Fréttablaðið - 02.05.2013, Síða 46

2. MAÍ 2013 FIMMTUDAGUR6
„Við Sigrún Ragna höfum
fylgst að frá átján ára aldri,
vorum saman bæði í fram-
halds- og háskóla. Hún hefur
alltaf verið markviss, vissi
strax átján ára að hún vildi
verða endurskoðandi, og ég
öfundaði hana af því að vita alltaf hvað hún
vildi. Sigrún Ragna gerir allt vel sem hún gerir og
hún gerir það einnig með jákvæðni, sem er einn
af hennar stærstu kostum. Ég treysti Sigrúnu
Rögnu vel fyrir rekstri VÍS; allt sem hún gerir,
gerir hún af fagmennsku og yfirvegun.“
Katrín Olga Jóhannesdóttir
stjórnarformaður Já
„Ég kynntist Sigrúnu fyrst þegar fyrirtæki okkar
runnu saman árið 1998 undir
merkjum Deloitte. Sigrún
kom með ferskan blæ inn
í meðeigendahópinn og
nýjar hugmyndir. Hún var
síðar kjörin stjórnarformaður
og það var ávallt gott að
eiga hana að í því hlutverki. Fyrir félag eins og
Deloitte skiptir samhentur meðeigendahópur
miklu máli og þar komu kostir Sigrúnar vel í ljós,
bæði í leik og starfi. Ég hef fylgst stoltur með
framgangi hennar í viðskiptalífinu.“
Þorvarður Gunnarsson
framkvæmdastjóri Deloitte
„Sigrún var lykilmanneskja við uppbyggingu
Íslandsbanka eftir hrun
sem fjármálastjóri bankans.
Hún var klettur í erfiðum
ákvarðanatökum, föst fyrir
en um leið yfirveguð og
vingjarnleg. Ég lít ekki aðeins
á Sigrúnu sem fyrrverandi
samstarfskonu heldur sem góða vinkonu. Við
náðum þannig sambandi að ég vissi alltaf
hvernig Sigrúnu leið þó að hún beri ekki tilfinn-
ingar sínar á torg. Það er dýrmætt að finna í
samstarfsmanni sínum eiginleika góðs vinar.“
Birna Einarsdóttir
bankastjóri Íslandsbanka
SVIPMYND
Magnús Þorlákur Lúðvíksson
magnusl@frettabladid.is
Sigrún Ragna Ólafsdóttir varð á dögunum
fyrsta konan í fimmtán ár og sú önnur alls
til að stýra skráðu fyrirtæki á Íslandi þegar
viðskipti hófust með hlutabréf í VÍS í Kaup-
höllinni. Markaðurinn ræddi við Sigrúnu í
tilefni af skráningunni.
„Það er búið að vera mjög krefjandi og
ánægjulegt að taka þátt í söluferlinu og
skráningu félagsins á markað. Þetta var
ný reynsla,“ segir Sigrún Ragna, sem var í
framkvæmdastjórn Íslandsbanka áður en
hún var ráðin forstjóri VÍS í ágúst 2011.
Þar áður starfaði hún sem endurskoðandi
hjá Deloitte í tuttugu ár.
„Þegar ég hætti hjá Deloitte var ég
stjórnar formaður félagsins og hafði um ára-
bil tekið þátt í að byggja upp þetta stóra sér-
þekkingarfyrirtæki. Hjá Íslandsbanka tók
ég svo þátt í því að byggja upp nýjan banka
eftir hrunið, sem var mjög lærdómsríkt og
skemmtilegt að takast á við,“ segir Sigrún.
Þátttakan í hlutafjárútboði VÍS var mikil
og reyndist tíföld umframeftirspurn eftir
hlutabréfum. Sigrún Ragna segir að í út-
boði félagsins hafi fjárfestum boðist nýr
valkostur sem augljóslega hafi verið tekið
fagnandi. „Þetta er fyrsta tryggingafélag-
ið til að fara á markað eftir hrun. Þetta
er arðgreiðslufélag og félag með langa og
trausta sögu um ágætis afkomu. Ég held að
það hafi endurspeglast í áhuga fjárfesta,“
segir Sigrún.
Sigrún Ragna er uppalin í Stykkishólmi
og eins og Hólmara er háttur spilaði hún
körfubolta á sínum yngri árum. „Þegar
yngri flokkunum sleppti spilaði ég með
KR og menn hafa stunduð kallað það lið
gullaldar lið kvennakörfunnar í KR enda
tókum við þó nokkra titla á þessum árum.“
Utan skrifstofunnar er Sigrún mikil úti-
vistarmanneskja, en henni finnst fátt betra
en að komast í stangveiði. „Mér finnst rosa-
lega gott að vera úti við. Mér finnst gaman
að fara út að hlaupa eða ganga og ef ég get
gengið á eftir golfbolta er það ágætt. Svo
finnst mér mjög gaman að fara á skíði. Þetta
eru aðaláhugamálin, áhugamál sem fjöl-
skyldan getur tekið þátt í saman,“ segir Sig-
rún, sem er gift Eiríki Jónssyni viðskipta-
fræðingi og eiga þau saman tvo drengi.
Fyrsta konan í fimmtán ár
til að stýra skráðu fyrirtæki
Sigrún Ragna Ólafsdóttir var ráðin forstjóri VÍS í ágúst árið 2011. Markaðurinn ræddi
við Sigrúnu um skráningu í Kauphöllina, ferilinn og áhugamál utan skrifstofunnar.
SIGRÚN RAGNA ÓLAFSDÓTTIR Sigrún Ragna, sem er upphaflega frá Stykkishólmi, varð margfaldur Íslandsmeistari
í körfubolta með KR í kringum 1980. FRÉTTABLAÐIÐ/VILHELM
Blóðbankinn stækkaði
pakkann og bætti við sig
vörudreifingu Póstsins
„Þegar kælitöskur með blóðpokum þurfa að
berast á milli heilbrigðisstofnana má ekkert
klikka. Þess vegna stólum við á Póstinn.“
Jórunn Ósk Frímannsdóttir Jensen,
deildarstjóri blóðsöfnunardeildar
www.postur.is
Hafðu samband við Fyrirtækjalausnir Póstsins
í síma 580 1090 eða í fyrirtaekjalausnir@postur.is.
Þú getur líka skoðað þær lausnir sem í boði eru
á postur.is.
Við viljum gera meira fyrir viðskiptavini okkar
og aðstoða þá við að bjóða viðskiptavinum sínum
réttar lausnir og hagræða í rekstri – það köllum
við að stækka pakkann.
UMSÖGNIN