Fréttablaðið - 05.12.2013, Blaðsíða 2

5. desember 2013 FIMMTUDAGUR| FRÉTTIR | 2
SPURNING DAGSINS
www.lifstykkjabudin.is laugavegi 82. sími 551-4473
”Glæsilegt úrval af
sloppum í jólapakkann.”
Við erum á Facebook
„Jól og áramót
líta rosalega vel
út og bókanir á
hótelum hlaðast
upp,“ segir Einar
Bárðarson, for-
stöðumaður Höf-
uðborgarstofu.
„Og gaman að
segja frá því að
Reykjavík komst nýlega á lista hjá
CNN yfir tíu áhugaverðustu borgir
í heimi til að fara í vetrarfrí.“
Einar segir borgina hafa lagt
mikið í smekklegar og markvissar
aðgerðir til að gefa borginni aukinn
hátíðarblæ. „Jólamarkaður á Ing-
ólfstorgi og jólavættirnir skapa
stemningu. Svo kenna hótelstarfs-
menn ferðamönnum íslenska jóla-
siði. Í fyrra voru til dæmis nokk-
ur hótel sem kenndu gestum sínum
að setja skóinn út fyrir herbergis-
dyrnar sínar.“ - ebg
Erlendir ferðamenn setja skóinn út fyrir hótelherbergisdyrnar:
Fullbókuð hótel yfir hátíðirnar
„Það er töluvert langt síðan hér var fullbókað yfir
áramót,“ segir Ingólfur Kristinn Einarsson, hótelstjóri á
Grand hóteli.
„Þetta er að aukast yfir jólin sjálf en áramótin eru
aðalmálið. Flestir sem koma eru Þjóðverjar, Asíubúar og
Bretar. Þeir borða galakvöldverð á gamlárskvöld, fara svo
á stóra brennu og upplifa flugelda. Þetta verður vinsælla
með hverju árinu.“
➜ Áramótin vinsælust
SAMFÉLAGSMÁL Á fjörutíu ára
afmælisári Samhjálpar hafa
umsvif sjaldan eða aldrei verið
meiri þar sem á hverri nóttu gista
tæplega 100 manns í rúmum sem
samtökin búa um og í ár er útlit
fyrir að þau gefi 55 til 60 þúsund
máltíðir.
Karl V. Matthíasson, fram-
kvæmdastjóri Samhjálpar, segir
að tilgangurinn með starfinu sé í
grunninn barátta gegn áfengis- og
vímuefnavandanum. „Það eru á
hverjum tíma hátt í 1.000 manns
sem eru í einhvers konar úrræði
vegna áfengis- eða vímuefnaneyslu
og þetta er mesta hættan sem steðj-
ar að samfélagi okkar.“
Starfsemi Samhjálpar er fjöl-
þætt. Í fyrsta lagi er það með-
ferðarheimilið að Hlaðgerðarkoti
þar sem um 30 manns eru jafnan í
meðferð. Þá eru það þrjú áfangahús
fyrir fólk sem er að koma úr með-
ferð og Gistiskýlið sem er rekið í
samvinnu við Reykjavíkurborg og
veitir heimilislausum húsaskjól.
Þar að auki er fjölbreytt félags-
starf á vegum Samhjálpar, en einn
sýnilegasti þáttur starfseminnar er
Kaffistofan við Borgartún þar sem
tugir manna koma á hverjum degi
til að fá heitan mat án endurgjalds.
Karl segir það geta skipt sköpum
fyrir skjólstæðinga kaffistofunnar
að eiga þennan kost.
Í kaffistofunni vinna þrír starfs-
menn auk sjálfboðaliða, en Sam-
hjálp hefur einnig verið í samstarfi
við Fangelsismálastofnun þar sem
samfélagsþjónar hafa unnið.
„Þeir sem koma hingað að borða
eru þeir sem þurfa að gera það. Það
er enginn að gera sér það að leik að
koma á Kaffistofuna að borða. Svo
kemur það líka fyrir að fjölskyldu-
feður komi og sæki mat til að fara
með heim til fjölskyldunnar.“
Stjórn Samhjálpar er skipuð
af Fíladelfíu en Karl segir hvíta-
sunnukirkjuna ekki koma nálægt
rekstrinum.
„Menn vilja tengja þetta trúboði
en það er ekkert svoleiðis,“ segir
Karl. „Enda sjást engin merki þess
á kaffistofunni til dæmis.“
Starfinu fylgir talsverður kostn-
aður, að sögn Karls, sem er kostaður
af framlögum einstaklinga og fyrir-
tækja. „Við erum eiginlega í fjáröfl-
un allt árið um kring,“ segir hann,
en 28 manns vinna hjá Samhjálp auk
sjálfboðaliða. thorgils@frettabladid.is
Samhjálp gefur 60
þúsund máltíðir í ár
Framkvæmdastjóri Samhjálpar segir áfengis- og vímuefnavandann mestu hættu
sem steðjar að samfélaginu. Mikið starf er unnið með fíklum og öðrum sem eiga
um sárt að binda, meðal annars í Kaffistofunni þar sem tugir borða dag hvern.
„Ég hef komið hingað á hverjum degi síðan ég varð edrú,“ sagði einn
gesturinn á Kaffistofunni gær. „Það munar mig miklu að geta komið hingað
og fengið að borða því að ellilífeyririnn minn er bara 170 þúsund á mánuði.
Með þessu get ég sparað mér til að gefa börnunum mínum jólagjafir.“
„Ég kem hingað hér um bil á hverjum degi og hef gert mjög lengi,“ sagði
annar. „Ég kem aðallega upp á félagsskapinn, því ég er svo mikil félagsvera.“
Félagsskapurinn góður á Kaffistofunni
Á KAFFISTOFUNNI Karl V. Matthíasson, framkvæmdastjóri Samhjálpar, sem hér er
ásamt starfsfólki og skjólstæðingi á Kaffistofunni segir engan koma þangað sem
ekki þurfi þess. FRÉTTABLAÐIÐ/GVA
INGÓLFUR K.
EINARSSON
EINAR
BÁRÐARSON
HÁTÍÐARBLÆR
Erlendir ferða-
menn koma í
auknum mæli til
Íslands yfir hátíð-
irnar.
FRÉTTABLAÐIÐ/GVA
Helga, þurfum við að stokka
upp í viðhorfum okkar?
„Já, svo lengi sem við erum frjáls-
lynd og ekki of forstokkuð.“
Helga Kristín Hallgrímsdóttir, lektor í félags-
fræði, hélt fyrirlestur um ábyrgð verðandi
mæðra í gær. Hún segir að eggjastokkum 46
ára kvenna hafi verið líkt við rotnandi epli.
ARGENTÍNA, AP Eftir að lögreglan í Cordoba, næststærstu borg
Argent ínu, fór í verkfall hafa íbúar þar – sumir hverjir – óspart nýtt
sér frelsið til afbrota.
Frá því á þriðjudagskvöldið hafa rán og gripdeildir breiðst út um
alla borg, rúður verslana hafa verið brotnar, múgur manns stelur
varningi og ræningjar ráðast á fólk úti á miðri götu.
Sumir grípa svo til vopna til að verja eigin heimili. Að minnsta
kosti einn maður hefur látist af völdum skotsára en meira en hundrað
manns hafa særst, aðallega af völdum rúðubrota.
Lögreglan hefur ekki hreyft sig frá höfuðstöðvum sínum, en í gær
hófust samningaviðræður við borgaryfirvöld. Lögreglan krefst betri
kjara og var reiknað með að samningar myndu nást seint í gær. - gb
Óprúttnir Argentínumenn nýta sér lögregluverkfall:
Rán og gripdeildir á hverju horni
DÓMSMÁL Ríkissaksóknari hefur
gefið út ákæru á hendur manni á
þrítugsaldri fyrir að hafa banað
fimm mánaða dóttur sinni, að
því er RÚV og mbl.is greindu
frá í gær. Málið kom upp í mars
á þessu ári og sat maðurinn um
tíma í gæsluvarðhaldi.
Bráðabirgðaniðurstaða réttar-
læknisfræðilegrar rannsóknar
bendir til að barnið hafi látist af
heilablæðingum. Maðurinn er
ákærður fyrir stórfellda líkams-
árás með því að hrista dóttur sína
svo harkalega að hún hlaut blæð-
ingu í heila sem leiddi til dauða
hennar. - jme
Ríkissaksóknari gefur út kæru
Ákærður fyrir
að bana barni
STOLIÐ ÚR OPINNI BÚÐ Rúður verslana hafa verið brotnar í Cordoba og lögreglan
lætur sér fátt um finnast. NORDICPHOTOS/AFP
MENNING „Það var mögnuð stemning á fund-
inum, á honum var mikil samkennd og sam-
staða,“ segir Melkorka Ólafsdóttir flautuleik-
ari, einn skipuleggjenda samstöðufundar um
RÚV.
„Það eru margir sem taka aðförina að
Ríkis útvarpinu nærri sér,“ bætir hún við.
Fullt var út úr dyrum á fundinum en til
hans var boðað vegna uppsagna 39 starfs-
manna í síðustu viku. Í lok fundar var sam-
þykkt ályktun og í henni segir að RÚV hafi
tekið á sig mikinn niðurskurð með verulegri
fækkun starfsfólks á undanförnum misserum.
„En sú atlaga sem nú er gerð er svo gróf að
hún ógnar tilvist Ríkisútvarpsins sem menn-
ingarstofnunar,“ segir enn fremur. Þá er
stjórn RÚV átalin fyrir aðgerðar- og sinnu-
leysi í aðdraganda uppsagnanna sem séu í
hrópandi ósamræmi við gildandi lög um RÚV.
Það sé of seint að ætla að móta stefnuna þegar
mörgum reyndustu starfsmönnum stofnunar-
innar hefur veri sagt upp. Loks er þess krafist
að farið verði að lögum um tekjur Ríkisút-
varpsins. - jme
Fullt út úr dyrum á samstöðufundi „unnenda Ríkisútvarpsins“ í Háskólabíói í gærkvöld:
Stjórn RÚV átalin fyrir sinnuleysi
MIKIL SAMKENND Á annað þúsund manns mættu á
fund sem unnendur Ríkisútvarpsins boðuðu til í gær.
FRÉTTABLAÐIÐ/VILHELM
LÖGREGLUMÁL Lásasmiður frá
Neyðarþjónustunni, sem var kall-
aður til þegar sérsveit lögregl-
unnar reyndi að komast inn í íbúð
manns í Hraunbæ aðfaranótt
mánudags, var í stórhættu.
Byssumaðurinn skaut nokkrum
skotum í átt að lögreglumönnun-
um er þeir reyndu að brjótast inn
í íbúðina. Lásasmiðurinn hafði þá
nýlokið við að brjóta upp lásinn.
Ólafur Már Ólafsson, fram-
kvæmdastjóri Neyðarþjónustunn-
ar, sagði að allt hafi verið eðlilegt
við útkallið þar til lásasmiðurinn
hafði opnað hurðina, en þá hófst
skothríð. - sáp
Skotbardaginn í Hraunbæ:
Lásasmiðurinn
var í stórhættu