Fréttablaðið - 02.05.2013, Síða 58

2. maí 2013 FIMMTUDAGUR| MENNING | 42
30% kynningarafsláttur
ht.is
REYKJANESBÆR • SELFOSS • HÚSAVÍK • AKUREYRI • EGILSSTAÐIR • REYKJAVÍK
TÓNLIST ★★★
Hljómeyki flutti tónlist eftir
Ligeti og Jón Nordal
Stjórnandi: Marta Guðrún Halldórs-
dóttir
HANNESARHOLT 29. APRÍL
Í kvikmyndinni The Great
Dictator leikur Charlie Chaplin
Hitler. Hann heldur ræðu sem
kallar á tryllt fagnaðarlæti. Þegar
hann vill halda áfram bandar
hann út hendinni og þá dettur allt
í dúnalogn. Það gerist svo snögg-
lega að það er drepfyndið.
Mér datt þetta í hug á tón leikum
kórsins Hljómeykis í nýjum tón-
leikasal sem ber heitið Hljóð-
berg. Hann er í Hannesarholti
við Grundarstíg 10. Húsið var
byggt árið 1915 fyrir Hannes
Hafstein, fyrsta ráðherra þjóðar-
innar. Salur inn var vígður fyrir
nokkrum dögum, en tónleikar
Hljóm eykis voru þeir fyrstu
sem ég sæki þangað. Þetta er
sjarmerandi salur, sem tekur um
sjötíu manns, líflegur og bjartur.
Hljómburðurinn á tónleikunum
var þó býsna dauflegur. Meira
að segja sterkir hljómar hurfu á
örskotsstundu þegar kórinn lok-
aði munninum. Rétt eins og í The
Great Dictator. Það var bókstaf-
lega engin endurómun.
Nú er ég ekki að segja að Hljóð-
berg sé ómögulegur salur. Til
að meta hann almennilega þarf
maður að fara á fleiri tónleika
með mismunandi tónlist. Það
getur til dæmis verið að píanó-
leikur hljómi þar ágætlega. En
lítill kór þarf meiri hljóm og
glans.
Kórinn söng a cappella eins og
það er kallað, án undirleiks. Á
efnisskránni voru verk eftir Jón
Nordal og ungverskar þjóðlaga-
útsetningar eftir Ligeti. Einnig
var flutt lagið Einsemd við ljóð
eftir Sándor Weöres eftir síðar-
nefnda tónskáldið.
Þjóðlagaútsetningarnar voru
hér í íslenskri þýðingu Gunnsteins
Ólafssonar, og þar hefur greini-
lega verið vandað til verka. Engu
að síður spurði ég sjálfan mig af
hverju kórinn söng ekki bara á
ungversku. Í söng er tungumálið
hluti af tónlistinni; lag á íslensku
hljómar allt öðruvísi ef það er
sungið á ungversku. Hljóðfall og
hljómblær þessara tungumála er
svo ólíkur. Þrátt fyrir prýðilegan
söng glataðist einhver sjarmi við
að syngja á íslensku.
Kórinn var þó vel samstilltur,
bæði í Ligeti og í þremur þjóðlaga-
útsetningum, Kveðið í bjargi og
Vori eftir Jón Nordal. Söngurinn
var kraftmikill og lit ríkur, fín-
leg blæbrigði voru fallega mótuð,
túlkunin ávallt sannfærandi. Ein-
söngur Hildigunnar Rúnarsdóttir
í aukalaginu eftir Jón Nordal kom
vel út.
Auðvitað heyrði maður ein-
hverja hnökra; mest áberandi
voru dálítið óhreinir tenórar
snemma á tónleikunum. Einstaka
innkomur voru líka ekki alveg
nákvæmar. En í stærri sal hefði
maður ekki tekið eftir svoleiðis.
Í litlum hljómburðinum heyrðust
hnökrarnir hins vegar of vel. Það
var hálfóþægilegt.
Það verður spennandi að
heyra eitthvað allt annað næst í
Hannesar holti. Þetta er vissulega
heillandi hús og tónleikasalurinn
er flottur útlits. Synd ef hann
verður ekki notaður.
Jónas Sen
NIÐURSTAÐA: Hljómeyki söng
fallega, en hljómburðurinn í nýjum
tónleikasal í Hannesarholti hentaði
kórnum illa.
Nýr tónleikasalur
HLJÓMEYKI Hljóðberg hentar ekki kór að mati gagnrýnanda.
Þráinn Karlsson (74), Aðalsteinn
Bergdal (64) og Gestur Einar (63)
hafa í vetur túrað á hljómsveitar-
rútu milli bæja á Norðurlandi og
sýnt sýninguna Ég var einu sinni
frægur í öðru hverju samkomuhúsi
á svæðinu. Um helgina verða þeir
í Þjóðleikhúskjallaranum og sýna
þar annað kvöld og á laugardags-
kvöldið.
„Þetta er verk um gamla geð-
illa leikara sem halda að þeir
séu virtir, dáðir og sívinsælir.
Þeir hittast í ferð eldri borgara
á Kanarí og Gestur Einar heldur
því fram að hann sé fararstjóri,
Alli Bergdal segist vera þarna
til að skemmta gamla fólkinu
en Þráinn er einfaldlega einn af
gamlingjunum,“ segir leikstjórinn
Jón Gunnar Th.
Sýningin Ég var einu sinni
frægur var frumsýnd í nóvember
á síðasta ári í Ketilhúsinu á Akur-
eyri. Ætlunin var að sýna nokkrar
sýningar og gera upp leik ferilinn.
Nú eru sýningarnar orðnar þrjá-
tíu talsins og leikararnir hafa
komið við á Þórshöfn, Vopnafirði,
Raufarhöfn, Breiðumýri, Hrís-
ey, Blönduósi, Hólmavík, Skaga-
strönd og Varmahlíð. Fyrir hverja
leikferð fara tveir leikaranna í
athugun upp á spítala til að athuga
með stöðuna á blóðþykktinni áður
en haldið er af stað. - fsb
Gamlir geðstirðir
leikarar að norðan
Leiksýningin Ég var einu sinni frægur hefur verið
sýnd 30 sinnum á Norðurlandi. Sýningin verður í
Þjóðleikhúskjallaranum um helgina.
EINU SINNI FRÆGIR Aðalsteinn, Þráinn og Gestur Einar leika sjálfa sig í sýningunni
sem tengist leikferli þeirra. MYND/HEIÐA.IS