Fréttablaðið - 24.10.2013, Side 61

FIMMTUDAGUR 24. október 2013 | MENNING | 49
Evróputónleikaferð bandaríska
tónlistarmannsins Marks Lane-
gan hófst í Vínarborg í Austurríki
um síðustu helgi. Ferðin endar hér
á landi með tvennum tónleikum í
Fríkirkjunni 30. nóvember og 1.
desember.
Auk Lanegans mun hinn breski
Duke Garwood, sem sendi frá
sér plötuna Black Pudding fyrr
á árinu, koma fram. Einnig mun
belgíski tónlistarmaðurinn Lyenn
leika listir sínar.
Von er á fleiri gestum í Frí-
kirkjuna, eða Hollendingunum
Sietse Van Gorkom sem leikur
á fiðlu og Jonas Pap sem leikur
á yfir þrjú hundruð ára gamalt
selló.
Þrátt fyrir ungan aldur hafa
þeir báðir verið iðnir við að spila
sígilda tónlist og popp- og rokk-
tónlist í Evrópu um árabil. Banda-
ríski gítarleikarinn Jeff Fielder
frá Seattle stígur einnig á svið.
Miðar á fyrri tónleikana eru
uppseldir en enn eru til miðar
á aukatónleikana 1. desember.
Miðasala fer fram á midi.is.
300 ára gamalt selló
Eldgamalt selló fylgir Mark Lanegan til Íslands.
MARK LANEGAN Tónlistarmaðurinn
Mark Lanegan er á leið til Íslands.
NORDICPHOTOS/GETTY
Tina Fey og Amy Poehler fá sam-
kvæmt heimildum slúðurmiðla
vestanhafs veglega greitt fyrir að
kynna Golden Globe-verðlauna-
hátíðina á næsta ári.
Fyrr í vikunni greindi Radar-
Online.com frá því að Fey og
Poeh ler myndu fá sínar tvær til
fimm milljónir dollara hvor fyrir
að kynna hátíðina. Það er meira
en nokkur Óskarsverðlauna-
kynnir hefur fengið að undan-
skildum Billy Crystal, sem fékk
litlar fimm milljónir dollara fyrir
að kynna Óskarinn.
Eftir að fréttir hófu að birtast
um launaseðil tvíeykisins sendu
stöllurnar frá sér yfirlýsingu sem
birtist í Vanity Fair þar sem þær
sögðu upphæðina í frétt Radar-
Online gróflega ýkta. Ekki fylgdi
sögunni nákvæmlega hversu
mikið þær fá greitt fyrir störf
sín. - ósk
Segja upp-
hæðir ýktar
TINA FEY OG AMY POEHLER Hafa
getið sér gott orð í Hollywood fyrir
líflega og fyndna framkomu.
AFP/NORDICPHOTOS
Fyrr í þessum mánuði hætti
hljómsveitin the Jonas Brothers
við tónleikaferð sína tveimur
dögum áður en hún átti að hefj-
ast. Í kjölfarið fór af stað orð-
rómur um að hljómsveitin væri
að hætta.
Talsmaður hljómsveitarinnar
staðfesti að sveitin hefði hætt
við tónleikaferðalagið og sagði
ástæðuna vera ósætti á milli
bræðranna, þeirra Nicks, Joes og
Kevins.
Orðrómurinn fékk svo byr
undir báða vængi þegar Twitter-
síðu Jonas Brothers var eytt í síð-
ustu viku. - ósk
Jonas Brothers
hættir?
ÓSÆTTI Þeir Nick, Joe og Kevin Jonas
hættu við tónleikaferðalag sitt vegna
ósættis í hljómsveitinni. AFP/NORDICPHOTOS
Leikstjórinn Peter Jackson, sem hefur leikstýrt myndum á
borð við Hringadróttinssögu, sagði í viðtali við The New Zea-
land Herald í vikunni að hann væri ekki með fleiri stórmyndir
í pípunum, eftir að síðasta Hobbitamyndin og tvær myndir um
Tinna, sem hann vinnur með Steven Spielberg, koma út.
Jackson vill frekar halda sig í föðurlandinu, Nýja-Sjálandi,
þar sem hann tók upp Hringadróttinssögu og Hobbita-myndirn-
ar, til þess að vinna að smærri verkefnum þar í landi.
Leikstjórinn sagði í viðtalinu að hann og maki hans, Fran
Walsh sem hefur skrifað og framleitt flest allar myndir Jack-
sons, eigi nokkrar nýsjálenskar sögur uppi í erminni sem þau
vilja vinna að í sameiningu.
Hann segir jafnframt í viðtalinu að hann vilji hverfa frá
Hollywood um tíma, og að hann sé með nokkrar frábærar hug-
myndir að smærri bíómyndum.
Þá þykir líklegt að Jackson snúi aftur til indí-kvikmynda-
gerðar sem upprunalega kom ferli hans af stað. Þar ber helst að
nefna kvikmyndina Heavenly Creatures sem kom út árið 1994.
Síðan Jackson leikstýrði fyrstu Lord of the Rings-kvikmynd-
inni árið 2001, hefur hann leikstýrt myndum á borð við King
Kong, The Lovely Bones, og District 9, sem var tilnefnd til Ósk-
arsverðlauna – allar hafa myndirnar átt mikilli velgengni að
fagna og skilað miklum hagnaði. - ósk
Vill út úr Hollywood um tíma
Leikstjórinn Peter Jackson vill vinna að smærri verkefnum á Nýja-Sjálandi.
UNNIÐ TIL FJÖLDA VERÐLAUNA Peter Jackson
hefur átt mikilli velgengni að fagna í Hollywood.
AFP/NORDICPHOTOS