Fréttablaðið - 05.12.2013, Blaðsíða 48

5. desember 2013 FIMMTUDAGUR| MENNING | 48
„Partur af efnisskránni okkar
eru jólalög sem allir segjast vilja
heyra. Svo höfum við líka gaman
af að kynna til sögunnar jólatón-
list sem ekki heyrist oft. Það er
ákveðinn metnaður að vera í ein-
hverjum landvinningum. Við erum
núna með tvö ensk, gullfalleg jóla-
lög sem við höfum ekki tekið áður
og einnig frumflytjum við tvö
lög eftir einn kórfélagann, Hall-
dór Hauksson, við jólasálma eftir
Ólínu Andrésdóttur sem aldrei
hafa fengið lög fyrr.“ Þetta segir
Hörður Áskelsson, stjórnandi Mót-
ettukórs Hallgrímskirkju, um jóla-
tónleika kórsins sem fram fara
í kirkjunni bæði á laugardag og
sunnudag.
Hörður segir jólatónleika hafa
verið nokkuð reglulega hjá kórn-
um í rúmlega þrjátíu ára sögu
hans. „Í fyrra vikum við frá hefð-
inni og fórum í Hörpuna en feng-
um margar kvartanir frá fólki
sem vildi heldur koma í kirkjuna
og ætlum að koma til móts við það
núna. Við erum í fyrsta skipti með
Diddú með okkur. Síðast vorum
við með Þóru Einars og þar áður
Kristin Sigmunds. Það er röð af
fínum einsöngvurum sem hafa
lagt okkur lið.“
Til viðbótar við Diddú verða
tveir hljóðfæraleikarar með kórn-
um, Björn Steinar Sólbergson á
orgel og Baldur Oddsson trompet-
leikari. „Björn er samstarfsmað-
ur minn í kirkjunni en Baldvin er
19 ára og stundar trompetnám í
Bandaríkjunum þar sem hann á
mikilli velgengni að fagna. Hann
var gestur hjá okkur í sumar á
Kirkjulistahátíð og heillaði fólk
með leik sínum. Meðal annars
flytja þau þrjú, hann, Björn Stein-
ar og Diddú, aríu eftir Händel, það
er glæsinúmer. Svo tekur Baldvin
einleiksverk á trompetinn með
orgelinu. Ég held ég megi segja að
tónleikarnir verði bæði mjög hátíð-
legir og líka fjölbreyttir.“
Meðal hefðbundinna laga sem
flutt verða er Nóttin var sú ágæt
ein eftir Sigvalda Kaldalóns. „Það
lag höfum við flutt á hverjum jóla-
tónleikum auk þess sem það er
alltaf sungið á aðfangadagskvöld.
Maður verður aldrei leiður á því,“
segir Hörður. „Þar eru einhverjir
töfrar í gangi sem ekki eru skil-
greinanlegir.“ gun@frettabladid.is
Góðir gestir með glæsinúmer
Söngur Sigrúnar Hjálmtýsdóttur og hljóðfæraleikur Baldvins Oddssonar og Björns Steinars Sólbergssonar
skreyta söng Mótettukórs Hallgrímskirkju á jólatónleikum um helgina. Þar er bæði um frumfl utning og
hefðbundin jólalög að ræða. Hátíðlegir og fj ölbreyttir tónleikar að sögn stjórnandans Harðar Áskelssonar.
STJÓRNANDINN „Í fyrra vikum við frá hefðinni og fórum í Hörpuna en fengum margar kvartanir frá fólki sem vildi heldur vera
í kirkjunni og ætlum að koma til móts við það núna.“ segir Hörður. FRÉTTABLAÐIÐ/ANTON
Tíunda árið í röð er boðið upp á
upplestra rithöfunda á Gljúfra-
steini á sunnudögum í aðventu.
Það er upplögð tilbreyting frá
jólaamstrinu að setjast í stofu
skáldsins þar sem rithöfundar og
þýðendur koma fram og lesa úr
bókum sínum.
Flestir bestu rithöfundar þjóð-
arinnar hafa viðkomu á Gljúfra-
steini næstu sunnudaga, 8. og
15. desember, en síðasti upplest-
urinn verður sunnudaginn 22.
desember. Meðal þeirra sem lesa
úr verkum sínum á sunnudaginn
kemur eru Jón Kalman Stefáns-
son, Guðmundur Andri Thorsson
og Eiríkur Guðmundsson.
Upplestrarnir hefjast klukkan 16
og er aðgangur ókeypis.
Upplestraröð á
Gljúfrasteini
UPPLESTUR Jón Kalman Stefánsson er
einn þeirra sem lesa upp á Gljúfrasteini
á sunnudaginn. FRÉTTABLAÐIÐ/ANTON
„Ég verð með málverk sem ég hef
unnið á þessu ári ásamt 30 teikn-
ingum,“ segir Georg Óskar mynd-
listarmaður um efni sýningar sem
hann opnar 7. desember í sal Mynd-
listarfélagsins á Akureyri að Kaup-
vangsstræti 10.
Þetta er sjöunda einkasýning
Georgs Óskars og eftir áramót verð-
ur hann með verk sín í Galleríi Vegg
á Forréttabarnum við Tryggvagötu í
Reykjavík. Hann kveðst líka umbeð-
inn hafa sent verk á safn í Banda-
ríkjunum, hvers stjórnandi sækist
eftir verkum áhugaverðra mynd-
listarmanna. Auk þess að hafa
komið fram í erlendum netmiðli
nýlega mun á næstu dögum birtast
viðtal við hann í tímaritinu Tribe
magazine. Skyldi hann vera mál-
ari að atvinnu? „Það væri óskandi
að sú væri staðan. Akkúrat núna
er ég reyndar að sinna myndlist-
inni aðallega af því að sýningin er
fram undan en ég er ekki að fleyta
sjálfum mér og mínu batteríi á mál-
verkum, frekar en margir ungir
myndlistarmenn. En ég hef verið
uppgötvaður á heimasíðunni minni.
Þannig uppsker maður á endanum,“
segir hann bjartsýnn.
Titill sýningarinnar: 9 mánuðir
í ágúst. Hvaðan kemur hann? „Mig
langaði að hafa hann persónulegan
því verkin eru unnin út frá skynj-
unum og minningum. Kærastan
byrjar að hlakka til jólanna í maí.
Hennar uppáhaldsmánuður er des-
ember en minn er ágúst og mér
fannst athyglisvert að í desember
eru 9 mánuðir í ágúst!
gun@frettabladid.is
Í desember eru
9 mánuðir í ágúst
Georg Óskar Giannakoudakis myndlistarmaður
opnar sýningu í sal Myndlistarfélagsins á Akureyri á
laugardaginn, sem hann kallar 9 mánuðir í ágúst.
MYNDLISTARMAÐUR „Ég hef verið uppgötvaður á heimasíðunni minni. Þannig
uppsker maður á endanum,“ segir Georg Óskar sem opnar sýningu á laugardag.
FÍLADELFÍU 2013
Gospelkór Fíladelfíu ásamt gestum
Stjórnandi er Óskar Einarsson
Meðal einsöngvara eru Páll Rósinkranz og Regína Ósk
Tónleikarnir verða haldnir í Hvítasunnukirkjunni Fíladelfíu, Hátúni 2, Reykjavík
mánudagskvöldið 9. des. og þriðjudagskvöldið 10. des. kl. 19.00 og kl. 21.00
Miðar eru seldir í Hvítasunnukirkjunni Fíladelfíu Hátúni 2 og í síma 535 4700.
Einnig er hægt að panta miða með því að senda tölvupóst með nafni og símanúmeri á filadelfia@gospel.is
Tónleikarnir verða teknir upp og sýndir í Ríkissjónvarpinu á aðfangadagskvöld.
Hingað til hefur alltaf verið húsfyllir.
Tónleikarnir gera Hvítasunnukirkjunni Fíladelfíu kleift að styrkja þá sem minna mega sín.