Fréttablaðið - 14.11.2013, Blaðsíða 62

14. nóvember 2013 FIMMTUDAGUR| MENNING | 50
TÓNNINN
GEFINN
Kjartan Guðmundsson
Skýringar Stendur í stað síðan í síðustu viku Fellur um sæti síðan í síðustu viku Hækkar á lista síðan í síðustu viku Nýtt á lista
Listarnir eru teknir saman fyrir Félag hljómplötuframleiðenda. Listarnir eru birtir í heild sinni á Vísir.is.
Þátttakendur í Lagalistanum Bylgjan, FM957, Xið 977, Rás 2, K100,5, tonlist.is. Verslanir í Tónlistanum Skífan, Hagkaup, Penninn/
Eymundsson, 12 tónar, Harpa, Smekkleysa plötubúð, Elko, tonlist.is.
LAGALISTINN TÓNLISTINN
7.11.2013 ➜ 13.11.2013
1 Sálin hans Jóns míns Glamr
2 Baggalútur Mamma þarf að djamma
3 Helgi Björnsson Helgi syngur Hauk
4 Pálmi Gunnarsson Þorparinn
5 Ásgeir Trausti Dýrð í dauðaþögn
6 Emilíana Torrini Tookah
7 Úr söngleik Borgarleikh. Mary Poppins
8 Mammút Komdu til mín svarta systir
9 Drangar Drangar
10 Samaris Samaris
1 Steinar Up
2 Lorde Royals
3 Baggalútur og Jóhanna Guðrún Mamma þarf að djamma
4 One Republic Counting Stars
5 Drangar Bál
6 Miley Cyrus Wrecking Ball
7 Katy Perry Roar
8 Kaleo Glass House
9 Jón Jónsson Feel For You
10 John Newman Cheating
Í spilaranum
Sálin hans Jóns míns - Glamr
Bjössi Thor og Bítlarnir - Björn Thoroddsen plays the Beatles
Lay Low - Talking About The Weather
Þegar ég var táningur um miðjan tíunda áratuginn vaknaði ég óvenju
snemma einn vetrarmorguninn. Dagsetningin er greypt í huga mér, 27.
nóvember, vegna þess að þegar ég kveikti á útvarpinu baðst útvarpsmaðurinn
hálfpartinn afsökunar á laginu sem hann hugðist spila næst. „Uuuuuu, ætli
það sé ekki í lagi að skella einu jólalagi á fóninn? Þótt það séu enn nokkrir
dagar í desember? Jú … er það ekki bara? Jú, jú, tökum
forskot á jólin með Sniglabandinu,“ tafsaði sá árrisuli.
Ég man að mér þótti útvarpsmaðurinn kominn út á ansi
hálan ís með þessu uppátæki sínu en ákvað að fyrirgefa
honum, enda enn hálfgerður krakki og eins og allir vita
(eða ættu að vita) eru jólin bara fyrir börn og van-
þroskað fullorðið fólk.
Tímarnir breytast og mennirnir með og nú til dags þykir ekkert neyðarlegt
að spila jólalög í útvarpinu í nóvember. Þvert á móti gætu ljósvakans ljós-
víkingar átt á hættu að vera skammaðir og stimplaðir fýlupúkar ef þeir draga
lappirnar við að blasta þessum hrollvekjandi óbjóði í hlustir landa sinna á
öllum tímum sólarhrings, slík er firringin orðin, og sú staðreynd að hér virðist
vera tilverugrundvöllur fyrir heila útvarpsstöð sem spilar eingöngu jólalög í
næstum tvo mánuði segir sína sögu og miklu meira en það.
En nóg um það, hér er einn sígildur topp fimm-listi yfir verstu jólalögin
frá örófi alda. Listi þessi er vísindalega sannaður, endanlegur og óháður smá-
atriðum eins og persónulegum smekk. Ekki svifu eplin fyrir daga Newtons?:
1. U2 - Christmas (Baby Please Come Home)
2. Nat King Cole - The Christmas Song (Chestnuts Roasting...)
3. Bruce Springsteen - Santa Claus is Coming to Town
4. Á móti sól - Þegar jólin koma
5. Larry Chance - Jingle Bell Rock
Gleðileg jól!
Á móti jól
AUÐUR AVA
RÆÐIR VIÐ
RAGNAR JÓNASSON
Auður Ava Ólafsdóttir ræðir
við Ragnar Jónasson um
nýjustu glæpasögu hans,
Andköf, í kvöld kl. 20 í
Bókabúð Máls og menningar,
Laugavegi 18.
Allir velkomnir!
„Ég hlakka mikið til og við tökum
fullt af lögum sem fólk þekkir,“
segir enski tónlistarmaðurinn
Jon Anderson, sem er líklega best
þekktur sem fyrrverandi söngvari
hljómsveitarinnar Yes. Hann
kemur fram sem sérstakur gestur
á tónleikum Todmobile sem fram
fara í Eldborgarsalnum í Hörpu á
föstudagskvöldið. „Við Jon höfum
þekkst í nokkur ár. Hann var að
leita að útsetjara og ég sendi honum
verk eftir mig. Þá varð hann mjög
hrifinn af minni vinnu og síðan
þá höfum við haldið sambandi,“
segir Þorvaldur Bjarni Þorvalds-
son, tónlistarmaður og meðlimur
Todmobile.
„Ég heimsótti Jon til Los Angeles
árið 2011 og þá ræddum við mögu-
legt tónleikahald saman og nú er
afrakstur þeirrar umræðu að koma
í ljós á föstudagskvöldið,“ segir Þor-
valdur Bjarni.
Saman sömdu þeir lagið Wings
of Heaven sem verður flutt á tón-
leikunum.
„Á tónleikunum ætlum við að
flytja öll okkar þekktustu lög en
einnig ætlum við að spila talsvert af
lögum hljómsveitarinnar Yes eins
og Roundabout, Owner of a Lonely
Heart og Heart of the Sunrise, svo
fátt eitt sé nefnt,“ segir Þorvaldur
Bjarni.
„Þetta verða heljarinnar tón-
leikar og við flytjum fjölbreytt efni,
meðal annars flytjum við verkið
Awaken eftir Yes sem verður mjög
skemmtilegt,“ bætir Jon við, sem er
mjög ánægður með að vera kominn
til Íslands.
Todmobile er þessa dagana
á fullu við að vinna plötu sem
væntan leg er fljótlega á næsta ári.
„Við erum með nýtt lag í spilun og
það eru fleiri lög á leiðinni. Þetta er
einnig önnur platan sem Eyþór Ingi
tekur þátt í með okkur,“ bætir Þor-
valdur við.
Tónleikarnir, sem fram fara í
Eldborgarsalnum í Hörpu, hefjast
klukkan 22.00 sem er örlítið seinna
en gerist og gengur með tónleika.
„Við seinkuðum tónleikunum
aðeins út af landsleiknum.“
Jon Anderson segist styðja
íslenska landsliðið í knattspyrnu.
„Ég ætla að fylgjast með lands-
leiknum og mun mögulega kíkja á
völlinn. Áfram Ísland,“ segir Jon
Anderson.
gunnarleo@frettabladid.is
Todmobile ásamt Jon
Anderson í Eldborg
Ein vinsælasta hljómsveit landsins stígur á stokk ásamt sérstökum gesti í Hörpu.
GAMAN SAMAN
Eyþór Ingi, Jon
Anderson, Þorvaldur
Bjarni Þorvaldsson
og Andrea Gylfadóttir
eru hér á æfingu fyrir
tónleikana.
FRÉTTABLAÐIÐ/DANÍEL
VINSÆLL Jon Anderson hefur unnið með nöfnum á borð við Yes, King Crimson,
Toto, Vangelis og Dream Theater. FRÉTTABLAÐIÐ/DANÍEL