Fréttablaðið - 12.07.2014, Blaðsíða 28

FÓLK|HELGIN
Sigrún Kristbjörg hefur stofnað Brasilíukvartett sem kemur fram í fyrsta
skipti um næstu helgi, 19. júlí, á
Jómfrúnni í Lækjargötu. „Æfingar
hafa staðið yfir undanfarið en
með mér verða Ásgeir J. Ás-
geirsson, gítar, Andri Ólafsson,
kontrabassa og Matthías Hem-
stock, trommur og slagverk. Ég
á von á að öll þessi helgi fari í
æfingar og undirbúning fyrir tón-
leikana um næstu helgi, enda er
þetta í fyrsta skipti sem bandið
kemur fram,“ segir hún.
Sigrún stundaði nám í Cod-
arts-listaháskólanum í Rotter-
dam. „Í þessum skóla er sirkus-,
dans- og tónlistardeild, sú
síðastnefnda með hefðbundinni
klassík, djassi og heimstónlist
sem ég valdi. Í henni er deild
með suðuramerískri tónlist sem
hefur alltaf heillað mig. Þegar ég
var búin að spila suðurameríska
og kúbverska tónlist í fjögur
ár var borðleggjandi að fara til
Brasilíu og spila með þarlendum
hljómsveitum. Í gegnum námið
í Hollandi kynntist ég mörgum
tónlistarmönnum frá Brasilíu
og ég átti inni heimboð vítt og
breitt. Ég fór til Ríó, Sao Paulo
og Belo Horizonte þar sem ég
spilaði með píanóleikara sem
heitir Marcos Souze, en hann lék
hér á landi með mér í síðustu
viku á stofutónleikum hjá Begga
og Pacas. Við fluttum tónlist eftir
hann og föður hans Chico Mário,
þekkt tónskáld frá Brasilíu, með
Þórdísi Gerði Jónsdóttur, selló,
Andra Ólafssyni, bassa, Elizabeth
Fadel, píanó og slagverk og Hel-
mut Riebl, fiðlu,“ segir Sigrún.
Á KARNIVALI Í RÍÓ
Sigrún stofnaði básúnukvartett í
Ríó með góðum vini sínum Jonas
Correa. „Hann er básúnuleikari
og tónskáld frá Ríó,“ segir hún.
„Kvartettinn heitir Encontro og
er með tveimur öðrum frábærum
básúnuleikurum frá Ríó, Ever-
son Moraes og Thiago Osorio.
Ég byrjaði ferðina á að taka upp
nokkrar útsetningar eftir okkur
í stúdíói þar, en núna er kvart-
ettinn í smá dvala. Hann tekur
síðan aftur til starfa í janúar en
þá ætla ég aftur til Brasilíu. Við
spilum brasilísk lög í okkar eigin
útsetningum.“
Sigrún segir að það hafi verið
algjör draumur að koma til Brasi-
líu. „Gestrisni er varla nógu stórt
orð til að lýsa því hversu vel var
tekið á móti mér. Ég fékk tækifæri
til að spila á alls kyns stöðum,
til dæmis á karnivalinu í Ríó í
febrúar sem var einstakt. Einnig
spilaði ég á tónleikum með stór-
sveit í Sao Paulo sem heitir Zerro
Santos big band project. Sú
hljómsveit hefur verið starfandi
í meira en tuttugu ár. Brasilía
er stórt land og þar eru margar
tónlistarstefnur, það eru til 130
ryþmar í þessu tónlistarlandi.
Það var stórkostlegt að upplifa
músíkina í réttu umhverfi. Þetta
var toppurinn fyrir mig,“ útskýrir
hún.
Sigrún byrjaði ferðina með
hollenskri skólasystur sinni,
Floor Polder, sem er flautuleik-
ari. „Við höfðum sömu markmið
þegar við héldum til Brasilíu en
ferðin var farin svolítið blind-
andi. Eitt leiddi bara af öðru.
Eftir námið var eiginlega borð-
leggjandi að fara og kynnast
músík inni í sínu rétta umhverfi.
Það er til dæmis töluvert öðru-
vísi að spila karnivaltónlist þar
sem hátíðin fer fram en í rigning-
unni í Hollandi.“
MÓTMÆLTU HM
Á meðan Sigrún dvaldi í Brasilíu
var undirbúningur fyrir HM á
fullu í landinu. „Það var einstakt
að upplifa undirbúninginn en
ég hef aðra sýn á keppnina en
þeir sem heima sitja og horfa
á sjónvarpið. Vöruverð hækk-
aði til dæmis mikið þegar leið
að keppninni, jafnt á matvörum
sem almenningssamgöngum.
Mótmæli voru víða á götum og
verkföll áberandi. Ég hef því
frekar sterkar skoðanir á FIFA
en hef engu að síður fylgst með
keppninni,“ segir hún.
Tónleikarnir á Jómfrúnni eftir
viku eiga hug Sigrúnar allan
þessa dagana og hún hlakkar til
að skemmta Íslendingum. „Þetta
er fjörug og skemmtileg músik.
Tónleikarnir eiga eftir að koma
gestum í gott skap og vonandi
hreyfa þeir sig í takt við tónlist-
ina.“
FLEIRI TÓNLEIKAR
Sigrún var ung þegar hún byrj-
aði að læra á fiðlu og básúnu í
Tónlistarskólanum í Hafnarfirði.
„Foreldrar mínir leika á hljóð-
færi þótt það sé ekki opinber-
lega og sömuleiðis systkini mín.
Það kom því aldrei annað til
greina en að ég færi líka í tón-
listarnám,“ segir hún. „Ástæðan
var ekki sú að ég væri einstakt
hæfileikabarn heldur miklu
frekar að námið þótti sjálfsagt á
heimilinu.“
Sigrún segist sjá mikla breyt-
ingu á Reykjavík á þeim fimm
árum sem hún var í burtu en
hún kom sjaldan heim á þessum
árum. „Það hefur komið á óvart
hversu mikil fjölgun ferðamanna
er hér,“ segir hún. Sigrún segist
stefna á Brasilíu eftir áramótin
í þrjá mánuði. Hún er afar sátt
við að áhugi á suðuramerískri
tónlist er mikið að aukast hér á
landi og vonast til að það verði
fleiri tónleikar hjá Brasilíuband-
inu á næstunni. ■ elin@365.is
SJÓÐHEIT SAMBA
FRÁ BRASILÍU
HEILLANDI HEIMUR Sigrún Kristbjörg Jónsdóttir, fiðlu- og básúnuleikari, er
nýflutt heim eftir fjögurra ára tónlistarnám í Hollandi. Þar lagði hún áherslu á
suðurameríska tónlist. Eftir nám dvaldi hún í fimm mánuði í Brasilíu.
M
Y
N
D
/A
RN
ÞÓ
R
FJÖR Í MIÐBÆNUM
Sigrún Kristbjörg Jóns-
dóttir, fiðlu- og bás-
únuleikari, verður með
tónleika á Jómfrúnni um
næstu helgi.
BEINT FRÁ BRASILÍU Þessi mynd var tekin af Sigrúnu þegar hún ferðaðist um Brasilíu
og lék þar á tónleikum.
Vertu vinur okkar á Facebook
Útsala
30% afsláttur
THE MORE
YOU USE IT
THE BETTER
IT LOOKS