Fréttablaðið - 20.06.2013, Blaðsíða 4

20. júní 2013 FIMMTUDAGUR| FRÉTTIR | 4
FERÐAÞJÓNUSTA Erlendir ferða-
menn verða 36 prósentum fleiri
á árinu 2015 en þeir voru í fyrra,
gangi eftir spá sem sett er fram
í nýrri skýrslu greiningardeildar
Arion banka um ferðaþjónustu.
Yfirskrift greiningarinnar er
„Atvinnugrein á unglingsaldri“.
Grunnspá greiningardeildar-
innar gerir ráð fyrir að í ár sæki
heim landið 747 þúsund manns,
fjölgi svo í 809 þúsund á næsta ári
og verði 876 þúsund árið 2015.
Þrátt fyrir mikla aukningu milli
ára telja sérfræðingar greiningar-
deildarinnar litlar líkur á að þol-
mörkum innviða ferðaþjónustunn-
ar verði náð í bráð. Með innviðum
er átt við gistirými, samgöngur og
fleiri slíka þætti.
Bent er á að innviðir ferðaþjónust-
unnar séu sveigjanlegir og þenjan-
legir. „Þar að auki er mikið vannýtt
svigrúm til staðar í innviðum grein-
arinnar,“ segir í umfjölluninni.
Öðru máli gegnir hins vegar
um þolmörk náttúru og samfélags
og ástæða til að hafa áhyggjur
af þeim þáttum, að því er fram
kemur í umfjöllun greiningar-
deildarinnar. „Að vísu er mun
erfiðara að mæla þessi þolmörk
en vísbendingar eru um að á viss-
um landsvæðum sé neikvæðra
áhrifa þegar tekið að gæta sökum
ásóknar ferðamanna.“ Bent er á
að á árinu 2011 hafi til að mynda
þrír af hverjum fjórum erlendum
ferðamönnum farið „gullna hring-
inn“ svokallaða, en hann felur í sér
heimsókn frá Reykjavík á Þing-
velli, Gullfoss og á Geysissvæðið
áður en haldið er til baka um
Grímsnes (mögulega með viðkomu
í Kerinu) og yfir Hellisheiði.
Aukin gjaldtaka er svo aftur sögð
geta dregið úr ágangi og aflað fjár
til uppbyggingar ferðamannastaða,
sem aftur geti aukið þanþol þeirra.
Bent er á að núna fari sértæk
opinber gjaldtaka af ferðamönnum
einkum fram með gistináttaskatti.
„Önnur leið væri sú að rukka beint
fyrir aðgang að ákveðnum svæðum
eða náttúruperlum, annaðhvort með
beinum aðgangseyri eða útgáfu
einhvers konar passa eða skír-
teina.“ Svæðisbundin gjaldtaka er
sögð hafa þann kost að hægt sé að
stjórna upphæð gjaldsins eftir vin-
sældum svæðisins og eftir árstíð-
um.
Í skýrslu greiningardeildar-
innar er gert ráð fyrir að tekjur
af slíkri gjaldtöku gætu hæglega
numið þremur til fimm milljörðum
króna á ári hverju.
Þá er bent á að ferðaþjónustan
standi frammi fyrir því að þurfa að
draga úr árstíðarsveiflunni í fjölda
ferðamanna og um leið stuðla
að jafnari dreifingu gistinátta.
Breytingar í þessa átt myndu í
senn stuðla að betri nýtingu fjár-
muna og draga úr hættunni á að
ferðamenn sprengi af sér innviði
greinarinnar. olikr@frettabladid.is
Gjaldtaka skilar milljörðum
Innviðir ferðaþjónustunnar þola þá fjölgun ferðamanna sem ráð er fyrir gert næstu ár. Öðru máli gegnir um nátt-
úru og staðhætti á vinsælum viðkomustöðum. Aukin gjaldtaka gæti hjálpað og skilað 3 til 5 milljörðum árlega.
Á FERÐ Í BORGINNI Bent er á í umfjöllun greiningardeildar Arion banka að ferðamenn séu „misverðmætir“ og nauðsynlegt að auka
framleiðni innan greinarinnar, þar sem mörg fyrirtæki virðist vera í erfiðri stöðu þrátt fyrir fjölda ferðamanna. FRÉTTABLAÐIÐ/HAG
„Uppgangur ferðaþjónustunnar
undanfarin ár hefur hjálpað mikið
við að jafna dreifingu útflutnings-
tekna og draga úr líkum á efnahags-
skellum,“ segir í umfjöllun greining-
ardeildar Arion banka. Fram kemur
að hlutdeild ferðaþjónustu í útflutn-
ingi hafi tvöfaldast á undanförnum
árum. „Beint framlag greinarinnar
til vergrar landsframleiðslu er á við
helming framlags sjávarútvegs, auk
þess sem rúm fimm prósent vinnu-
aflsins starfa í ferðaþjónustu. Kemur þetta til af mikilli fjölgun ferðamanna
undanfarinn áratug, ekki síst á síðustu tveimur árum.“ Ferðaþjónustan
hefur með vexti síðustu ára öðlast fullt tilkall til þess að kallast þriðja stoð
útflutningsins, á eftir iðnaðarframleiðslu og sölu sjávarafurða.
Hlutur ferðaþjónustu hefur tvöfaldast
VIÐ GULLFOSS Í fyrrasumar heimsóttu
72 prósent ferðamanna Þingvelli, Geysi
og Gullfoss. FRÉTTABLAÐIÐ/PJETUR
LÖGREGLUMÁL Rúmlega þrítugur
maður, sem talinn er hafa numið
tíu ára stelpu á brott í Vesturbæ
um miðjan maí og beitt hana kyn-
ferðisofbeldi, hefur verið látinn
sæta geðrannsókn.
Lögregla bíður enn niðurstöðu
geðrannsóknarinnar, og auk þess
niðurstöðu DNA-rannsóknar sem
unnin var í Svíþjóð, að sögn Björg-
vins Björgvinssonar, yfirmanns
kynferðisbrotadeildar lögreglunn-
ar. „En ég á von á að málið verði
klárað í næstu viku,“ segir hann.
Maðurinn er talinn hafa ekið
með stúlkuna út að borgarmörkum
og brotið gróflega gegn henni kyn-
ferðislega.
Samkvæmt heimildum Frétta-
blaðsins hefur hann verið yfir-
heyrður í þrígang og heldur enn
fast við þann framburð að hann
muni ekkert eftir atburðinum.
Hann hafi verið afar illa sofinn og
undir áhrifum vímugjafa.
Sönnunargögnin gegn mannin-
um eru þó ótvíræð og hann mun
því ekki draga í efa að hann hafi
gerst brotlegur við stúlkuna þótt
hann muni ekki eftir því, sam-
kvæmt heimildum blaðsins. - sh
Reynt að ljúka rannsókn á barnaníðingnum í Vesturbænum í næstu viku:
Bíða DNA- og geðrannsókna
➜ Maðurinn hefur sætt
gæsluvarðhaldi á grundvelli
almannahagsmuna undanfarið.
Það rennur út 28. júní. Björgvin
segir ekki ljóst hvort farið
verður fram á fram lengingu á
því.
SÓMALÍA, AP Sjö hryðjuverkamenn
með tengsl við Al-kaída sprengdu
bílasprengju við skrifstofubygg-
ingu Sameinuðu þjóðanna (SÞ)
í Mógadisjú í Sómalíu í gær.
Í kjölfarið réðust þeir inn í
bygginguna og myrtu níu starfs-
menn hið minnsta.
Hryðjuverkamennirnir náðu
valdi á byggingunni en létust
allir þegar öryggissveitir Afríku-
bandalagsins og sómalskra yfir-
valda réðust gegn þeim.
- mþl
Ráðist á SÞ í Sómalíu:
Sextán létust í
hryðjuverkárás
LÍFIÐ ER Í LIT
MEÐ CINTAMANI
AUGLÝSINGADEILDIR FRÉTTABLAÐSINS– AUGLÝSINGASTJÓRI: Jón Laufdal jonl@frettabladid.is ALMENNAR SÍMI 512-5401: Guðmundur Steinsson gudmundurs@365.is, Hjördís Zoëga hjordis@frettabladid.is, Hlynur Þór Steingrímsson hlynur@365.is, Laila Awad laila@365.is, Sigríður Dagný Sigurbjörnsdóttir sigridurdagny@365.is, Örn
Geirsson orn.geirsson@365.is FÓLK/LÍFIÐ/SÉRBLÖÐ SÍMI 512-5402: Atli Bergmann atli.bergmann@365.is, Elsa Jensdóttir elsaj@365.is, Jóna María Hafsteinsdóttir jmh@365.is, Sigrún Kristinsdóttir sigrunp@365.is, Sigurjón Viðar Friðriksson sigurjon@365.is, Sverrir Birgir Sverrisson sverrirbs@365.is FÓLK OG SÉRBLÖÐ EFNI: Elín Albertsdóttir
elin@365.is og Vera Einarsdóttir vera@365.is RAÐAUGLÝSINGAR /FASTEIGNIR SÍMI 512-5403: Hrannar Helgason hrannar@365.is, Viðar Ingi Pétursson vip@365.is ÞJÓNUSTUAUGLÝSINGAR SÍMI 512-5407: Arna Rut Kristinsdóttir arnarut@365.is, Steinunn Sandra Guðmundsdóttir ssg@365.is, Sigrún Helga Guðmundsdóttir sigrunh@365.is
SVONA ERUM VIÐ
2.148 Íslendingar eru skráðir í Ásatrúar-
félagið.
Fyrir 10 árum tilheyrðu 636
trúfélaginu. Heimild: Hagstofan.is
Elísabet
Margeirsdóttir
veðurfréttamaður
Veðurspá
Laugardagur
Hæg norðvestanátt.
SÓLIN SYÐRA Nú mega þeir sem hafa beðið eftir sólinni suðvestan til á landinu
gleðjast því það er gert ráð fyrir björtu veðri fram á sunnudag. Þó er hætt við stöku
síðdegisskúrum. Hitinn ætti að ná að 18°C inn til landsins sunnan til.
10°
6
m/s
12°
6
m/s
13°
5
m/s
14°
8
m/s
Á morgun
3-8 m/s.
Gildistími korta er um hádegi
14°
12°
14°
11°
13°
Alicante
Basel
Berlín
26°
29°
35°
Billund
Frankfurt
Friedrichshafen
24°
31°
28°
Gautaborg
Kaupmannahöfn
Las Palmas
25°
25°
23°
London
Mallorca
New York
21°
25°
25°
Orlando
Ósló
París
32°
24°
25°
San Francisco
Stokkhólmur
18°
22°
16°
4
m/s
13°
5
m/s
11°
3
m/s
10°
6
m/s
10°
4
m/s
11°
5
m/s
8°
6
m/s
15°
13°
14°
14°
12°
NÝJA DELÍ Þótt ástandið sé verst í
Uttrakhand hafa ár víðar flætt yfir bakka
sína síðustu daga enda sumarrigningar
monsúntímabilsins í algleymingi.
FRÉTTABLAÐIÐ/AP
HALDIÐ TIL HAGA
Vitlaus merking var á stöplum í stöpla-
riti sem birtist á síðu 2 í Markaðnum í
gær. Á mynd sem sýndi fjölda kvenna í
tölvunarfræði og hugbúnaðarverkfræði
í Háskóla Íslands voru stöplarnir merkt-
ir sem fjöldi karla og fjöldi kvenna. Hið
rétta er að þeir sýndu fjölda kvenna
annars vegar í tölvunarfræði og hins
vegar í hugbúnaðarverkfræði.
LEIÐRÉTT
Myndir af viðmælendum í svipmynd
af Þórdísi Lóu Þórhallsdóttur í
Markaðnum í gær víxluðust. Mynd
birtist af Aðalheiði Karlsdóttur, lög-
giltum fasteignasala, við athugasemdir
frá Láru Björnsdóttur, félagsráðgjafa
MA og fyrrverandi félagsmálastjóra, og
öfugt. Beðist er velvirðingar á þessum
mistökum.
INDLAND, AP Ár hafa flætt yfir
bakka sína í fylkinu Uttrakhand
í norðurhluta Indlands síðustu
daga. Manmohan Singh, forsætis-
ráðherra landsins, segir að fjöldi
látinna vegna flóðanna sé kominn
yfir hundrað og fari enn hækkandi.
Indverski herinn bjargaði í gær
nærri 12 þúsund manns sem urðu
strandaglópar í fjalllendi. Enn eru
63 þúsund manns á sama svæði.
Í Uttrakhand hafa vegir og um
25 brýr skolast burt og þá hafa
flóðin eyðilagt 365 hús og skemmt
275 til viðbótar. - mþl
Flóð í Uttrakhand:
Hundrað látnir
á Indlandi
747.000
ferðamenn sækja landið
heim í ár gangi eft ir spá
greiningardeildar Arion
banka.