Fréttablaðið - 20.06.2013, Blaðsíða 56
20. júní 2013 FIMMTUDAGUR| SPORT | 44
KÖRFUBOLTI Landsliðsmaðurinn Jón Arnór
Stefánsson er einn fremsti körfuboltamaður
þjóðarinnar frá upphafi en þessi þrítugi
kappi er hvergi nærri hættur. Hann er nú
heima í sumarfríi eftir frábært tímabil með
CAI Zaragoza í spænsku úrvalsdeildinni.
Hann segir í samtali við Fréttablaðið að
það sé ekkert annað í spilunum en að fara
aftur til Zaragoza og klára samninginn sinn
þar. Hann mun spila með landsliðinu seinni
parts sumars og halda svo út til Spánar.
„Þangað til ætla ég að hafa það gott í
íslenska „sumrinu“ – við eignuðumst dóttur
á dögunum og erum því hvort eð er oftast
innandyra,“ segir hann í léttum dúr.
Ekki auðvelt að berjast við risana
Zaragoza náði frábærum árangi síðastliðið
tímabil og komst í undanúrslit úrslita-
keppninnar, eftir að hafa slegið út Valencia
– gamla liðið hans Jóns Arnórs. Hann segir
þetta samt ekki hafa verið hans besta tíma-
bil á ferlinum.
„Ég sinnti því hlutverki sem ég hafði mjög
vel og var ánægður með það. Liðinu gekk
svo mjög vel og þó maður hafi ekki komið
heim hlaðinn verðlaunum var þetta ævintýri
líkast hjá okkur. Við erum með mun minni
fjárhag en stærstu liðin í deildinni en náðum
samt að vinna mörg þeirra og standa í þeim
allra stærstu,“ sagði hann en Zaragoza
komst einnig í undanúrslit bikarsins. Félagið
tekur svo þátt í Evrópukeppni á næstu leik-
tíð og segist Jón Arnór hlakka til þess.
„Við getum því verið mjög stoltir af
þessum árangri því það er ekki auðvelt að
berjast við þessa risa. Það er svo heldur ekki
líklegt að þetta verður endurtekið hjá þessu
félagi – ekki nema fjárhagurinn verði endur-
skoðaður verulega.“
Jón Arnór hefur verið lykilmaður í bæði
vörn og sókn hjá Zaragoza þó það endur-
speglist ekki alltaf í tölfræðinni.
„Ég eyði mikilli orku í vörninni og er
svo hálfgert lím í sóknarleiknum. Það fer
mikið spil í gegnum mig þó svo að ég sé
ekki maðurinn sem skorar mikið eða gefur
stoðsendingar. Það þarf einhver að halda
ákveðnu jafnvægi í spilinu og ég er með
þannig leikskilning að ég geri liðinu gott á
þann máta. En það þýðir að tölfræðin hjá
mér er stundum ekki upp á marga fiska
en þeir sem þekkja mig best vita að ég hef
aldrei verið mikið fyrir tölfræðina.“
Hann segist hafa byrjað að gefa meiri
kraft í sóknarleikinn undir lok tímabilsins.
„Mér fannst það ganga ágætlega, þó svo að
varnarleikurinn hafi liðið fyrir það. Ég var
að reyna að finna betra jafnvægi á mínum
leik og fannst að mér hafi tekist ágætlega
upp, sérstaklega í lokin. Ég ætla að halda
því áfram,“ bætir hann við en Jón Arnór
segir lítinn vafa á því að spænska deildin sé
sú sterkasta í Evrópu í dag.
„Það eru góð lið í mörgum löndum en öll
átján liðin í spænsku deildinni eru sam-
keppnishæf. Í því felst stærsti munurinn,“
segir hann.
Til í að fara hvert sem er
Hann segist ekki hafa velt framtíðinni
mikið fyrir sér, þó svo að honum finnist
gott að hafa atvinnuöryggi á Spáni út næsta
tímabil.
„Ég hef aldrei verið mikið fyrir að setja
mér langtímamarkmið og frekar einbeitt
mér að núinu, sem er örugglega ágætis
kostur. Það eina sem ég hef hugsað um er
að verða sóknarsinnaðri á næsta tímabili
og ná mér svo í einhvern góðan samning –
prófa eitthvað nýtt,“ segir Jón Arnór sem
ætlar að leita á ný mið.
„Ég er alveg til í að fara hvert sem er
enda ævintýraþráin enn til staðar. Ég þarf
bara að sannfæra frúna,“ segir hann í
léttum dúr. „Ég hef nú þegar prófað ýmis-
legt, eins og Rússland og mafíuumhverfið í
Napólí. En það er bara gaman og ég er til í
allt,“ segir hann að lokum.
Ævintýraþráin
enn til staðar
Jón Arnór Stefánsson ætlar að klára næsta tímabil með CAI
Zaragoza á Spáni en heldur svo á ný mið. Hann er stoltur af
nýliðnu tímabili á Spáni en ætlar að vera sókndjarfari á því næsta.
FEÐGAR Jón Arnór verður á Íslandi í sumar en hér er hann með syni sínum,
Guðmundi Nóel, sem verður tveggja ára í næsta mánuði. FRÉTTABLAÐIÐ/ANTON
Jón Arnór Stefánsson var að sjálfsögðu í Laugardalshöllinni á sunnu-
dagskvöldið er bróðir hans, Ólafur, var kvaddur eftir frábæran feril
með íslenska handboltalandsliðinu. Viðtökurnar sem Ólafur fékk
voru magnaðar og Jón Arnór var vitanlega stoltur af sínum manni.
„Ég fékk gæsahúð,“ segir hann. „Ég er þakklátur fyrir að hafa
verið á staðnum og við í fjölskyldunni erum auðvitað alveg
gríðarlega stolt af honum. Hann er magnaður íþróttamaður en
líka góður strákur, eins og flestir vita.“
Ólafur sagðist eftir leik ekki ætla að spila með Val í N1-deild
karla á næsta tímabili, en hann verður þá þjálfari liðsins. „Það
sást vel í leiknum gegn Rúmeníu að keppnisskapið og löngunin
er enn til staðar. Það er örugglega erfitt fyrir hann að hætta og ég
væri ekki hissa ef hann myndi rífa fram táskóna og spila með Val.“
Fjölskyldan gríðarlega stolt af Óla
Eiríkur Stefán
Ásgeirsson
eirikur@frettabladid.is