Fréttablaðið - 05.12.2013, Blaðsíða 59

FIMMTUDAGUR 5. desember 2013 | MENNING | 59
„Þetta var tekið upp í fyrra,
þegar við héldum jólatónleika í
Eldborginni í Hörpu,“ segir tón-
listarmaðurinn Kristján Krist-
jánsson, en hann er ásamt systur
sinni, Ellen Kristjánsdóttur,
að gefa út jólatónleika frá því í
fyrra, á geisladisk og mynddisk.
KK og Ellen flytja lög af jóla-
plötunum sínum ásamt vel völd-
um lögum frá ferlinum. Gestir
á tónleikunum voru Mugison,
Magnús Eiríksson, Elín Ey,
Sigríður Eyþórsdóttir, Elísabet
Eyþórsdóttir og Þorsteinn Ein-
arsson. Á meðal laga á tónleikun-
um eru Yfir fannhvíta jörð, Hin
fyrstu jól, Skín í rauðar skott-
húfur og Nóttin var sú ágæt ein,
ásamt mörgum fleiri perlum.
Þá verða þau með jólatónleika
víða í núna desember. „Við erum
með ferna tónleika í Salnum í
Kópavogi en það er uppselt á
þrenna þeirra.“ Þá koma þau
meðal annars fram á Café Rosen-
berg, Fríkirkjunni í Hafnarfirði
og í Landnámssetrinu í Borgar-
nesi. - glp
KK og Ellen
með jólagleði
GAMAN SAMAN Á tónleikunum koma
fram, ásamt KK og Ellen, margir af
þekktustu tónlistarmönnum þjóðar-
innar.
Kex Hostel er komið í sparifötin
og undirbýr gesti sína undir
sérlega skemmtileg og hátíðleg
jól, með menningu af ýmsum
toga og dýrindis kræsingum á
árlegri KEXMas-dagskrá sinni.
Matseðill Sæmundar í spariföt-
unum er með jólalegra sniði,
auk þess sem blásið verður til
skötuveislu á heilögum Þorláki.
Menningardagskrá desember-
mánaðar á Kex Hosteli er
hlaðin góðgæti af ýmsum toga.
Á hverjum fi mmtudegi er boðið
upp á framúrstefnulega tónleika
með nýrri íslenskri músík en
hljómsveitirnar Ghostigital,
Tilbury og Berndsen munu leika
lög af nýjum breiðskífum sínum.
Vikulegur KEXJazz verður á
sínum stað á þriðjudögum en
með jólalegra sniði. Að auki
mun Drengjakór Reykjavíkur
koma í heimsókn sunnudaginn 8.
desember.
Rúsínan í pylsuendanum
er stórtónleikar Megasar og
Sauðrekanna föstudaginn
13. desember en þá mun Megas
njóta fulltingis Ágústu Evu
Erlendsdóttur við fl utning
Jésurímna. - glp
Jólafílingur á
Kex Hosteli
MIKIL GLEÐI Megas er á meðal þeirra
sem koma fram á Kex Hosteli í desem-
ber. FRÉTTABLAÐIÐ/STEFÁN
NaNoWriMo er stytting á Natio-
nal Novel Writing Month, sem er
átak þar sem þátttakendur skrifa
fimmtíu þúsund orða skáldsögu á
þrjátíu dögum í nóvember. Guðrún
Ingibjörg Þorgeirsdóttir tók þátt í
áskoruninni og stofnaði Facebook-
grúppuna NaNoWriMo á Íslandi að
erlendri fyrirmynd.
„Því miður eru lítil samskipti
milli NaNoWriMo-þátttakenda á
Íslandi en það er nokkuð sem átti
að standa til bóta með Facebook-
hópnum. Ég veit því lítið um ævin-
týri annarra þátttakenda hérlendis,
en ég tók þátt í fjórða sinn í ár og
hef lent í ýmsu.“
Guðrún fór á svig við reglurn-
ar í ár og skrifaði smásögur í stað
skáldsögu. „Oft hallar á smásagna-
höfunda í umræðu um bókmenntir
og gjarnan er litið á smásögur sem
upphitun fyrir skáldsögur, en það er
rangt.“ Guðrún hélt sig hins vegar
við reglur um orðafjölda. „Fimmtíu
þúsund orð á þrjátíu dögum gera
1.667 orð á dag. Fjölmargir ná ekki
að klára og mér liggur við að full-
yrða að allir „wrimoar“, eins og
þátttakendur eru kallaðir á netinu,
lendi í því einhvern tímann í mán-
uðinum að lenda eftir á í orðafjölda.
Hugmyndaleysi gerir oft vart við
sig og stundum fer meiri tími í að
stara á autt blað en í skriftirnar.“
Hugmyndin er upphaflega amer-
ísk en að sögn Guðrúnar tekur fólk
alls staðar að úr heiminum þátt á
hverju ári og Íslendingar eru engin
undantekning. „Sumir hafa aldrei
skrifað áður, aðrir eru áhugahöf-
undar og enn aðrir atvinnuhöfund-
ar. Átakið hefur nýst atvinnuhöf-
undum með vinnuleiða vel, hef ég
heyrt.“ - ue
50 þúsund skrifuð orð á 30 dögum
Þátttakendur í NaNoWriMo reyndu að skrifa skáldsögu á einum mánuði.
VAR DUGLEG Guðrún skrifaði meðal
annars 10 þúsund orð þann 30.
nóvember.
JÓLAGJÖF SEM
ALLIR GETA NOTAÐ
Gjafakort Arion banka er hægt að nota hvar
sem er. Þú velur fjárhæðina, þiggjandinn
velur gjöfina.
Gjafakortið fæst í öllum útibúum
Arion banka.