Fréttablaðið - 10.10.2013, Qupperneq 43

FIMMTUDAGUR 10. OKTÓBER 2013 3Geðhjálp ●
Meðal söluvara eru ljós úr Epal, skrif-
stofuhúsgögn úr GKS frá 1998, ísskápur,
þvottavél og þurrkari. Einnig ógrynni
geisladiska og bóka auk matarstells og
ýmissa eldhúsáhalda. Þá má einnig fjár-
festa í forláta snókerborði.
Geðhjálp stendur fyrir „Opnu
húsi“ í tilefni af Alþjóða
geðheilbrigðisdeginum og
geðheilbrigðisvikunni að
Túngötu 7 milli kl. 14 og 17
næstkomandi laugardag.
Boðið verður upp á fjölbreytta
tónlist, veitingar og sölu á
munum úr húsinu, eða eins
konar „bílskúrssölu“.
Geðhjálp seldi nýverið húsið við Túngötu til að létta skuldum af félaginu og efla
starfsemi þess. Í framhaldi af því
hafa starfsmenn, stjórn, samráðs-
aðilar og félagar í Geðhjálp tekið
höndum saman um að fara í gegn-
um hluti í húsinu í því skyni að
undirbúa flutningana.
Ásdís Elva Guðmundsdóttir
segir að vinnan hafi gengið vel.
„Við höfum fengið eldri starfs-
menn og félaga til að kíkja til
okkar og hjálpa til við flokkunina.
Nú erum við búin að komast að því
hvað við flytjum með okkur þegar
nýja húsnæðið finnst og hverju
við þurfum ekki á að halda. Hluti
af því verður seldur á „Opna hús-
inu“ á laugardaginn,“ segir hún
og nefnir ljós, skrifstofuhúsgögn,
leirtau og gardínur. Þá verða seld-
ir geisladiskar og kiljur á vægu
verði.
Ásdís Elva segir að einnig verði
boðið upp á fjölbreytta dagskrá á
„Opna húsinu“. „Þrjár dætur Ell-
enar Kristjánsdóttur og Eyþórs
Gunnarssonar ætla að flytja nokk-
ur lög. Sextán ára gamall tenór
ætlar að syngja Draumalandið og Í
fjarlægð. Hugsanlega verða fluttar
rímur og áfram mætti telja,“ segir
hún. „Svo verður boðið upp á hóf-
legar veitingar að ógleymdri kynn-
ingu á starfsemi félagsins.“
Geðhjálp hvetur almenning til
að nota tækifærið til að kíkja við á
Túngötunni á laugardaginn.
Opið hús og bílskúrssala á Túngötu
Ráðskonan Ingibjörg
Gunnlaugsdóttir kveður nú
Geðhjálp eftir fimmtán ára
starf. Hún segir vissa geðhjálp
felast í góðum mömmumat.
Það gleður sálina að finna angan af ljúfum bakstri í húsinu og eykur ró að
hlusta á pottaskark og umstang í
eldhúsinu,“ segir Ingibjörg sem
mætti fyrst til vinnu hjá Geðhjálp
í Hafnarbúðum haustið 1998. Hún
segist kveðja vinnustaðinn með
miklum söknuði.
„Ég á eftir að sakna fólksins
míns mest. Mér hefur alltaf þótt
gestirnir vera eins og börnin mín
og ætli ég hafi ekki verið eins og
mamma margra þeirra. Þeir leit-
uðu iðulega til mín fyrst þegar
eitthvað vantaði eða bjátaði á, rétt
eins og börn gera við mæður sínar.
Ég var því sannkölluð húsmóðir á
heimilinu og oftar en ekki kynnt
sem hjartað í húsinu,“ segir Ingi-
björg og brosir að minningunni.
Ingibjörg fékk ung áhuga á mat-
seld. Hún var ekki nema átján ára
þegar hún tók að sér að elda fyrir
heila skipshöfn þegar togarinn
Pétur Þorsteinsson bilaði vestur á
Bíldudal og seinna lá leiðin í Hús-
mæðraskólann á Laugavatni.
„Í eldhúsi Geðhjálpar reyndi ég
alltaf að elda gamaldags mömmu-
mat. Kryddlegið lamb var í miklu
uppáhaldi og blandaður, kaldur
Royal-súkkulaði- og karamellu-
búðingur í eftirrétt. Ég sauð
líka gjarnan heita rabarbara-,
sveskju- og ávaxtagrauta og bak-
aði afmælis tertu þegar einhver
okkar skjólstæðinga átti afmæli,“
segir Ingibjörg um gjörninga sína
fyrir matargesti sem oftast voru
um tuttugu talsins. Flestir voru
einstæðingar úr hópi geðfatlaðra
eða heimilislausra utan af götunni,
á aldrinum fjörutíu ára og upp úr.
Ingibjörgu þótti gott að vera til
staðar fyrir gesti sína og undrast
hvers vegna hún byrjaði ekki löngu
fyrr að vinna fyrir Geðhjálp.
„Hér ríkti ætíð heimilislegt
andrúmsloft og á tímabili var ég
hér með hundinn minn sem gest-
um þótti afskaplega ljúft. Í tæpt
ár var ég einnig með ársgamalt
barnabarn mitt og það þótti þeim
yndislegt. Börn hafa enda enga
fordóma og taka öllu fólki eins,“
segir Ingibjörg og tiltekur dæmi
þegar litla manneskjan sat við eld-
húsborðið að lita.
„Þá settist hjá barninu heim-
ilislaus maður og fór að lita með
því. Þegar hann sýndi barninu
svo afraksturinn veifaði barn-
ið og klappaði og maðurinn stóð
eftir með teikninguna og táraðist.
Maður varð því vitni að ótal fal-
legum augnablikum í starfi ráðs-
konunnar en einnig tregafullum.
Þeir sem búa á götunni gerðu sér
alltaf far um að tala við barnið
og gættu þess þá að af þeim væri
aldrei vínlykt,“ segir Ingibjörg.
Þegar Ingibjörg lítur um öxl er
henni fólkið efst í huga.
„Vinskapurinn við fólkið mitt
og notalegheitin standa upp úr.
Það einkenndi það einskær hjarta-
hlýja, hjálpsemi, trúnaður og góð-
mennska.“
Var húsmóðirin og hjartað í húsinu
Ingibjörg Gunnlaugsdóttir var ráðskona hjá Geðhjálp í fimmtán ár. Hún sá einnig um föndur um tveggja ára skeið. MYND/PJETUR
Fiskbollur Ingibjargar
1,6 kg fiskur eða fisk-
hakk
250 g hveiti
250 g kartöflumjöl
1 1/2 tsk. lyftiduft
3 egg
3 laukar
1 msk. salt
1 tsk. pipar
1 1/2 dl mjólk
Öllu hrært saman með
sleif og bætt við mjólk eða
eggi ef bleyta þarf. Mótið
bollur með skeið og steik-
ið í smjöri á pönnu þar til
brúnaðar á báðum hlið-
um. Bollurnar eru síðan
fulleldaðar í ofni og born-
ar fram með kartöflum,
salati og remúlaði.
Ásdís Elva við forláta píanó sem verður selt ef gott tilboð berst.