Fréttablaðið - 13.06.2014, Side 2

13. júní 2014 FÖSTUDAGUR| FRÉTTIR | 2
SPURNING DAGSINS
MAHLER CHAMBER
ORCHESTRA
og Pekka Kuusisto
15. júní. 20.00. Eldborg.
4 DAGAR. 9 TÓNLEIKAR. 13.–16. JÚNÍ.
Kynnið ykkur magnaða dagskrá á www.reykjavikmidsummermusic.com
Freyja, er stærðfræði
engin algebra?
Nei, burtu með stærðfræðifordóma!
Rannsókn sýnir að hræðsla kennslukvenna
við stærðfræði komi niður á árangri stúlkna
í stærðfræði.
Freyja Hreinsdóttir er dósent á mennta-
vísindasviði Háskóla Íslands.
MENNING Jón Gnarr borgarstjóri tók í gær formlega á móti afsteypu
af höggmyndinni Hafmeyjunni eftir Nínu Sæmundsson í Hljómskála-
garðinum. Verslunarmiðstöðin Smáralind gefur Reykjavíkurborg
Hafmeyjuna. Önnur afsteypa Nínu af Hafmeyjunni stóð í Tjörninni
fyrir um 55 árum eða frá ágúst 1959 til nýársdags 1960 þegar hún var
sprengd í loft upp. Hafmeyjan er steypt í brons eftir frummynd sem
Nína vann um 1948. Hugmyndin að listaverkinu er komin frá þjóðsög-
unni um hafmeyjuna sem sat á kletti í hafinu og lokkaði sjófarendur
með söng sínum, þeir hurfu síðan niður í sjávardjúpin í faðmi hennar.
Þann 19. júní verður opnaður höggmyndagarður í Hljómskálagarð-
inum til minningar um formæður íslenskrar höggmyndalistar. - sáp
Afsteypa af Hafmeyjunni í Hljómskálagarðinn:
Tók á móti hafmeyju
MEÐ HAFMEYJU Jón Gnarr borgarstjóri með afsteypu af höggmynd Nínu
Sæmundsson. FRÉTTABLAÐIÐ/GVA
SKIPULAGSMÁL Sprungur eru farnar að myndast á
byggingum í Norðurmýrinni í Reykjavík, sem rekja
má til sprenginga Búseta á svokölluðum Einholts-
reit. Íbúar í Norðurmýrinni eru orðnir langþreytt-
ir á titringi, sem líkja má við öfluga jarðskjálfta,
vegna sprenginganna, sem hófust þann fjórða apríl
síðastliðinn og hefur verið sprengt allt upp í fimm
sinnum á dag.
Helga Gerður Magnúsdóttir er íbúi á Gunnars-
braut í Norðurmýri og hefur ekki farið varhluta
af sprengingunum og öllu því sem tilheyrir þeim.
„Þetta er verulega þreytandi. Hér leikur allt á reiði-
skjálfi nokkrum sinnum á dag. Þetta kemur illa við
mann, því þetta er eins og jarðskjálftar eða eins og
að búa við loftárásir.“
Hús Helgu Gerðar er byggt árið 1939 í þessu frið-
sama og rótgróna hverfi. Fyrir um þremur árum
var húsið gert upp að utan og vandað til verka. Nú
í vikunni sá Helga Gerður nýja sprungu í múrhúð
hússins sem hún vill rekja til sprenginganna.
„Ég hef aldrei séð þessa sprungu áður, hún var
bara að koma fyrir örfáum dögum. Rökréttasta
skýringin á þessari nýju sprungu eru framkvæmd-
irnar í Einholti,“ segir Helga Gerður. „Auðvitað
spyr maður sig hvort ekki sé hægt að gera þetta í
minni skömmtum og hafa hleðslurnar ögn kraft-
minni. Þannig þurfa framkvæmdirnar ekki að valda
svona miklum óþægindum og eignatjóni.“
Aðalgeir Hólmgeirsson, verkefnastjóri hjá
Búseta, sem er verkkaupi framkvæmdanna, segir
áhrif framkvæmdanna alltaf hafa verið ofarlega í
huga þeirra sem standa að verkinu. Takmarkið væri
að valda sem minnstu ónæði nágranna.
„Verktaki sem sinnir sprengingum á reitnum fór
ásamt tryggingafyrirtæki áður en sprengingar hóf-
ust og tók út næsta nágrenni, myndaði byggingar í
bak og fyrir. Staðsetning hússins á Gunnarsbraut
er fyrir utan það svæði sem tryggingafyrirtækið
skilgreinir sem áhættusvæði,“ segir Aðalgeir. „Við
höfum farið afar varlega í þessum efnum og gert
meiri kröfur en reglugerðir kveða á um til að gæta
þess að sprengingar á svæðinu valdi sem minnstum
áhrifum á daglegt líf fólks.“
Íbúar geta nú farið að horfa til rólegri tíðar þar
sem sprengingum sé að ljúka á svæðinu, að sögn
Aðalgeirs. „Sprengingar á reitnum eru á lokastigi og
vonumst við til að geta hætt sprengingum á næstu
dögum. Þetta hefur gengið vel og er verkið á undan
áætlun sem við gáfum okkur. Við höfum reynt að
vera í miklu sambandi við íbúa á svæðinu til að upp-
lýsa þá um gang mála.“ sveinn@frettabladid.is
Telja skemmdirnar
vegna sprenginga
Íbúar í Norðurmýri telja að steypuskemmdir á húsi sínu megi rekja til sprenginga
á svokölluðum Einholtsreit í nágrenninu. „Sprengingar eru á lokastigi,“ segir Aðal-
geir Hólmsteinsson, verkefnastjóri hjá Búseta, sem er verkkaupi framkvæmdanna.
GUNNARSBRAUT
Húsið við Gunnars-
braut sem liggur
undir skemmdum.
FRÉTTABLAÐIÐ/STEFÁN
HÚSASKEMMDIR
Steypuskemmdir
eru farnar að mynd-
ast í klæðningu
hússins.
SLYS Leit að konunni sem týndist
í Fljótshlíð um helgina stóð enn
yfir seint í gær. Ólöf Baldursdótt-
ir, upplýsingafulltrúi Slysavarna-
félagsins Landsbjargar, staðfestir
það að leitin hafi enn engan árang-
ur borið.
„Við erum með rosalegan mann-
skap úti núna og þetta heldur
áfram með kvöldinu,“ sagði Ólöf
í gær, en um 180 manns voru þá
enn að leita.
Fótspor berfættrar manneskju
fundust í gær í Marðarárgljúfri,
um þremur kílómetrum austan
við Bleiksárgljúfur þar sem erlend
vinkona þeirrar týndu fannst látin
aðfaranótt miðvikudags. Marðar-
árgljúfur er á mörkum þess leit-
arsvæðis sem upphaflega var sett
upp og var svæðið stækkað eftir að
sporin fundust.
„Við erum að reyna að leita bak
við fossinn í Bleiksárgljúfri en
svo höfum við líka verið að leita
í kringum sporin í Marðarár-
gljúfri,“ segir Ólöf, sem þó bendir
á að ekki sé hægt að draga miklar
ályktanir um afdrif konunnar út
frá sporunum. „Maður getur nátt-
úrulega aldrei sagt eftir hvern þau
eru.“
Ólöf sagðist í gær búast við því
að uppsett leitarskipulag yrði klár-
að áður en ákvarðanir væru tekn-
ar um framhaldið.
- bá
Umfangsmikil leit að týndri konu í Fljótshlíð hélt áfram í gær án árangurs:
Sporin stækkuðu leitarsvæðið
BJÖRGUNARSVEITIR Konan fannst
ekki í gær þrátt fyrir fjölmenna leit.
FRÉTTABLAÐIÐ/VILHELM
DÓMSMÁL Héraðsdómur Reykja-
víkur fór þess á leit við EFTA-
dómstólinn í desember síðast-
liðnum, að hann veitti ráðgefandi
álit um lögmæti verðtryggingar-
innar í máli sem höfðað var gegn
Landsbankanum. Munnlegur mál-
flutningur í málinu fór fram fyrir
EFTA-dómstólnum í Lúxemborg í
gær en reiknað er með niðurstöðu
í ágúst.
Framkvæmdastjórn Evrópu-
sambandsins tekur undir málatil-
búnað Íslendings sem sækir málið
gegn Landsbankanum en hann
var með verðtryggt neyslulán hjá
bankanum. Ríkisstjórn Íslands
skilaði greinargerð í málinu en hún
tekur undir málatilbúnað Lands-
bankans enda bankinn í ríkis-
eigu. Í skýrslu framsögumanns
EFTA segir að ríkistjórnin telur
að ef niðurstaðan verði á þá leið
að verðtrygging neyslulána gangi
í berhögg við tilskipun Evrópusam-
bandsins, muni það hafa „alvarleg-
ar afleiðingar fyrir fjármálamark-
aði og -stofnanir Íslands.“ - gag
EFTA dæmir um lögmæti verðtryggingarinnar í máli gegn Landsbankanum:
Gæti haft alvarlegar afleiðingar
SKILAÐI GREINARGERÐ Ríkisstjórnin
segir að það hafi alvarlegar afleiðingar
ef verðtryggingin er dæmd ólögmæt.
FRÉTTABLAÐIÐ/VALLI
KJARAMÁL Samningar náðust ekki
í kjaradeilu flugvirkja Icelandair
við félagið í gærkvöldi. Viðræð-
um verður haldið áfram klukkan
13 í dag. Fulltrúar flugvirkja og
Iceland air sátu við samningaborð-
ið í húsa kynnum Ríkissáttasemj-
ara frá því klukkan tvö til hálf tíu
í gær. Takist ekki að semja fyrir
mánu daginn næstkomandi ætla
flugvirkjar að leggja niður störf í
sólarhring þann sama dag. - hg
Flugvirkjar funduðu í gær:
Komust ekki að
samkomulagi
ELDSVOÐI Kona sem flutt var á
sjúkrahús í kjölfar elds sem kom
upp í herbergi á hjúkrunarheim-
ilinu Sóltúni síðdegis í gær liggur
þungt haldin á gjörgæsludeild
Landspítalans. Að sögn vakthaf-
andi læknis er konunni haldið
sofandi í öndunarvél. Slökkviliðið
var kallað út vegna brunans upp
úr klukkan 16 í gær, en starfs-
fólk heimilisins var þá búið að
slökkva eldinn. - sks
Haldið sofandi í öndunarvél:
Kona slasaðist í
bruna á Sóltúni
KJARAMÁL Boðað hefur verið til
fundar vegna kjaradeilu leik-
skólakennara hjá Ríkissáttasemj-
ara klukkan 11 í dag.
Samninganefndir leikskóla-
kennara funduðu síðast með
fulltrúum Sambands íslenskra
sveitarfélaga á miðvikudag.
Leikskólakennarar ætla að efna
til vinnustöðvunar þann 19. júní
næstkomandi, hafi ekki náðst
samningar við fulltrúa sveitar-
félaganna fyrir þann tíma.
- hg
Kjaradeila leikskólakennara:
Setjast aftur að
borðinu í dag
180
leitarmenn voru enn að
störfum í gærkvöld.