Fréttablaðið - 28.06.2014, Blaðsíða 41
FERÐIR
LAUGARDAGUR 28. JÚNÍ 2014
Kynningarblað
Sólarströnd
Borgarferðir
Áfangastaðir fræga fólksins
Furðuleg söfn
Ráð við bílveiki
Flugfélagið EasyJet f lýgur tvisvar í viku frá Keflavík til Edinborgar. Hægt er að
fá sanngjarnt verð á flugi sé fólk
skipulagt og bóki ferðina snemma.
Skotland er fjölbreytt og skemmti-
legt land. Hér áður fyrr flykktust Ís-
lendingar til Glasgow í verslunar-
ferðir en það tekur aðeins 45 mín-
útur að fara með lestinni þangað frá
Edinborg. „Það eru margar góðar
verslanir í Edinborg og verðið sam-
bærilegt við Glasgow,“ segir Inga.
„Edinborg er minni og ekki eins
mikið stress og í Glasgow. Þess
vegna þykir mörgum notalegt að
koma hingað,“ bætir hún við.
Gengið um hálöndin
Inga rekur ferðaþjónustu á netinu
www.skotganga.co.uk. Hún var í
hálandagöngu með hópi Íslendinga
þegar blaðamaður náði í hana. Inga
býður upp á margvíslegar göngu-
ferðir um hálendi Skotlands, styttri
og lengri ferðir, auk þess sem hún er
með skoðunarferðir um Edinborg.
Þá getur hún sett upp ferðir fyrir
hópa eftir óskum.
Falleg borg
Edinborg er falleg borg. Efst á hæð í
borginni trónar Edinborgarkastali
sem er frægasti kastali Skotlands
og tákn borgarinnar. Elsti hluti
kastalans, Sánkti Margrétarkap-
ella, var byggður á tólftu öld. „Það
er ýmis legt skemmtilegt hægt að
gera í Edinborg,“ segir Inga. „Þegar
fólk kemur í stuttar borgarferð-
ir gefst kannski ekki mikill tími
en þá er um að gera að nota hann
vel. Í borginni eru þrjár verslunar-
miðstöðvar og síðan er mjög gott
„outlet“ í Livingston en þangað er
stutt að fara með lest. Mér sýnist
fólk helst vilja fara í stuttar skoð-
unarferðir, kíkja á pöbba og borða
góðan mat í borgarferðum. Ég hef
boðið upp á tveggja tíma rútuferð
um borgina og þá eru helstu staðir
skoðaðir. Einnig getur fólk valið að
fara í „city tour“ með tveggja hæða
strætó en sumir hafa kvartað yfir
að þeir skilji skoskuna ekki nægi-
lega vel. Auk þess er skemmtilegt að
skoða höllina í Edinborg og prins-
essugarðinn,“ segir Inga sem telur
að borgin sé sú fallegasta í Evrópu.
Pöbbarölt
„Skoskt kvöld er í boði með þriggja
rétta máltíð, dans, söng og sekkja-
pípum. Pöbbalífið er sömu leiðis
mjög skemmtilegt í borginni.
Pöbbarnir hafa ekkert breyst í aldir
og þar er boðið upp á góðan mat.
Margir fá sér pöbbamat í hádeginu.
Matarmenning hefur lagast mikið
á undanförnum árum og enginn
kvartar lengur yfir matnum. Jamie
Oliver hefur nýlega opnað veitinga-
hús í Edinborg og gaman er að
heimsækja þann stað auk annarra
flottra staða. Í ágúst fyllist borgin
af gestum þegar Edinborgarhá-
tíðin stendur yfir. Það eru óhemju
mörg söfn í Edinborg og það er
ókeypis inn á mörg þeirra,“ segir
Inga. „Skotar eru skemmtilegt og
gott fólk. Þeir taka vel á móti ferða-
mönnum.“
„Það eru margvíslegar dags ferðir
um hálendi Skotlands í boði. Ég hef
einnig farið með ferðamenn til að
skoða vatnaskrímslin í Falkirk en
það eru risastór listaverk sem þar
hafa verið sett upp. Þá höfum við
skoðað Forth-brúna sem er frægt
kennileiti.“ Inga segir að auðvelt
sé að ferðast í lest frá Edinborg vilji
fólk fara til Englands. „Það er ekki
langt til York og margra annarra
frábærra staða. Það er vel hægt að
koma í menningar- eða verslunar-
ferð til Edinborgar en það er líka
hægt að spila golf.“
Menning og munaður í Edinborg
Inga Geirsdóttir hefur búið í Edinborg í tólf ár. Hún er leiðsögumaður og segir margt skemmtilegt í boði fyrir ferðamenn í Edinborg.
Inga Geirsdóttir hefur búið í Edinborg í
tólf ár.
Það er hægt að fara í skoðunarferð um borgina með tveggja hæða strætó eða fara í rútuferð með Ingu. Hún segir að Skotar séu gott og skemmtilegt fólk sem hafi gaman af því að taka á móti ferðamönnum. Edinborgarhátíðin er í
ágúst. Þá flykkjast ferðamenn til borgarinnar og hótelgisting hækkar í verði. MYND/VISITSCOTLAND
FLJÚGÐU Á FESTIVAL
MEÐ FLUGFÉLAGI ÍSLANDS
BÓKAÐU
TÍMANL
EGA Á
FLUGFE
LAG.IS
ÞJÓÐHÁTÍÐ Í EYJUM
Vestmannaeyjum (1. - 4. ágúst)
NEISTAFLUG
Neskaupstað (1. - 4. ágúst)
MÝRARBOLTI
Ísafirði (1. - 4. ágúst)
EIN MEÐ ÖLLU
Akureyri (31. júlí - 4. ágúst)
LUNGA
Seyðisfirði (13. - 20. júlí)
BRÆÐSLAN
Borgarfirði eystri (26. - 28. júlí)
EISTNAFLUG
Neskaupstað (10. - 12. júlí)