Fréttablaðið - 31.05.2013, Síða 62

KYNNING − AUGLÝSINGKöfun FÖSTUDAGUR 31. MAÍ 20134
Fríköfun snýst um sjálfsstjórn og slökun. Búnaðurinn sam-anstendur af galla, löngum
fitum, gleraugum og snorku. Hún
er bæði heilsusamleg og gefandi og
fríkafarinn er í miklum tengslum
við náttúruna. Þetta er mest vax-
andi vatnasport í heiminum í dag,“
segir Birgir Skúlason, fríköfunar-
kennari og eigandi Freedive.is.
Freedive heldur úti reglulegum
námskeiðum, en Birgir er sá eini
hér á landi með alþjóðleg kennslu-
réttindi í fríköfun. Hann segir frí-
köfun íþrótt sem allir ættu að geta
stundað.
„Fríköfun er mörg hundruð ára
gamalt sport og stundað af fólki á
öllum aldri um allan heim. Lág-
marksaldur á námskeiðin er sext-
án ár en sá elsti sem lært hefur hjá
mér er 76 ára. Fríkafarinn lærir að
halda niðri í sér andanum lengur
en áður og allir sem komið hafa á
námskeið hafa bætt við sig minnst
einni og hálfri mínútu. Fólk er yfir-
leitt í kafi í 1-3 mínútur í einu. Frí-
köfun er ekki adrenalínsport,“
segir Birgir, sem sjálfur getur verið
í kafi í meira en fimm mínútur.
„Til að ná kennsluréttindum
þarf að geta kafað 40 metra niður
og getað haldið niðri í sér andan-
um í fjórar mínútur,“ segir hann og
ítrekar að engin hætta sé á ferðum
ef rétt er að farið.
„Fólk lendir ekki í vandræð-
um ef það fer eftir reglunum og
óhætt er að segja að þetta sé mjög
öruggt sport. Í fríköfun er ekki
hætta á kafaraveiki og í raun getur
ekkert gerst sem getur ekki alveg
eins gerst þegar við erum úti að
skokka. Mesta fiskalífið er líka á
5-10 metra dýpi, svo að fríkafar-
ar eru yfirleitt ekki að sækja neitt
dýpra. Það er auðvelt að veiða sér
í soðið, tína krabba og skeljar í frí-
köfun. Grunnnámskeið í fríköfun
tekur tvö kvöld og svo er hægt að
kaupa allan búnað hjá okkur.“
Allar nánari upplýsingar á
www.freedive.is
Ekki adrenalínsport
Birgir Skúlason, fríköfunarkennari og eigandi Freedive.is, segir fríköfun
slökunaríþrótt. Hún tengi fólk náttúrunni og eigi ekkert skylt við adrenalínsport.
Birgir Skúlason köfunarkennari segir fríköfun tengja sig við náttúruna. MYND/ANTON
Silfra
Silfra á Þingvöllum er af mörgum talin einn áhugaverðasti köfun-
arstaður á landinu og jafnvel einn af þeim áhugaverðustu í heim-
inum. Vatnið í gjánni er tveggja til fjögurra gráðu heitt allan árs-
ins hring og skyggnið er um og yfir 150 metrar.
Hvalfjörður
Vinsælt er að kafa í kringum gömlu bryggjuna sem stendur inn-
arlega í firðinum. Á botni Hvalfjarðar hafa fundist ýmsir hlutir frá
hernámsárunum, en Bandamenn komu sér upp aðstöðu í Hval-
firði og þar fóru um mörg stærstu herskip veraldar.
Sykurskipið
Sykurskipið svokallaða liggur norður af Álftanesi og dregur nafn
sitt af farminum sem skipið flutti þegar það sökk. Botninn á skip-
inu er heillegur og þar er að finna vélina, stýri og skrúfu.
El Grillo
Flakið af El Grillo liggur á botni Seyðisfjarðar á 30 til 45 metra
dýpi og því geta einungis vanir kafarar skoðað það.
Vestmannaeyjar
Kaplagjóta við Vestmannaeyjar er áhugaverður köfunarstaður þar
sem oft sjást kolkrabbar. Gjótan er þó einungis fær vönum köfur-
um, þar sem mikið sog getur myndast í gjótunni.
Nánari upplýsingar um fleiri áhugaverða köfunarstaði á Íslandi er
að finna á www.kafarinn.is
Köfunarstaðir á Íslandi
Silfra er af mörgum talin einn áhugaverðasti köfunarstaður í heimi. MYND/VILHELM
Minna að fletta
meira að frétta
F
ÍT
O
N
/
S
ÍA
BESTI FRÉTTA- OG AFÞREYINGARVEFURINN
Úr umsögn dómnefndar: „Vefurinn býður upp á margskonar afþreyingu auk gífurlegs úrvals frétta.
Vefurinn er léttur og skemmtilegur auk þess sem einfalt og fljótlegt er að finna það efni sem leitað er að.“

Frábært úrval afþreyingar, ferskar fréttir, fjölbreytt efnisval,
myndrænt viðmót og færri flettingar.
Þess vegna var visir.is kosinn besti frétta- og afþreyingarvefur
ársins á Íslensku vefverðlaununum 2012.