Fréttablaðið - 20.06.2013, Blaðsíða 8

20. júní 2013 FIMMTUDAGUR| FRÉTTIR |
Ef menn
falla frá þessu
eins árs
frumvarpi þá
verður
ófram-
kvæmanlegt
að leggja á veiðigjöld á
næsta ári. Ég efast um að
það sé tilgangur þeirra sem
standa fyrir undirskrifta-
söfnuninni.
Sigurður Ingi Jóhannsson sjávarútvegs-
ráðherra, í fréttum Stöðvar 2
Rúmlega 23 þúsund manns höfðu
skrifað undir yfirlýsingu í gær-
kvöld til að mótmæla áformum
ríkisstjórnarinnar um lækkun
veiðigjaldsins. Söfnunin fór af
stað fyrir tveimur dögum, þann 17.
júní síðastliðinn, og er því óhætt
að segja að hún hafi fengið góðan
hljómgrunn meðal þjóðarinnar.
Farið er fram á að Alþingi sam-
þykki ekki frumvarp ríkisstjórnar-
innar um breytingar á lögum um
veiðigjöld. Verði Alþingi ekki
við því er forseti Íslands, Ólafur
Ragnar Grímsson, hvattur til að
vísa lögunum í þjóðaratkvæði.
Ólafur sagði í viðtali á Sprengi-
sandi á Bylgjunni í fyrra að fá mál
væru betur til þess fallin til að
setja í þjóðaratkvæðagreiðslu en
kvótamál. Þau svör fengust þó frá
forsetaembættinu í gær að hann
fjalli ekki um mál á opinberum
vettvangi sem séu til meðferðar á
Alþingi.
Gunnar Helgi Kristinsson,
prófessor í stjórnmálafræði við
Háskóla Íslands, segir málið
snúast um algjört geðþóttavald
forsetans.
„Hann þarf ekki einu sinni að
rökstyðja það sem hann gerir í
hvert og eitt skipti. Hann getur
sett sér nýja reglu í hvert skipti
sem hann fær í hendurnar undir-
skriftir eins og þessar,“ segir
Gunnar Helgi. Hann bætir við að
forsetinn sé í nokkrum vanda ef
mikill fjöldi undirskrifta safnast
vegna veiðigjaldsins.
„Það er erfitt að sjá hvernig
hann gæti vikist undan því kalli,
sérstaklega í ljósi fyrri ummæla í
málinu.“ Gunnar Helgi telur þessa
skipan mála þrýsta á að settar séu
reglur um þjóðaratkvæðagreiðslur
og hvernig almenningur getur náð
þeim fram. „Ef við viljum nota
þjóðaratkvæðagreiðslur í auknum
mæli væri eðlilegra að finna skýra
umgjörð til að þetta hvíli ekki allt
á geðþóttavilja eins manns.“
Sigurður Ingi Jóhannsson
sjávar útvegsráðherra sagði í frétt-
um Stöðvar 2 í gær að ef til þjóðar-
atkvæðagreiðslu kæmi yrðu menn
að vita hverju þeir væru að hafna
og hvað þeir væru að biðja um.
50.000
40.000
30.000
20.000
10.000
0 E
ES
-s
am
ni
ng
ur
in
n
19
92
Fj
öl
m
ið
la
r
20
04
Ic
es
av
e
20
09
-2
01
0
O
rk
ua
uð
lin
di
r
20
10
-2
01
1
Ve
ið
ig
ja
ld
ið
20
13
ASKÝRING | 8
KRÖFUR UM ÞJÓÐARATKVÆÐAGREIÐSLUR
31.752
undirskrift ir
56.089
undirskrift ir
47.004
undirskrift ir
Sunna
Valgerðardóttir
sunna@frettabladid.is
Svavar
Hávarðsson
svavar@frettabladid.is
50.000 NÖFN Jóhanna Sigurðardóttir, þáverandi forsætisráðherra, tók á móti Björk
Guðmundsdóttur þann 17. janúar 2011 þegar söngkonan afhenti undirskriftir fjölda
Íslendinga sem vildu hnekkja sölu á HS Orku og blása til þjóðaratkvæðagreiðslu um
framtíð orkuauðlinda þjóðarinnar. FRÉTTABLAÐIÐ/GVA
Veiðigjöld eru lögð á til að mæta kostnaði ríkisins við rannsóknir, stjórn,
eftirlit og umsjón með fiskveiðum og fiskvinnslu til að tryggja þjóðinni í
heild hlutdeild í þeim arði sem nýting sjávarauðlinda skapar.
Veiðigjöld eru lögð á aflamark, aðrar úthlutaðar aflaheimildir eða
landaðan afla.
Fiskistofa leggur bæði á almennt og sérstakt veiðigjald og er eigandi
skips við álagningu veiðigjalda ábyrgur fyrir greiðslu þeirra. Fiskistofa
annast einnig innheimtu veiðigjalda.
Úr lögum og reglugerð um veiðigjöld
➜ Hvað eru veiðigjöld?
HOLLT OG
FLJÓTLEGT
Á GRILLIÐ
Prófaðu að grilla sojapylsurnar og
grænmetisborgarana frá Hälsans Kök
í sumar og láttu bragðið koma þér
á óvart. Holl og bragðgóð
tilbreyting.
34.378
undirskrift ir
FJ
Á
R
LÖ
G Verði frumvarp ríkisstjórnarinnar að lögum má
gera ráð fyrir því að tekjur ríkissjóðs fyrir afla-
heimildir verði um fjórum milljörðum lægri á
árinu 2013 en gert var ráð fyrir í fjárlögum. 10

m
ill
ja
rð
ar
14

m
ill
ja
rð
arÍ lögum fyrrverandi ríkisstjórnar frá síðasta ári var gert ráð fyrir að heildartekjur af
veiðigjöldunum á næsta fiskveiðiári, sem hefst 1. september, yrðu tæpir 14 milljarðar,
en breytingarnar í frumvarpinu lækka þá tölu umtalsvert, eða niður í tæpa 10 milljarða.
0
23.500 +
undirskrift ir
EES-SAMNINGUR
Mikill fjöldi landsmanna
skoraði árið 1992 á Alþingi að
efna til þjóðaratkvæðagreiðslu
um samninginn um Evrópska
efnahags svæðið (EES).
Alls skrifuðu 34.378 undir kröfur
um þjóðaratkvæðagreiðslu, tæp-
lega nítján prósent atkvæðabærra
manna. Að undirskriftasöfnuninni
stóðu auk annarra ASÍ og BSRB,
þó að forystumenn þeirra tækju
opinberlega ekki afstöðu til þess
hvort þjóðin ætti að samþykkja
eða hafna inngöngu Íslands í EES.
Tillaga um að setja málið í þjóðar-
atkvæðagreiðslu var felld á Alþingi
með 31 atkvæði gegn 28.
FJÖLMIÐLAR
Mikil fjöldi skrifaði nafn sitt á
undirskriftalista þar sem fjölmiðla-
frumvarpi ríkisstjórnar Davíðs
Oddssonar var mótmælt og skoraði
á forseta Íslands að staðfesta lögin
ekki, hlytu þau náð fyrir augum
þingmanna.
Alls söfnuðust 31.752 undir-
skriftir, sem voru um fimmtán
prósent kosningabærra manna. Í
kjölfar undirskriftasöfnunarinnar
synjaði Ólafur Ragnar Grímsson,
forseti Íslands, lögunum stað-
festingar. Ríkisstjórnin dró lögin þá
til baka svo ekki þyrfti að fara fram
þjóðaratkvæðagreiðsla um þau.
ICESAVE
Metfjöldi skoraði á forseta Íslands
að hafna því að staðfesta lög frá
Alþingi um ríkisábyrgð á Icesave-
skuldum Landsbankans í Bretlandi
og Hollandi.
Alls skrifuðu 56.089 undir áskorun
til forsetans. Af þeim fjölda voru
ríflega 52 þúsund átján ára og
eldri, sem voru um 23 prósent
kosningabærra manna.
Árangurinn lét ekki á sér standa og
synjaði Ólafur Ragnar Grímsson,
forseti Íslands, lögunum staðfest-
ingar. Haldin var þjóðaratkvæða-
greiðsla um lögin og þeim hafnað
af 93,2 prósentum þeirra sem
atkvæði greiddu, en aðeins 1,8
prósent vildu staðfesta lögin.
ORKUAUÐLINDIR
Alls skrifuðu 47.004 undir áskorun
til stjórnvalda þar sem þess var
krafist að stjórnvöld kæmu í veg
fyrir söluna á HS Orku til Magma
Energy. Jafnframt var skorað á
Alþingi að láta fara fram þjóðar-
atkvæðagreiðslu um eignarhald á
auðlindum Íslands og nýtingu á
þeim.
VEIÐIGJALDIÐ
Söfnunin hófst 17. júní en
áskorunin hljóðar svo: Við undir-
rituð hvetjum Alþingi til að sam-
þykkja ekki frumvarp ríkisstjórnar-
innar um breytingar á lögum 74 frá
26. júní 2012 þar sem skilgreind eru
þau gjöld sem útgerðinni ber að
greiða fyrir afnot af sameiginlegri
fiskveiðiauðlind okkar. Verði Alþingi
ekki við þeirri ósk verður þessi
undirskriftalisti afhentur hr. Ólafi
Ragnari Grímssyni forseta Íslands
og hann hvattur til að undirrita ekki
lög sem taka til breytinga á lögum
74 frá 26. júní 2012 heldur vísa
þeirri ákvörðun í þjóðaratkvæði til
eigenda fiskveiðiauðlindarinnar,
íslensku þjóðarinnar.
23.500 á tveim dögum
Tugir þúsunda hafa skrifað undir til að mótmæla frumvarpi um veiðigjald.
Ráðherra ætlar ekki að hvika. Gæti orðið flókið fyrir forsetann, segir prófessor.