Fréttablaðið - 31.05.2013, Page 86

31. maí 2013 FÖSTUDAGUR| MENNING | 50
1. The Hangover Part III
Í þetta sinn er úlfahjörðin hvorki
á leiðinni í brúðkaup né steggj-
un, heldur er hún á bílaferðalagi.
Íslendingar flykktust á fyrstu tvær
myndirnar. Rúmlega 60 þúsund
miðar seldust á þá fyrstu árið 2009
og námu tekjur rúmum 50 milljón-
um króna. Árið 2011 seldust rúm-
lega 40 þúsund miðar á The Hang-
over Part II. Samanlagt hafa því um
100 þúsund miðar selst á myndirnar
tvær hérlendis.
Frumsýnd 29. maí
2. Man Of Steel
Þetta er dýrasta mynd sumarsins og
er áætlaður kostnaður 225 milljónir
dala. Henni er ætlað að blása nýju
lífi í Superman-myndirnar sem nutu
vinsælda á áttunda og níunda ára-
tugnum. Síðasta tilraun, Superman
Returns sem kom út 2006, þótti ekki
heppnast nógu vel. Í þetta sinn fer
Henry Cavill með hlutverk skikkju-
klæddu ofurhetjunnar. Leikstjóri er
Zack Snyder (Watchmen, 300).
Frumsýnd 21. júní
3. The Lone Ranger
Johnny Depp og leikstjórinn Gore
Verbinski hafa áður starfað saman
við Pirates of the Caribbean-mynd-
irnar vinsælu. The Lone Ranger er
byggð á samnefndum sjónvarpsþátt-
um um grímuklæddan löggæslu-
mann (Armie Hammer) og vin hans,
indíánann Tonto (Depp). Framleið-
andi er Jerry Bruckheimer, sem
einnig stóð á bak við Pirates of the
Caribbean.
Frumsýnd 5. júlí
4. World War Z
Spennumynd sem fjallar um Gerry
Lane (Brad Pitt), starfsmann Sam-
einuðu þjóðanna sem leitar leiða til
að stöðva kolbrjálaða uppvakninga
sem eru að leggja undir sig heim-
inn. Leikstjóri er Marc Forster, sem
gerði Bond-myndina Quantum of
Solace. Þetta er næstdýrasta mynd
sumarsins með áætluðum kostnaði
upp á 170 milljónir dala.
Frumsýnd 12. júlí
5. Monsters University
Þessi Pixar-teiknimynd gerist tíu
árum á undan Monsters, Inc. sem
kom út 2001 og sló rækilega í gegn.
Sulley og Mike hittast í menntaskóla
og ganga í sama bræðrafélagið.
Fyrst eru þeir miklir óvinir en svo
tekst með þeim vinátta. John Good-
man og Billy Crystal ljá þeim Sulley
og Mike raddir sínar.
Frumsýnd 19. júlí
6. The Wolverine
Hugh Jackman snýr aftur á hvíta
tjaldið sem hinn stökkbreytti James
Howlett, betur þekktur sem Logan,
eða hinn ofurmannlegi Wolverine.
Síðast var gerð mynd um Wolverine
árið 2009 sem hlaut heldur dræmar
viðtökur og er ætlunin að gera betur
í þetta sinn. Þetta er fyrsta mynd-
in með Wolverine þar sem hvorki
X-Men né Avengers-hetjurnar koma
við sögu að undanskilinni Jean Grey
(ofurhetjunni Phoenix).
Frumsýnd 24. júlí
7. 2 Guns
Þetta er nýjasta Hollywood-
mynd Baltasars Kormáks.
Tæplega þrjátíu þúsund
Íslendingar sáu þá síðustu,
Contraband, í bíó og námu
tekjurnar tæpum 30 milljónum
króna. Myndin fjallar um fíkni-
efnalögreglumann og leyniþjón-
ustumann
hjá banda-
ríska flot-
anum (Den-
zel Washington og
Mark Wahlberg), sem
rannsaka hvor annan.
Frumsýnd 7. ágúst
8. Elysium
Matt Damon leikur
aðalhlutverkið í
þessari fram-
tíðarmynd sem
gerist árið 2159.
Tvær tegundir
manna eru til,
þeir sem búa
í geimstöð-
inni Elysium
og hinir sem
búa á jörð-
inni.
Frumsýnd
30. ágúst
Geimverur, grín og
uppvakningar í bíó
Sumarmyndirnar eru á leiðinni í bíó þar sem geimverur, hasar og uppvakningar
verða áberandi. Léttleikandi afþreying verður sem fyrr í aðalhlutverki í sumar.
1
2
3
5
47
8
6
Brautryðjandi fallinn frá
Kristján Davíðsson, einn fremsti myndlistarmaður sinnar
kynslóðar, lést í vikunni. Hann málaði allt undir það síðasta.
Skaft ahlíð 24 | 105 Reykjavík | 512 5000 | Auglýsingar 512-5401 | visir.is
FEÐGIN Á SJÓNUM
Ólafi Finnbogasyni og Þórdísi Ólafsdóttur svellur
báðum sjómannsblóð í æðum. Ólafur byrjaði á sjónum
1955 og aðstæðurnar þá og nú eru eins og svart og hvítt.
FRÉTTABLAÐIÐ ER HELGARBLAÐIÐ
HELGARBLAÐ
FRÉTTABLAÐSINS
Ómissandi hluti af góðri helgi
Landið rís á ný
Mikill vöxtur virðist vera í íslensku rappi
á ný eftir lægð síðustu ára. Fréttablaðið
fer yfir sögu hipphopp-tónlistar á Íslandi.
Til Borgarleikhússins
Þorvaldur Davíð Kristjánsson hefur
gengið frá fastráðningarsamningi við
Borgarleikhúsið og fer með aðalhlut-
verkið í sýningunni Furðulegt háttalag
hunds um nótt á næsta leikári.