Fréttablaðið - 14.06.2014, Side 72

14. júní 2014 LAUGARDAGUR| HELGIN BÆKUR | 36
Úlfar hefur gefið út um tuttugu
bækur og fengið neitun frá útgef-
endum oftar en einu sinni og oftar
en tvisvar, hvað olli því að hann
tók þessa höfnun svona nærri sér?
„Dómarinn hafði rétt fyrir sér,“
segir hann snöggur upp á lagið.
„Það fannst mér ekki í hinum til-
fellunum. Í þetta sinn neyddist ég til
að horfast í augu við það að sagan
sem ég hafði eytt mörgum mánuð-
um í að skrifa var einfaldlega ekki
nógu góð.“
Uggur lýsir því hvernig Úlfari
tókst að vinna sig frá höfnuninni.
„Mér tókst að lokum að sætta mig
við það að þessi dómur yfirlesarans
var réttur og að sagan væri betur
gleymd en munuð.“
Næstu tvær bækur Úlfars á
undan Uggi, Farandskuggar og
Boxarinn, vöktu mikla hrifningu og
hlutu lof, gerði það höfnunina erfið-
ari? „Nei, ég held ekki. Ég hef ein-
hvern veginn þannig minni að þegar
ég er búinn með sögu þá hefur hún
ekki mikil áhrif á mig í framhald-
inu. Áfallið stafaði af því að ég var
búinn að vera uppundir ár að skrifa
eitthvað sem mér fannst bara harla
gott á meðan ég var að skrifa það
en sá, þegar ég komst frá því og
horfði á það með augum Godot, að
var í rauninni harla vont. Það hafði
ég ekki upplifað áður.“
Spurður hvort hann hafi tengt
þann misskilning hækkandi aldri og
óttast að hann væri búinn að missa
ritgáfuna dregur Úlfar við sig svar-
ið. „Á tímabili gerði ég það, já, en
ég held ég hafi síðan áttað mig á því
að þetta var bara alltof löng ritgerð,
ekki skáldsaga eins og ég hélt það
væri. Sagan fjallaði um siðleysi og
trúlega var höfundurinn of mikill
kennari, stjórnmálamaður og blaða-
maður og komst ekkert út úr þeim
þremur hlutverkum. Það vantaði
alveg póesíuna.“
Í Uggi kemur aftur og aftur fyrir
blanda af ótta og hálfgerðri löng-
un til þess að fá Alzheimer og geta
gleymt fortíðinni. Líður þér þann-
ig? „Nei, en það hefur af og til sótt
að mér löngun til að skrifa sögu um
mann sem þannig er komið fyrir.
Mér finnst ég heyra sífellt fleiri
sögur af fólki sem verður fyrir
þessum hrottalega sjúkdómi og ótta
margra við hann og sjálfsagt er ég
þar ekkert undanskilinn, því þessi
sjúkdómur er í mínu fólki. Ótti við
Alzheimer er held ég orðinn nokkuð
almennur og þess vegna fannst mér
áhugavert að reyna að skrifa um
hann og þá ekki síst hvernig hann
læðist að manninum sem vill fá
sjúkdóminn. Ég velti því líka fyrir
mér hvort hægt sé að gera sér hann
upp. Það gæti nefnilega verið and-
skoti góð flóttaleið fyrir þá sem eiga
eitthvað óuppgert sem þeir eru ekki
menn til að gera upp.“
Úlfar gengur töluvert nær sjálf-
um sér í Uggi en hann hefur áður
gert í bókum sínum, enda segist
hann aldrei hafa skilið að fólk ætti
alltaf að vera að gera sömu hlutina.
„Ég held að Úlfhildur Dagsdóttir
hafi dottið niður á rétta greiningu
þegar hún sagði að ég væri ham-
farahöfundur. Mér finnst að þegar
ég er búinn að skrifa um eitthvað þá
sé það afgreitt. Þessi skrif voru bara
mannbjörg.“
Þetta er ekki upptaktur fyrir
sjálfsævisögu? „Nei, nei, nei. Það
getur verið dálítið hættulegt að
segja alltaf allan sannleikann. Og
ef menn skrifa sjálfsævisögu sem
sniðgengur sannleikann, til hvers
eru menn þá að því? Það er hlegið að
játningabókum eins og Harmsögu
ævi minnar eftir Jóhannes Birki-
land þar sem hann talar bara af
þeirri einlægni og hreinskilni sem
honum er gefin. Aðrar ævisögur
eru einhvers konar yfirlit sem segja
manni ekkert annað en að viðkom-
andi er á sífelldum flótta frá sjálf-
um sér og lífi sínu. Ég held að til
að skrifa góða sjálfsævisögu þurfi
maður að nálgast Birkiland en ef
maður segir ævi sína alla þá hlýtur
maður að koma við svo marga sem
kannski missa fótanna við það að
sannleikurinn komi fram. Eins og
ég segi í Uggi þá er sumt sem maður
segir aldrei frá og sumt er í þeirri
gerjun í manni að maður getur ekki
komið því frá sér þá stundina, og
kannski aldrei.“
Einn þráðurinn í Uggi er hin
örvæntingarfulla leit að verðugu
söguefni, er líf rithöfundarins stöð-
ug leit? „Já, já, en mér finnst vond-
ur tími þegar margt sækir að mér
í einu og ég verð voðalega skotinn
í einhverri hugmynd að morgni en
svo leiðist hugsunin yfir í annað og
ég er orðinn miklu hrifnari af allt
annarri hugmynd um hádegisbil-
ið. Nú sækja til dæmis að mér þrjú
söguefni og ég er að vona heims-
meistaramótið í knattspyrnu bjargi
mér undan þessu. Ég er eiginlega
ákveðinn í því að bægja frá mér
allri hugsun og vera bara í boltan-
um næstu vikur og sjá svo til hvað
upp úr stendur að því loknu. Láta
þetta gerjast undir niðri og sjá hvað
verður drykkjarhæft að gerjuninni
lokinni.“
Friðrika
Benónýsdóttir
fridrikab@frettabladid.is
Hættulegt að segja
allan sannleikann
Uggur eft ir Úlfar Þormóðsson lýsir þeim áhrifum sem höfnun útgefanda á
handriti skáldsögu hefur á höfundinn. Skrifi n voru mannbjörg, segir Úlfar.
Ótti við Alzheimer er
held ég orðinn nokkuð
almennur og þess vegna
fannst mér áhugavert að
reyna að skrifa um hann
og þá ekki síst hvernig
hann læðist að manninum
sem vill fá sjúkdóminn.
FÆRT TIL
BÓKAR
Grikkir hafa tryggt sér útgáfurétt á
Skugga-Baldri eftir Sjón og
verður Grikkland þrítugasta
landið þar sem bókin kemur
út. Skáldsagan Skugga-
Baldur var einróma lofuð af
íslenskum gagnrýnendum
þegar hún kom út
árið 2003. Hún hlaut
Bókmenntaverðlaun
Norðurlandaráðs
árið 2005 og hefur
síðan verið þýdd á
hátt í þrjátíu tungu-
mál og tilnefnd til
fleiri alþjóðlegra
bókmenntaverðlauna.
Skugga-Baldur
í Grikklandi
Gerður Kristný leggur enn land undir
fót og verður á Akranesi dagana 23. til
27. júní. Þar mun hún stýra ritsmiðju
fyrir börn á aldrinum 9-12/13 ára á
bókasafninu. Gerður er nýkomin heim af
ljóðahátíðinni Annikki Poetry Festival í
Finnlandi en þar á undan tók hún þátt í
ljóðalestri í London og Varsjá.
Gerður Kristný
kennir ritlist
GRANDAGARÐUR 16 – SKRIFSTOFUR – áfangi 3
Auglýsing um útboð vegna endurbóta á húsnæði
Faxaflóahafnir sf. óska ef tir t ilboðum í verkið
Grandagarður 16 – skrifstofur – áfangi 3
Hér er um almennt útboð að ræða og lý tur þeim reglum sem um
það gilda.
Um er að ræða framkvæmd í vesturhluta 2. hæðar og brey tingu á
inngangi og aðliggjandi rýmum á 1.hæð. Stærð húsnæðis er
um 750 m².
Útboðið innifelur m.a. endurnýjun steyptra veggja á 1.hæð,
endurnýjun og síkkun glugga, rif á báruplasti í mæni og viðgerð
á þaki með nýju járni og þakgluggum. Einnig skal byggja svalir og
ný t t vindfang.
Útboðið innfelur einnig smíði nýrra milliveggja, innihurða og
glervegg ja, lof ta og fastra innrét tinga, endurnýjun neyslu-
vatnslagna og hita- og frárennslislagna og endurnýjun raflagna,
tölvulagna, lof træstilagna og uppsetningu öryggiskerfa.
Gert er ráð fyrir að verkinu verði skilað fullbúnu 15. desember
2014.
Útboðsgögn má nálgast ef tir kl. 9.00, mánudaginn þann 16. júní
með því að senda tölvupóst og óska ef tir því að fá sent aðgangsorð
og upplýsingar um aðgang að útboðsgögnum á netinu.
Senda skal tölvupóst á:
to: jonas@ask.is, steina@ask.is,
cc: pall@ask.is
og óska ef tir því að fá sent aðgangsorð og upplýsingar um aðgang
að útboðsgögnum á netinu.
VETTVANGSSKOÐUN VERÐUR MÁNUDAGINN 23. JÚNÍ 2014
KL. 14.00
Tilboðum skal skila á skrifstofu Faxaflóahafna sf., Tryggvagötu 17
101 R. (4 . hæð) fyrir kl. 14.00 föstudaginn 4. júlí 2014, er þau verða
opnuð að viðstöddum þeim bjóðendum sem þess óska.
Allar nánari upplýsingar um verkið gefur Steinunn Guðmundsdót tir
arkitekt í síma 515 0310 eða í tölvupósti steina@ask.is
ÚTBOÐ
George R. R. Martin mun ræða nýjustu
bók sína í Game of Thrones-seríunni á
Bókamessunni í Edinborg sem haldin
verður frá 9. til 25. ágúst. Hann er enn
að skrifa bókina sem ber heitið The
Winds of Winter og er sjötta bókin í
bókaflokknum vinsæla, væntanleg með
haustinu.
Af öðrum stórstjörnum sem verða
á bókamessunni í Edinborg má nefna
Martin Amis og Haruki Murakami, sem
báðir kynna nýjustu bækur sínar.
Búist er við um 900 þátttakendum
frá 47 löndum og ættu allir að geta
fundið höfund við sitt hæfi í Charlotte
Square Gardens í Edinborg þessar tvær
vikur.
George R. R. Martin kynnir Winds of Winter
á Bókamessunni í Edinborg í ágúst
MYND/NORDICPHOTOSGETTY
Hjartastaður, skáldsaga Steinunn-
ar Sigurðardóttur, er nýkomin út
á ensku hjá Amazon Crossing-for-
laginu bandaríska, með titlinum
Place of the Heart. Skáldsagan
hlaut Íslensku bókmenntaverð-
launin 1996 og var tilnefnd til Bók-
menntaverðlauna Norðurlanda-
ráðs.
Hjartastað er gjarnan lýst sem
„road movie“, ferðakvikmynd, en
bókin segir frá bílferð vinkvenn-
anna Hörpu og Heiðar frá Reykja-
vík austur á Fáskrúðsfjörð, ásamt
vandræðaunglingnum Eddu, dótt-
ur Hörpu. Skáldsagan er lýsing á
samskiptum þeirra, jákvæðum og
neikvæðum, auk þess sem íslensk-
ir sérvitringar og áfangastaðir á
leiðinni með landslagi og náttúru
koma mjög við sögu í Hjartastað.
Hjartastaður á ensku, Place of
the Heart, er gefin út með korti af
Íslandi og merktri leið söguhetj-
anna, ásamt tilvitnunum við valda
áfangastaði. Þar að auki hefur hún
að geyma lista með útskýring-
um þýðandans, Philips Roughton.
Ljósmynd á kápu er eftir Ragnar
Axelsson.
Hjartastaður með vegakorti
Amazon Crossing gefur út skáldsögu Steinunnar.
STEINUNN SIGURÐARDÓTTIR
Hjartastað er gjarnan lýst sem
„road movie“ eða ferðakvikmynd.
MYND/ÞORSTEINN HAUKSSON
ANDRI
SNÆR
Í LÍBANON
Útgáfuréttur á ar-
abísku á Sögunni
af bláa hnettinum
eftir Andra Snæ
Magnason hefur
verið seldur til
forlagsins Arab
Scientific Publish-
ing í Líbanon.
!
ÚLFAR ÞORMÓÐSSON
„Eins og ég segi í Uggi þá
er sumt sem maður segir
aldrei frá og sumt er í
þeirri gerjun í manni að
maður getur ekki komið
því frá sér þá stundina,
og kannski aldrei.“
FRÉTTABLAÐIÐ/VILHELM