Fréttablaðið - 13.06.2014, Side 8

13. júní 2014 FÖSTUDAGUR| FRÉTTIR | 8
SAMFÉLAGSMÁL Karlar vilja helst
ekki ræða yfirvofandi dauða sinn,
andstætt við konur, og dánartíðni
ekkla er hærri en kvæntra manna
í níu ár eftir andlát maka. Þetta er
meðal þess sem kemur fram í dokt-
orsritgerð séra Braga Skúlasonar,
Samtal um dauða og sorg: Íslensk-
ir karlar og ekklar. Ritgerðina ver
hann við Háskóla Íslands í dag.
Rannsókn Braga tekur til 371
ekkils sem missti konu sína, á
þriggja ára tímabili frá 1999 til
2001. Ekklarnir voru fæddir á
árunum 1924 til 1969 og koma alls
staðar að af landinu.
Þá ræddi Bragi við 195 einstak-
linga af báðum kynjum sem voru í
líknandi meðferð.
„Það er gríðarlegur munur á
körlum og konum þegar kemur að
því að ræða dauðann. Þrjátíu pró-
sent karla hafa frumkvæði að því
að ræða yfirvofandi dauða sinn í
viðtölum, hlutfallið er 80 prósent á
meðal kvenna,“ segir Bragi. Hann
segir að auðvitað virði hann sem
prestur og aðrir heilbrigðisstarfs-
menn það ef fólk vill ekki ræða
dauðann. Það sé hins vegar mik-
ill ávinningur fyrir maka og nán-
ustu ættingja að ræða dauðann
opinskátt, sorgin verði ekki jafn
erfið og sár.
Bragi segir að þegar kemur að
samræðu séu þarfir karla aðrar en
kvenna. „Karlar vilja hlífa sínum
nánustu við að ræða dauðann og
finna styrk sinn oft í einveru, and-
stætt við konur.“
Annað sem kemur á óvart er
að samkvæmt rannsókn Braga
er algengt að karlar telji að sam-
bandi þeirra við látna eiginkonu
hafi ekki lokið við andlát hennar.
Margt í lífi þeirra haldist óbreytt,
þeir haldi áfram að búa á sama
stað, mynd af eiginkonunni standi
á náttborðinu og þeir tali til henn-
ar kvölds og morgna.
„Þeir eru ekki að opna fyrir
aðrar gáttir í aðrar áttir á meðan
þetta er svona,“ segir Bragi.
Dánartíðni ekkla miðað við
kvæntra karla á sama aldri og í
sömu búsetu er tölfræðilega hærri.
„Eldri kenningar segja að það sé
mest hætta á að makinn deyi einu
til tveimur árum eftir andlát eigin-
konu. Samkvæmt minni rannsókn
er þetta ekki rétt, hættan var enn
til staðar níu árum eftir að rann-
sókninni lauk.“
Af 371 ekkli sem rannsóknin
tók til voru 20 sem voru komnir í
annað samband á þeim sex til níu
árum sem Bragi fylgdi þeim eftir.
„Menn hafa lengi talið að karlar
færu strax í annað samband þegar
þeir misstu maka sinn. Þannig var
það fyrir hundrað árum en sam-
kvæmt minni rannsókn er það ekki
þannig í dag,“ segir Bragi.
johanna@frettabladid.is
Karlar vilja ekki tala um dauðann
Karlar vilja hlífa sínum nánustu við að ræða dauðann og finna styrk sinn í einveru, andstætt konum. Þetta kemur fram í nýrri doktorsrit-
gerð sem séra Bragi Skúlason skrifaði. Rannsókn hans tekur til 371 ekkils sem missti konu sína, á þriggja ára tímabili. Þvert á ríkjandi skoð-
un eru mjög fáir karlar sem hefja nýtt samband skömmu eftir andlát maka. Algengt er að menn tali til eiginkonunnar eftir dauða hennar.
SKRIFAÐI DOKTORSRITGERÐ Bragi Skúlason segir að það sé mikill ávinningur
fyrir maka og nánustu ættingja að ræða dauðann opinskátt, sorgin verði ekki jafn
erfið og sár. FRÉTTABLAÐIÐ/ANTON
30%
karla hafa frumkvæði að því
að ræða yfi rvofandi dauða
sinn í viðtölum.
80%
kvenna hafa frumkvæði að
því að ræða yfi rvofandi
dauða sinn.
ATVINNA Áætlað er að Reykjavík-
urborg muni ráða 1.550 ungmenni
í sumarstörf en umsækjendur
eru 2.818. Þar af leiðandi er tæp-
lega 1.300 ungmennum neitað um
vinnu.
Flestir umsækjendur eru á aldr-
inum 17-25 ára en eingöngu tvö
hundruð 17 ára ungmenni fá vinnu.
Tæplega 500 færri sóttu um
vinnu hjá Reykjavíkurborg í ár
en í fyrra en stöðugildin eru álíka
mörg. Því er færri hafnað í ár.
„Við getum þó ekki metið stöð-
una fyrr en í lok sumars en tilfinn-
ing okkar er að atvinnuástandið sé
betra á almennum markaði í ár en
í fyrra,“ segir Ragnhildur Ísaks-
dóttir, mannauðsstjóri Reykjavík-
urborgar.
Farið er eftir hæfnisskilyrðum
þegar ráðið er í störfin. „Það eru
gerðar mismiklar kröfur fyrir
störfin. Til dæmis eru ströng
skilyrði fyrir leiðbeinendur í
Vinnuskólanum,“ segir Ragnhild-
ur.
- ebg
Tæplega þrjú þúsund ungmenni frá 17 ára aldri sóttu um vinnu hjá Reykjavíkurborg í sumar:
Þrettán hundruð ungmenni fá ekki vinnu
SUMARSTÖRF Reykja-
víkurborg ræður ungmenni
í afleysingar og hefðbundin
útistörf yfir sumarið.
FRÉTTABLAÐIÐ/VILHELM
DÓMSMÁL Hæstiréttur þyngdi í
gær dóm yfir Stefáni Reyni Heim-
issyni, sem Héraðsdómur dæmdi
í fyrra í sjö ára fangelsi fyrir
að nema á brott tíu ára telpu og
brjóta á henni kynferðislega. Var
dómurinn þyngdur í tíu ára fang-
elsi og miskabætur hækkaðar úr
þremur milljónum króna í fjórar.
Stefán var ákærður fyrir sifskap-
ar- og frelsissviptingarbrot auk
kynferðisbrots sem átti sér stað á
meðan á frelsissviptingunni stóð.
- rkr
Hæstiréttur þyngdi dóm:
Dæmdur í tíu
ára fangelsi
2.818
ungmenni sóttu um
sumarvinnu hjá
Reykjavíkurborg.
Save the Children á Íslandi
Um er að ræða rótgróið framleiðslufyrirtæki
sem framleiðir á innanlands og erlenda markaði.
Ef þú býrð yfir framúrskarandi hæfileikum
í mannlegum samskiptum og reynslu af verkstjórn
í matvælafyrirtæki þá ert þú hugsanlega rétt
maðurinn/konan í starfið.
Æskilegt er að viðkomandi hafi menntun sem nýtist
í starfi, svo sem matvælaverkfræði, matvælafræði
eða önnur menntun sem nýtist.
Umsóknir sendast á starf123@gmail.com
Umsóknarfrestur er til 16. Júní 2014
Matvælafyrirtæki
á höfuðborgarsvæðinu
óskar eftir að ráða verkstjóra