Fréttablaðið - 28.06.2014, Side 10

28. júní 2014 LAUGARDAGUR| FRÉTTIR | 10
ORKUMÁL Frá áramótum hefur
fjórum sinnum þurft að grípa til
skerðingar á raforku til fyrirtækja
á svæðinu frá Eyjafirði í norðri
og til Djúpavogs í austri. Ástæða
skerðingarinnar er sú að byggða-
línan annar ekki því álagi sem er
á henni og hún getur ekki annað
eftirspurn. Þetta kemur sér afar
illa fyrir fyrirtæki á Norður- og
Austurlandi. Í sumum tilvikum
hefur tilkynning borist til fyrir-
tækja aðeins fjórum tímum áður
en raforka er skert til þeirra.
Þrátt fyrir að byggðalínan hafi
ekki annað álaginu á norðaustur-
horni landsins var álagið minna
en venjulega á þessum tíma. Til
að mynda veiddist lítið af loðnu
í febrúar og mars. Það hafði þau
áhrif að loðnubræðslur á Aust-
urlandi þurftu ekki eins mikið
rafmagn og við það var álag-
ið á byggðalínuna minna en ella.
„Horfa verður á orkuflutninga
milli landshluta sem einn hluta
af samgöngukerfinu,“ segir Íris
Baldursdóttir, deildarstjóri kerf-
isstjórnar og markaðar Landsnets.
Flutningsgeta byggðalínunnar
er ekki nægjanlega mikil milli
landshluta. Byggðalínan á að sinna
öllum notendum kerfisins og fram-
kvæmdir til styrkingar byggða línu
eru notendum alls staðar á landinu
til hagsbóta.
„Flutningsgeta byggðalínunn-
ar er ekki nema um fimm prósent
af öllu því rafmagni sem notað er
hverju sinni sem þýðir að línan
býður ekki upp á mikinn sveigjan-
leika, jafnt fyrir framleiðendur
rafmagns sem vilja geta selt raf-
orku um allt land, sem og fyrir
fyrirtæki og einstaklinga víðs
vegar um landið sem vilja búa við
trygga orku,“ segir Íris.
Mjólkursamlagið á Akureyri býr
við ótryggan orkuflutning og kom
fram í máli Kristínar Halldórs-
dóttur að fyrirtækið hefði aðeins
fengið fjögurra tíma fyrirvara
þegar ein skerðingin átti sér stað
í vor. Að hennar mati hefði þetta
verið afar lítill fyrirvari og ekki
nægjanlegur nema til að stöðva
framleiðslu um tíma í samlaginu.
Íris segir þetta eiga sér þá skýr-
ingu að vilji Landsnets sé sá að
skerða sem allra minnst raforku
til notenda. Ef Landsnet þyrfti að
spá fram í tímann þá væru eflaust
skerðingarnar fleiri en ella. Af
þeim sökum þurfi því stundum að
grípa til skerðingar með stuttum
fyrirvara. Landsnet skilji samt
sem áður áhyggjur fyrirtækja á
svæðunum og reyni að gera allt til
að orkan verði skert sem sjaldnast
og það vari í eins stuttan tíma og
þurfa þykir í hvert sinn.
sveinn@frettabladid.is
Flutn-
ingsgeta
byggðalínunn-
ar er ekki
nema um
fimm prósent
af öllu því
rafmagni sem notað er
hverju sinni sem þýðir að
línan býður ekki upp á
mikinn sveigjanleika.
Kristín Halldórsdóttir,
mjólkurbússtjóri á Akureyri
EVRÓPUMÁL Viktor Orban, forsæt-
isráðherra Ungverjalands, var sá
eini sem David Cameron, forsæt-
isráðherra Bretlands, tókst að fá
til liðs við sig þegar greidd voru
atkvæði um næsta forseta fram-
kvæmdastjórnar Evrópusam-
bandsins.
Jean-Claude Juncker frá Lúxem-
borg varð fyrir valinu þrátt fyrir
harða andstöðu Camerons, sem
hafði vikum saman reynt hvað
hann gat til þess að fá hina leið-
togana til að fallast á aðra lausn.
Þegar á reyndi hafði Juncker
stuðning 26 ríkja af 28.
„Þetta er slæmur dagur fyrir
Evrópu,“ höfðu fjölmiðlar eftir
Cameron í gær, en hann sagðist
þó líta svo á að hann hefði aðeins
tapað orrustu en ekki stríðinu.
Angela Merkel Þýskalandskansl-
ari hafði gefið Cameron vonir um
að hún myndi geta fallist á annan
mann í embættið, en hélt sig á end-
anum við þann sem hún upphaf-
lega studdi, nefnilega Juncker.
Þá voru það vonbrigði fyrir
Cameron að hvorki Fredrik Rein-
feldt né Helle Thorning-Schmidt,
forsætisráðherrar Svíþjóðar og
Danmerkur, stóðu með honum.
Andstaða Camerons við Junck-
er er byggð á því að hann muni
leggja alla áherslu á að fá Evrópu-
sambandinu meiri völd á kostn-
að aðildarríkjanna. Þetta gengur
þvert á þau loforð sem Cameron
Þetta
er slæmur
dagur fyrir
Evrópu.
David Cameron,
forsætisráð-
herra Bretlands
HÚSNÆÐI
ÓSKAST TIL LEIGU
Viðlagatrygging Íslands óskar eftir að taka á leigu skrifstofuhúsnæði á
höfuðborgarsvæðinu. Miðað er við að húsnæðið verði tekið á langtímaleigu,
fullbúið til notkunar, án lauss búnaðar
Miðað er við afhendingu þann 1. desember 2014.

Húsrýmisþörf stofnunarinnar er áætluð um 170-350m².
Húsnæðið skal vera hefðbundið skrifstofu- og þjónustuhúsnæði.

Fyrirspurnir varðandi verkefnið skulu sendar á netfangið
vidlagatrygging@vidlagatrygging.is, merktar“Skrifstofuhúsnæði VTÍ”.
Frestur til fyrirspurna rennur út fimmtudaginn 10. júlí 2014,
svör við fyrirspurnum verða send fyrir 15. júlí 2014.

Húslýsing og upplýsingar um gögn sem fylgja skulu tilboði má finna á heimasíðu
Viðlagatryggingar Íslands: www.vidlagatrygging.is

Leigutilboðum skal skila til Viðlagatryggingar Íslands, Borgartúni 6, 105 Reykjavík,
eigi síðar en mánudaginn, 21. júlí 2014. Merkt : Leiga á húsnæði fyrir Viðlagatryggingu Íslands.
VÆNGIR
OG RIF VÆNGIR OG RIF 1990kr.
MIÐAÐ VIÐ TVO EÐA FLEIRI
HOT AND STICKY SVÍNARIF / THAI KJÚKLINGAVÆNGIR
STEIKT HRÍSGRJÓN / HRÁSALAT / SWEET CHILLI SÓSA
Hringdu nú
na!
Sæktu eða f
áðu
matinn send
an heim
588 9899
Á
M
A
N
N
Loðnuvertíðin
hafði áhrif á
byggðalínuna
Byggðalína er svo löskuð að lítil veiði á loðnu varð þess
valdandi að skerðing á raforku var minni en gert var
ráð fyrir. Flutningsgeta byggðalínunnar er aðeins fimm
prósent af öllu því rafmagni sem notað er hverju sinni.
UNNIÐ VIÐ RAFLÍNUR Raforka hefur verið skert í fjórgang frá áramótum. Afkasta-
geta byggðalínunnar er ekki nægjanleg. FRÉTTABLAÐIÐ/VILHELM
Leiðtogaráð ESB vill að Juncker verði forseti framkvæmdastjórnarinnar:
Vilji Camerons var hundsaður
ÓSÁTTUR Í
BRUSSEL
David Cameron
mætir til
leiðtogafundar
í gær.
FRÉTTABLAÐIÐ/AP
hefur gefið Bretum um að hann
ætli að berjast fyrir því að aðild-
arríkin fái aftur til baka eitthvað
af þeim völdum sem framseld hafa
verið til Brussel.
Cameron er einnig afar ósáttur
við það nýja fyrirkomulag að Evr-
ópuþingið ráði úrslitum um valið
á forseta framkvæmdastjórnar-
innar.
„Ég hef sagt leiðtogum ESB að
þeir gætu átt eftir að sjá eftir þess-
ari nýju aðferð við að velja forseta
framkvæmdastjórnarinnar,“ skrif-
aði Cameron á Twitter-síðu sína í
gær. „Ég mun alltaf taka málstað
Bretlands.“
Juncker er talinn eiga vísan
stuðning yfirgnæfandi meirihluta
hins nýkjörna Evrópuþings, en
þingið mun taka afstöðu um miðj-
an næsta mánuð. - gb