugsa eins og hann og sjá hlutina
með hans augum. Það gekk ekki
heldur og ég uppgötvaði að lykill-
inn að erfiðleikum hans er einmitt
sá að það er hægara sagt en gert
að breyta því hvernig maður hugs-
ar. Eftir að ég skildi það fór þetta
að ganga betur hjá okkur báðum.“
Auk erindis Kristínar Evu fjallar
Katrín Jakobsdóttir, bókmennta-
fræðingur og mennta- og menn-
ingarmálaráðherra, um áhuga á
bókum og innihaldi þeirra í erindi
sem hún kallar Sögur í þátíð,
nútíð og framtíð. Bára Elíasdóttir
og Rannveig Möller grunnskóla-
kennarar segja frá tilraunaverk-
efni í notkun lesbretta í Voga-
skóla og Kjartan Yngvi Björnsson,
annar höfunda verðlaunabókarinn-
ar Hrafnsauga, veltir upp spurn-
ingunni hvort fantasían sé bók-
menntaform framtíðarinnar. - fsb
Reynsla móður
lesblinds barns
Árleg Barna- og unglingabókaráðstefna verður
haldin í Menningarmiðstöðinni Gerðubergi á laugar-
dag. Meðal fyrirlesara er Kristín Eva Þórhallsdóttir.
HUGSAR ÖÐRUVÍSI Á ráðstefnunni
mun Kristín Eva Þórhallsdóttir tala um
lærdómana sem hún hefur dregið af
lesblindu sonarins. FRÉTTABLAÐIÐ/VILHELM
MENNING