Fréttablaðið - 14.06.2014, Qupperneq 82

14. júní 2014 LAUGARDAGUR| TÍMAMÓT | 46
Innilegar þakkir fyrir auðsýnda
samúð og hlýhug vegna andláts
og útfarar ástkærrar móður okkar,
tengdamóður, ömmu og langömmu,
MARGRÉTAR RÖGNU
JÓHANNSDÓTTUR.
Sérstakar þakkir til starfsfólks hjúkr unar-
heimilisins Markar fyrir góða umönnun.
Reynir Óskarsson Berglind Guðmundsdóttir
Hróbjartur Æ. Óskarsson Lilja Arnardóttir
Kristín Óskarsdóttir Agnar Ívar Agnarsson
Gunnar Óskarsson Sigurbjörg B. Ólafsdóttir
Margrét Óskarsdóttir Ragnar B. Bjarnarson
Hallgrímur Óskarsson Gyða Árný Helgadóttir
barnabörn og barnabarnabörn.
Elskulegur eiginmaður minn, faðir og
tengdafaðir, afi og langafi,
TRÚMANN KRISTIANSEN
áður skólastjóri á Hvolsvelli
og í Hveragerði,
andaðist á dvalarheimili Hrafnistu
í Hafnarfirði 31. maí. Útför hans fer
fram frá Kópavogskirkju mánudaginn
16. júní nk. kl. 15.00.
Birna Frímannsdóttir
Matthías Már Kristiansen Heidi Strand
Ragnheiður Kristiansen
Málfríður Klara Kristiansen Sigurður Reynir Gíslason
Kolbrún Kristiansen
barnabörn og barnabarnabörn.
Hjartans þakkir til allra ættingja og vina
sem sýndu okkur hlýhug og samúð við
andlát og útför ástkærs eiginmanns, föður,
tengdaföður, afa og langafa,
ELLERTS BJÖRNS SKÚLASONAR
verktaka,
Bergási 11, Reykjanesbæ.
Sérstakar þakkir til starfsfólksins á B2 taugalækningadeild á
Landspítala, Fossvogi, fyrir einstaka umönnun og hlýju.

Elín Guðnadóttir
Elínborg Ellertsdóttir Bjarne P. Svendsen
Vigdís Ellertsdóttir
Björn Viðar Ellertsson Helena Guðjónsdóttir
Ómar Ellertsson Árni Kr. Einarsson
barnabörn og barnabarnabörn.
Elskulegur eiginmaður minn,
faðir okkar og tengdafaðir,
KRISTJÁN FINNBOGASON
Mávahlíð 35,
lést á Landspítalanum sunnudaginn
8. júní. Útförin fer fram frá Dómkirkjunni
miðvikudaginn 18. júní klukkan 13.00.
Kristrún Magnúsdóttir
Magnús Kristjánsson Björg Hansdóttir
Jóhann Kristjánsson Kristín Andersen
Gunnar Kristjánsson Guðrún Þórisdóttir
Elskuleg eiginkona mín og móðir,
GRÉTA SOFFÍA
SIGURSTEINSDÓTTIR
Rauðumýri 17, Akureyri,
lést aðfaranótt 29. maí. Jarðarförin hefur
farið fram í kyrrþey.
Ólafur H. Ólafsson
Garðar Ingi Ólafsson
Innilegar þakkir fyrir auðsýnda
samúð og hlýhug við andlát og útför
ástkærrar móður okkar, tengdamóður,
systur, ömmu og langömmu,
JÓRUNNAR ÓLÍNU HINRIKSDÓTTUR
Stigahlíð 34.
Sérstakar þakkir til starfsfólks Grundar,
dvalar- og hjúkrunarheimilis.
Sigurlína J. Gunnarsdóttir Guðbrandur Einarsson
Lára G. Gunnarsdóttir
Vigdís Gunnarsdóttir Ágúst Karlsson
Markús Gunnarsson Ragnhildur Rögnvaldsdóttir
Sigurlín Matcke
barnabörn og barnabarnabörn.
Kærar þakkir til allra sem sýnt hafa
okkur samúð og hlýhug vegna andláts og
útfarar elskulegs eiginmanns míns, föður
okkar, tengdaföður, afa og langafa,
ÁSKELS JÓNSSONAR
Þjóðbraut 1, Akranesi.
Vigdís Björnsdóttir
Sigrún Áskelsdóttir Þórir Ólafsson
Jón Áskelsson Kristbjörg Antoníusardóttir
Nanna Þóra Áskelsdóttir
barnabörn og barnabarnabörn.

Innilegar þakkir fyrir auðsýnda samúð
og vinarhug við andlát og útför
GÍSLA JÓNS HELGASONAR
Hátúni 4, Reykjavík.
Sérstakar þakkir færum við stjórnendum
og starfsfólki Ísleifs Jónssonar ehf. fyrir alla
aðstoð og vinsemd.

Fjölskyldan.
Boðið verður upp á dansnámskeið í
Norræna húsinu dagana 19. 20. 23.
24. og 25. júní næstkomandi. Nám-
skeiðið er í boði fyrir lærða dans-
ara, dansnemendur á háskólastigi
og sviðslistafólk. Það eru Daniel
Gulko og Léa Canu Ginoux frá Cahin
Caha sem leiða smiðjuna. Ginoux
mun skoða „release“-tækni og „body
motion awareness-listening“-tækni í
gegnum formlega og tilraunakennda
þjálfun. Lögð verður áhersla á form,
bæði skipulögð og tilraunakennd,
samtal á milli líkamans og þess sem
við skynjum og upplifun orku í öllum
sínum lögum. Enn fremur verður
kannaður andardrátturinn sem upp-
spretta hreyfinga líkamans og leitast
við að ná ástandi fullkominnar með-
vitundar.
Sem viðbót við verk Ginoux mun
Daniel Gulko leiða tilraunir með
raddsvið. Í tilkynningu frá Norræna
húsinu segir að hlutarnir deili sömu
nálgun varðandi andardrátt, spuna
og persónulega tilraunastarfsemi. Á
námskeiðinu mun Daniel vinna með
tengingu andardráttar við líkam-
ann og vinnslu hljóðs og titrings sem
hreyfingarafla. - fb
Dansnámskeið verður haldið í Norræna húsinu á næstunni:
Andardrátturinn kannaður
DANIEL GULKO Leiðir tilraunir með radd-
svið á námskeiðinu í Norræna húsinu.
ÍÞRÓTTIR Sjóvá Kvennahlaup ÍSÍ
fagnar 25 ára afmæli sínu í ár. Hlaupið
fer fram í dag á 83 stöðum hérlendis og
21 stað erlendis í alls þrettán löndum,
þar á meðal á Norðurlöndunum, Spáni,
í Bandaríkjunum og Kanada.
Í gegnum þessi 25 ár hefur mark miðið
alltaf verið að fá konur til að hreyfa sig.
Á hlaupadag má sjá margar kynslóðir
sameinast og skapa góðar minningar
saman. Hver og einn fer á sínum hraða
gangandi, skokkandi, hlaupandi. Engin
tímataka er í hlaupinu og snýst hlaupið
meira um að hreyfa sig og njóta samver-
unnar í góðum félagsskap.
Í tilefni afmælisins verður gerð
heimildarmynd um kvenna hlaupið.
„Á tíu stöðum erum við með upptöku-
vélar. Við höfum fengið fólk til að
segja frá sinni upplifun af hlaupinu,
af hverju það er að taka þátt og með
hverjum,“ segir Sigríður Inga Viggós-
dóttir, sviðsstjóri almenningsíþrótta-
sviðs ÍSÍ, aðspurð. Hún bætir við að
stuttermabolunum sem konur hafa
klæðst í hlaupinu hafi verið breytt í til-
efni dagsins. „Við breyttum háls mál-
unum og færðum lógóið aftan á. Þeir
eru hreinir að framan, nema að þar
er lítið ÍSÍ-merki. Við höldum að þeir
muni lifa aðeins lengur þannig.“
Einnig voru settir á stofn göngu-
og hlaupahópar víðs vegar um landið
í tilefni afmælisins. „Við fengum til
liðs við okkur þá fjölmörgu hópa sem
eru til nú þegar og Martha Ernst dóttir
setti saman hlaupaprógramm sem
konur gátu náð í á heimasíðu okkar og
á Facebook. Það var gert til að hvetja
konur til að fara af stað.“
Spurð út í ástæðuna fyrir lang-
lífi Kvennahlaups ÍSÍ segir Sigríður
að samstaða kvenna sé aðalástæðan.
„Konur hafa verið duglegar að taka
þátt. Árið 1990 voru 2.500 sem tóku
þátt í Garðabæ og sjö stöðum úti á
landi. Í fyrra voru um fimmtán þús-
und konur sem tóku þátt og núna eru
staðirnir orðnir miklu fleiri.“
Að sögn Sigríðar líta konur ekki
aðeins á kvennahlaupsdaginn sem
hlaupadag heldur snýst hann líka um
samveruna. „Það eru oft margar kyn-
slóðir að hlaupa saman á þessum degi.
Félagsskapurinn skiptir miklu máli.“
Sjá má allar nánari upplýsingar um
hlaupið og hlaupastaði á www.kvenna-
hlaup.is. freyr@frettabladid.ism
Heimildarmynd um
Kvennahlaup ÍSÍ
Kvennahlaup ÍSÍ verður haldið í 25. sinn í dag. Hlaupið fer samanlagt fram á 104 stöðum
bæði hér heima og erlendis. Í fyrra tóku fi mmtán þúsund konur þátt.
KVENNAHLAUPIÐ Frá Sjóvá Kvennahlaupi ÍSÍ. Árið 1990 tóku 2.500 konur þátt en í fyrra hafði þeim fjölgað í fimmtán þúsund.
MARTHA ERNSTDÓTTIR Martha bjó til
hlaupaprógram fyrir þátttakendur í Kvenna-
hlaupi ÍSÍ. FRÉTTABLAÐIÐ/DANÍEL