Fréttablaðið - 29.08.2013, Qupperneq 46
29. ágúst 2013 FIMMTUDAGUR| MENNING | 38
TÓNNINN
GEFINN
Haukur Viðar Alfreðsson
Fjórða plata skosku hljómsveitar-
innar Franz Ferdinand er komin
út á vegum Domino Records.
Hún heitir Right Thoughts, Right
Words, Right Action og er sú
fyrsta frá sveitinni í fjögur ár,
eða síðan Tonight: Franz Ferdin-
and kom út með smáskífulaginu
vinsæla Ulysses.
Hljómsveitin stjórnaði upptök-
unum alfarið sjálf í fyrsta sinn
og fóru þær fram í í hljóðverum
söngvarans Alex Kapranos í Skot-
landi og gítarleikarans Nicks
McCarthy í London.
Níu ár eru liðin síðan diskó-
rokkararnir slógu í gegn með
samnefndri fyrstu plötu sinni og
lögunum Take Me Out, This Fire
og The Dark of the Matinée. Hún
hefur selst í 3,6 milljónum eintaka
og tryggði hljómsveitinni hin virtu
Mercury-verðlaun árið 2004.
Næsta plata á eftir, You Could
Have It So Much Better, náði enn
meiri vinsældum, komst á topp-
inn í Bretland og í áttunda sætið í
Bandaríkjunum.
Sú þriðja, Tonight, varð ekki
jafnvinsæl. Hún hlaut nokkuð góða
dóma, þrjár stjörnur víðast hvar,
en einhver þreyta virtist vera
komin í mannskapinn. Kapranos
hefur einnig látið hafa það eftir
sér að honum hafi liðið bölvan-
lega meðan á upptökunum stóð, án
þess að útskýra það eitthvað frek-
ar. Líkast til var það vegna þess að
slitnað hafði upp úr sambandi hans
og Eleanor Friedberger úr hljóm-
sveitinni The Fiery Furnaces.
Franz Ferdinand virðist hafa
nýtt fjögurra ára hvíldina frá
Tonight vel. Fyrstu smáskífu lögin,
Right Action og Love Illumin ation,
eru bæði létt og grípandi þar sem
spilagleðin virðist vera í fyrir-
rúmi. Dómarnir sem platan er að
fá eru einnig mjög jákvæðir og
sumir segja hana þá bestu síðan
frumburðurinn leit dagsins ljós.
Bresku tónlistartímaritin Q
og Mojo gefa henni bæði fjórar
stjörnur af fimm mögulegum.
Dagblaðið The Guardian gefur
henni einnig fjórar stjörnur rétt
eins og The Times. Bandaríska
vefsíðan Pitchfork er reyndar ekki
eins jákvæð og gefur henni aðeins
5,4 af 10 mögulegum.
freyr@frettabladid.is
Lausir við þreytuna
Skotarnir í Franz Ferdinand hafa lokið við sína fj órðu plötu. Níu ár eru liðin
síðan diskórokkararnir slógu í gegn með samnefndum frumburði sínum.
ALEX KAPRANOS Söngvari Franz Ferdinand á tónleikum í Frakklandi síðastliðið föstudagskvöld. NORDICPHOTOS/GETTY
Hljómsveitin Franz Ferdinand er Íslendingum að góðu kunn því hún hefur
tvívegis spilað hér á landi, fyrst í Kaplakrika árið 2005 og síðan á Nasa
tveimur árum síðar.
Tvisvar spilað á Íslandi
King Krule - Beneath the Moon
SúEllen - Fram til fortíðar
Ásgeir Óskarsson - Fljúgðu með mér
Í spilaranum
Fjórir dagar eru nú liðnir frá umdeildu atriði Miley Cyrus á VMA-hátíð
MTV-sjónvarpsstöðvarinnar og andköfin heyrast enn. Sumir hneyksluðust
en aðrir fundu kjánahrollinn hríslast um sig. Nú ætla ég ekki að gera lítið
úr klámvæðingu popptónlistar almennt en þetta atriði fannst mér heldur
aumt. Mér dettur að sjálfsögðu í hug hið víðfræga „Nipplegate“-mál frá
2004, þegar Justin Timberlake
afhjúpaði annað brjóst söng-
konunnar Janet Jackson í
hálfleik Super Bowl-leiksins.
Húsmæður signdu sig og í
nokkra sólarhringa hætti fólki
að vera skítsama um Janet
Jackson. Þetta augljósa og lítið
ögrandi auglýsingatrix gerði
samt lítið fyrir feril Jackson
til lengri tíma litið. Til þess
er hún, með fullri virðingu, of
ómerkilegur listamaður.
Kannski er ég bara svona
þrælskemmdur eftir tíunda
áratuginn. Áratuginn þegar
meginstraumstónlistarmaður-
inn Marilyn Manson lék sér
með táknmyndir nasista og
kallaði sig „The God of Fuck“.
Þegar hljómsveitin Metallica
söng í beinni útsendingu á
MTV-hátíðinni um að drepa
börn og hafa mök við geitur.
Þegar Madonna hafði sam-
farir í tónlistarmyndböndum
sínum og rapparar sungu nær
eingöngu um að skjóta löggur,
neyta eiturlyfja og neyða
konur til kynferðisathafna.
Þessu hlógu reyndar norsku svartþunga rokkararnir að, enda brenndu þeir
kirkjur og drápu hver annan.
Það er því kannski ekkert skrýtið að ég hafi ekki kippt mér upp við
sýndarsamfarir Miley Cyrus. Fyrir mér voru þær nákvæmlega jafn ögrandi
og slagarinn sem gerði pabba hennar frægan.
Bitlaust bossaskak
Skýringar Stendur í stað síðan í síðustu viku Fellur um sæti síðan í síðustu viku Hækkar á lista síðan í síðustu viku Nýtt á lista
Listarnir eru teknir saman fyrir Félag hljómplötuframleiðenda. Listarnir eru birtir í heild sinni á Vísir.is.
Þátttakendur í Lagalistanum Bylgjan, FM957, Xið 977, Rás 2, K100,5, tonlist.is. Verslanir í Tónlistanum Skífan, Hagkaup, Penninn/
Eymundsson, 12 tónar, Harpa, Smekkleysa plötubúð, Elko, tonlist.is.
LAGALISTINN TÓNLISTINN
22.8.2013 ➜ 28.8.2013
1 Avicii / Aloe Blacc Wake Me Up
2 Olly Murs Dear Darlin‘
3 Naughty Boy / Sam Smith La La La
4 Dr. Gunni og Friðrik Dór Glaðasti hundur í heimi
5 Dikta Talking
6 Pink / Lily Allen True Love
7 Áhöfnin á Húna Sumardagur
8 Bruno Mars Treasure
9 Hjaltalín Halo
10 Lana Del Ray Summertime Sadness
1 Ýmsir This Is Icelandic Indie Music
2 Ásgeir Trausti Dýrð í dauðaþögn
3 Samaris Samaris
4 Sigur Rós Kveikur
5 Of Monsters and Men My Head Is an Animal
6 Ýmsir Inspired by Harpa
7 Ýmsir Acoustic Iceland
8 Retro Stefson Retro Stefson
9 Hjaltalín Enter 4
10 Ýmsir Tíminn flýgur áfram
Save the Children á Íslandi
Karlakórinn Fóstbræður vill bæta við sig söngmönnum í allar raddir
fyrir næsta starfsár, 2013–2014, sem hefst um miðjan september nk.
Þú þarft að hafa góða söngrödd, tónheyrn og vera yngri en 45 ára.
Nánari upplýsingar veitir Ragnar Árni Sigurðarson í síma 8619944,
ragnar.sigurdarson@simnet.is. Raddpróf fara fram næstu daga.
Stjórnandi Fóstbræðra er Árni Harðarson.
KARLAKÓRINN
FÓSTBRÆÐUR
Viltu syngja í karlakór?