Fréttablaðið - 20.06.2013, Blaðsíða 54
20. júní 2013 FIMMTUDAGUR| SPORT | 42
visir.is
Allt um leiki
gærkvöldsins
BORGUNARBIKAR
16-LIÐA ÚRSLIT
SINDRI - FYLKIR 0-2
0-1 Viðar Örn Kjartansson (50.), 0-2 Heiðar Geir
Júlíusson (56.).
LEIKNIR - KR 0-3
0-1 Óskar Örn Hauksson (39.), 0-2 Kjartan Henry
Finnbogason (54.), 0-3 Aron Bjarki Jósepsson
(65.).
VÍKINGUR Ó. - FRAM 1-1
0-1 Almarr Ormarsson (29.), 1-1 Fannar Hilmars-
son (69.).
Fram fór áfram eftir sigur í vítakeppni sem fór
alla leið í bráðabana.
GRÓTTA - MAGNI 3-2
1-0 Pétur Theodór Árnason (27.), 2-0 Jónmundur
Grétarsson (51.), 2-1 Hreggviður Heiðberg Gunn-
arsson (73.), 2-2 Anton Ástvaldsson, sjm (79.),
3-2 Örlygur Helgason, sjm (85.).
VÍKINGUR R. - TINDASTÓLL 2-1
1-0 Aron Elís Þrándarson (2.), 2-0 Hjörtur Júlíus
Hjartarson, víti (8.), 2-1 Christopher Tsonis (21.)
LEIKIR KVÖLDSINS
ÍA - BREIÐABLIK KL. 19.15
STJARNAN - FH KL. 20.00
Sýndur í beinni útsendingu á Stöð 2 Sport.
FÓTBOLTI Kristján Guðmundsson var í gær ráðinn þjálfari
Keflavíkur, rétt eftir að félagið hafði rekið Zoran Daníel
Ljubicic.
Zoran er þriðji þjálfarinn í Pepsi-deild karla sem
hættir á miðju tímabili.
„Ég er mjög glaður að fara að þjálfa Keflavík
aftur,“ segir Kristján.
„Þetta er samt sem áður sérstök tilfinning
en ég hef aldrei tekið við liði í miðju móti. Það
hefur verið vinnuregla hjá mér að vera með
lið frá upphafi undirbúningstímabilsins og út
mótið og því hef ég aldrei komið inn þegar
annar þjálfari missir starfið sitt.“
„Þeir segja að þetta sé líf þjálfarans sem
er alveg rétt, ég hef kynnst þessu frá báðum
hliðum. Ég hlakka virkilega mikið til, þetta
verður mjög gaman.“
Zoran Daníel Ljubicic var í gær rekinn sem þjálfari
liðsins.
„Núna fer ég í það að skoða liðið í heild sinni og fara
yfir tölfræðiþætti leikmanna og annað. Þetta mun taka
ákveðinn tíma og síðan kemur í ljós hvort ég þurfi
að styrkja liðið meira. Ég mun fá stuðning frá
stjórn knattspyrnudeildar Keflavíkur ef það þarf
að styrkja liðið í glugganum, ég á bara eftir að
sjá hvort þess þurfi.“
Kristján þjálfaði Keflavík á árunum 2005-
2009 og litlu munaði að hann næði að gera
liðið að Íslandsmeisturum árið 2008.
„Ég þekki mig vel í Keflavík og allar
aðstæður þar, en það var aðalástæðan fyrir
því að ég tók þetta verkefni að mér.“ - sáp
Kristján Guðmundsson tekur við Kefl avík á ný
FÓTBOLTI Hólmbert Aron Friðjóns-
son, leikmaður Fram, hefur verið
að finna sig einstaklega vel á tíma-
bilinu og virðist loksins vera að
springa út.
Leikmaðurinn skoraði þrjú mörk
gegn Þór í 7. umferð Pepsi-deild-
ar karla og hefur því verið valinn
leikmaður umferðarinnar af
Fréttablaðinu. Hólmbert átti erfitt
uppdráttar á síðasta tímabili þrátt
fyrir mörg fín tækifæri með Fram
en núna virðist leikmaðurinn vera
að sýna sitt rétta andlit.
„Þetta hefur verið að ganga vel
hjá mér í sumar,“ segir Hólmbert.
„Ég fann mig rosalega vel í
síðasta leik og það í raun gekk allt
upp. Liðið lék allt vel gegn Þór og
ég fékk að njóta góðs af því.“
Er stútfullur af sjálfstrausti
„Ég hef alla tíð æft gríðarlega
mikið og það breytist ekkert fyrir
þetta tímabil. Aftur á móti finn ég
fyrir því að ég er með miklu meira
sjálfstraust núna en áður og það
skiptir sköpum í fótbolta.“
Ríkharður Daðason var ráðinn
þjálfari Fram á dögunum, eftir að
Þorvaldur Örlygsson sagði starfi
sínu lausu hjá félaginu, og virðist
hann hafa komið með ákveðna inn-
spýtingu í liðið.
„Það hafði verulega góð áhrif
á mig. Menn vilja strax sanna sig
fyrir nýjum þjálfara og það fá allir
blóð á tennurnar og vilja vera í lið-
inu. Ríkharður hefur verið viðloð-
andi Fram í nokkur ár og maður
hefur fengið að kynnast honum
nokkuð vel. Hann er frábær þjálf-
ari sem á eftir að nýtast mér
persónulega vel.“
Stefnir út í atvinnumennsku
„Það er markmiðið hjá flestum
knattspyrnumönnum að fara út
í atvinnumennsku og það hefur
alltaf verið mitt markmið. Ég er
aftur á móti nokkuð rólegur í þeim
málum og hugsa fyrst og fremst
um það að standa mig með Fram,
það er númer eitt, tvö og þrjú og
þá kannski opnast einhverjar dyr
fyrir mér.“ - sáp
Ég fékk blóð á tennurnar
Hólmbert Aron Friðjónsson er leikmaður 7. umferðar Pepsi-deildar karla.
SJÓÐHEITUR Hólmbert Aron
hefur verið frábær fyrir Framara
að undanförnu og gerði þrennu í
síðasta leik.
FRÉTTABLAÐIÐ/VALLI
Í HÖRKUFORMI Leiknismenn veittu
KR-ingum keppni en þeir réðu ekki við
Óskar Örn Hauksson sem skoraði eitt
mark og lagði upp tvö. FRÉTTABLAÐIÐ/VALLI
SPORT
Atli
Sigurjónsson
Andri Rafn
Yeoman
Jordan
Halsman
Hólmbert Aron
Friðjónsson
Guðmann
Þórisson
Ólafur Karl
Finsen
Rúnar Már
Sigurjónsson
Ögmundur
Kristinsson
Óskar Örn
Hauksson
Ólafur Páll
Snorrason
Sverrir Ingi
Ingason
LIÐ UMFERÐARINNAR
FÓTBOLTI Rúnar Kristinsson,
þjálfari KR, heldur í vikunni utan
til Tyrklands til að fylgjast með
leikjum á HM U-20 liða í Tyrk-
landi. Það er þáttur í námi hans en
Rúnar er nú að sækja sér svokall-
aða UEFA Pro Licence-þjálfara-
gráðu hjá enska knattspyrnusam-
bandinu. Með honum í náminu
eru ekki ómerkari menn en Ryan
Giggs, Gary Neville, Paul Ince
og Stéphane Henchoze. Tveir
fyrstnefndu eru goðsagnir hjá
Manchester United, sá síðast-
nefndi lék með Liverpool og Ince
með báðum félögum.
„Við erum um tuttugu sem erum
á þessu námskeiði og það tekur um
eitt og hálft ár að klára það. Ég og
Henchoz erum þeir einu sem erum
ekki Bretar. Við byrjuðum í janúar
og verðum því fram á næsta vor,“
sagði Rúnar sem ber þeim köppum
góða sögu. „Það er heilmikil sam-
vinna á milli nemenda, bæði í
hópa- og paravinnu, eins og gengur
og gerist á svona námskeiðum.
Í Tyrklandi verður okkur skipt í
fjóra hópa og munum við alls sjá
sex leiki þar sem við munum bæði
greina leikina og liðin sjálf,“ sagði
Rúnar.
Hefur víkkað sjóndeildarhringinn
„Þótt sumir þeirra séu frægari en
margir aðrir eru þetta bara venju-
legir gaurar, eins og ég og þú. Það
er mjög gaman að spjalla við alla
þessa menn enda hafa þeir frá
mörgu skemmtilegu að segja. Það
eru alls kyns sjónarmið sem koma
fram og það hefur opnað huga
manns og víkkað sjóndeildarhring-
inn. Þetta er mjög krefjandi nám
en mjög gefandi.“
Meðal annarra samnemenda
Rúnars má nefna Mike Marsh,
þjálfara hjá Liverpool og fyrr-
verandi leikmann liðsins, sem og
nokkra knattspyrnustjóra úr neðri
deildunum í Englandi.
Alls fer Rúnar um 7-8 sinnum
utan vegna námsins auk þess sem
símafundir eru haldnir reglulega.
En þrátt fyrir að hafa kynnst
mönnum eins og Neville og Giggs
vel vill Rúnar sem minnst segja
um möguleika þeirra um að ná
frama í þjálfarastarfinu.
„Neville hefur verið að leik-
greina fyrir Sky-sjónvarpsstöð-
ina og hlotið mikið lof fyrir það,
enda þekkir hann leikinn mjög vel.
Giggs gerir það vitanlega líka en
virðist aðeins hlédrægari. En það
er erfitt að ætla að spá því hver
verður góður þjálfari. Það kemur
bara í ljós,“ segir Rúnar.
Námið hefur nýst vel
„Það hefur auðvitað verið mikil
umræða um hvort Giggs muni
ganga inn í þjálfarateymi United
þegar hann ákveður að hætta að
spila og aldrei að vita nema hann
geri það. Þeir virðast í það minnsta
báðir stefna á feril í þjálfun.“
Rúnar segir að námið hafi
þegar nýst sér vel í sínu starfi sem
þjálfari KR enda er liðið enn tap-
laust á toppi Pepsi-deildar karla.
„Til þess að ná langt í þjálfun
verður maður að viða að sér eins
mikilli þekkingu og hægt er. Þetta
er liður í því ferli.“
Þess má geta að Rúnar mun
missa af leik KR gegn Víkingi
Ólafsvík á sunnudagskvöldið
vegna ferðarinnar til Tyrklands.
eirikur@frettabladid.is
Í námi með Giggs og Neville
Rúnar Kristinsson, þjálfari KR, sækir sér nú þjálfaramenntun hjá enska knattspyrnusambandinu en meðal
samnemenda hans eru þekkt nöfn úr enska boltanum. „Bara venjulegir gaurar,“ segir Rúnar um þá.
SKÓLABRÆÐUR Ryan Giggs og Gary Neville léku saman hjá Manchester United í vel á annan áratug. Rúnar hefur náð góðum
árangri með KR og trónir nú á toppi Pepsi-deildar karla. NORDICPHOTOS/GETTY
Fjarnám ÍSÍ í þjálfaramenntun!
sjá einnig á www.isi.is
1. stig alm. hluta hefst 24. júní nk. og 2. stig 8. júlí.
Námið gildir jafnt fyrir allar íþróttagreinar!
Skráning á namskeid@isi.is eða í síma 514-4000.
Nánari uppl. í síma 460-1467 og á vidar@isi.is
FÓTBOLTI Þjálfarinn Þorvaldur Örlygsson var ekki lengi atvinnulaus því hann
skrifaði í gær undir samning við ÍA. Þorvaldur tekur við
þjálfarastarfinu af Þórði Þórðarsyni sem hætti á mánudag.
Þorvaldur hætti að þjálfa lið Fram fyrir skömmu síðan
og hann er því að þjálfa sitt annað lið í deildinni í sumar.
Samningur Þorvalds er frekar óhefðbundinn. Enginn
tímarammi er á samningnum heldur er hann ein-
faldlega ráðinn í vinnu eins og gengur og gerist á
atvinnumarkaðnum. Þriggja mánaða uppsagnar-
frestur er á samningnum.
Ingi Fannar Eiríksson, formaður knattspyrnu-
deildar ÍA, segir að félagið hafi eingöngu rætt
við Þorvald um starfið og eftir það samtal hafi
Skagamenn verið sannfærðir um að Þorvaldur
væri rétti maðurinn í starfið.
- hbg
Skagamenn veðja á Þorvald