Fréttablaðið - 12.07.2014, Blaðsíða 16

12. júlí 2014 LAUGARDAGUR| HELGIN | 16
Nú er ár liðið frá því Róbert Wessman, for-stjóri lyfjafyrirtækis-ins Alvogen, lenti í hjólreiða slysi. Hann slasaðist alvarlega og
brotnuðu meðal annars tveir efstu
hryggjarliðirnir. Róbert man ekk-
ert eftir slysinu. Hann lá meðvit-
undarlaus í götunni eftir að hafa
hjólað á 47 kílómetra hraða aftan á
kyrrstæðan bíl. Hann lá í tólf daga
á spítala eftir slysið og var rúmfast-
ur í þrjá mánuði heima. Hann segir
bataferlið hafa verið erfitt en lær-
dómsríkt og að forgangsröðunin
hafi breyst eftir slysið.
Róbert stundaði á þessum tíma
hjólreiðar af miklu kappi og gekk
vel í keppnum hér heima og erlend-
is. Eins og flestir þekkja hafði hann
einnig náð miklum árangri í við-
skiptalífinu, en aðeins 29 ára var
hann ráðinn forstjóri lyfjafyrir-
tækis ins Delta sem síðar varð
Actavis. Þessi kappsami maður varð
að vera rúmliggjandi í rúma hund-
rað daga vegna slyssins. „Ég gerði
ekki ráð fyrir því að lenda í slysi,“
segir hann og bætir því við að gildis-
mat hans hafi breyst í kjölfarið.
Róbert nálgaðist endurhæfinguna
eins og verkefni sem hann leysti
með góðri hjálp eiginkonu sinnar.
Hann er þakklátur mörgum fyrir
hjálpina; fjölskyldu, vinum og sam-
starfsmönnum sem tóku á sig aukna
ábyrgð í fjarveru hans. Hann er nú
kominn aftur á fulla ferð og segist
ekki hugsa mikið um að hlutirn-
ir hefðu getað endað öðruvísi. „En
ég held að bæði ég sjálfur og allir
læknarnir sem önnuðust mig séu
sammála um að ég hafi verið ein-
staklega heppinn.“
Man lítið eftir slysinu
Róbert man lítið eftir slysinu og
hefur notað Garmin-úr og önnur
tæki sem hann var með á hjólinu til
að kortleggja ferðir sínar fyrir slys-
ið. „Ég man fyrst eftir mér þegar
ég er í sjúkrabílnum. Ég missti með-
vitund í einhvern tíma. Ég rankaði
víst við mér rétt áður en sjúkrabíll-
inn kom en man ekkert eftir því.
En þeir sem komu að mér pöss-
uðu upp á að ég hreyfði mig ekki.
Ég var með óstöðugt hryggbrot.
Það þarf mjög lítið til að mænan
skaðist við þannig aðstæður og að
maður lamist. Ég var því heppinn
að menn pössuðu vel upp á það. Svo
sá ég á Garmin-tækinu að það tók
um klukkustund að koma mér fyrir í
sjúkrabílnum. Þeir hafa séð hvað ég
var alvarlega slasaður og tóku sér
greinilega góðan tíma. Ég hef ekki
hitt þá sem komu mér til aðstoðar
eftir slysið en vil þakka þeim fyrir
að hafa passað vel upp á mig.“
Góður tími þrátt fyrir allt
„Enginn óskar þess að lenda í svona
alvarlegu slysi og vera rúmfastur í
þrjá mánuði. En þrátt fyrir það var
þetta að mörgu leyti góður tími. Ég
var til dæmis alltaf heima þegar
börnin mín komu úr skólanum sem
ég hef aldrei áður haft tækifæri til.
Vegna vinnu minnar hef ég verið
mikið á ferðalögum erlendis og gat
því eytt meiri tíma með eiginkonu
minni og börnum. Þó að þetta hafi
verið erfiður tími þá var hann samt
gefandi og jákvæður,“ segir Róbert
Wessman um tímann sem hann var
rúmfastur eftir slysið.
Hann er þakklátur fyrir alla
hjálpina sem hann fékk frá fjöl-
skyldu og vinum í kjölfar slyssins
og þakkar þar sérstaklega eigin-
konu sinni, Sigríði Ýr Jensdóttur
lækni. Hún tók sér þriggja mán-
aða frí frá vinnu til að hugsa um
Róbert. „Hjálpin hennar var algjör-
lega ómetanleg og ég hefði átt erfitt
með að komast í gegnum þetta án
hennar.
Dagarnir eru lengi að líða þegar
maður er rúmliggjandi og með
mikla verki. Mikilvægast fannst
mér að vera jákvæður og trúa því að
þetta færi allt vel að lokum, án þess
þó að vita nákvæmlega hvar þetta
myndi enda.“ Róbert rifjar upp einn
af löngu dögunum þegar hann var
rúmliggjandi. „Ég taldi dagana og
þessir þrír mánuðir voru eins og
heil eilífð. Ég man enn þegar eigin-
konan kom inn til mín og sagði mér
að nú væru fimmtán dagar liðnir af
rúmlegunni. Ég hélt að þeir væru
sextán og þarna örlaði sennilega á
tár á kinn yfir því að hafa tapað heil-
um degi á þessu langa þriggja mán-
aða ferðalagi.“
Róbert var fljótt farinn að senda
tölvupóst á samstarfsmenn, en hann
fékk búnað til að halda spjaldtölvu
fyrir ofan rúmið sitt og gat skrifað
þar sem hann lá á bakinu. „Ég var í
daglegu sambandi við nokkra lykil-
starfsmenn fljótlega eftir að ég kom
heim af Landspítalanum enda mikið
að gerast hjá Alvogen á þessum
tíma. Flestir tölvupóstarnir sem ég
sendi voru mjög stuttir og laggóðir
en áttu það flestir sameiginlegt að
vera illskiljanlegir vegna stafsetn-
ingarvillna. Það þurfti því oft fleiri
en einn til að ráða í táknmálið.“
Varð ungur forstjóri
Róbert var aðeins 29 ára þegar
hann var ráðinn forstjóri lyfja-
fyrirtækisins Delta, sem síðar
varð Actavis, eftir að hafa starf-
að hjá Samskipum frá því að hann
útskrifaðist úr háskóla. Á aðeins sjö
árum var Actavis komið í hóp fjög-
urra stærstu samheitalyfjafyrir-
tækja heims. „Fyrirtækið óx hratt
en skapaði líka mikil verðmæti
fyrir íslenskt atvinnulíf. Það voru
um 100 starfsmenn hjá fyrirtæk-
inu árið 1999 en árið 2007 voru þeir
11.000 talsins í fjörutíu löndum og
fyrirtækið skilaði líka miklum arði
til íslenskra fjárfesta og lífeyris-
sjóða.“
Vill endurtaka leikinn
Róbert varð forstjóri Alvogen árið
2009 eftir að hafa leitt uppbygg-
ingu Actavis. Hann segir það hafa
blundað í sér að byggja upp leiðandi
alþjóðlegt lyfjafyrirtæki á nýjan
leik. „Uppbygging Actavis var
draumi líkust en ég var meðvitaður
um að það yrði mun stærri áskor-
un að endurtaka leikinn. Umhverfið
var mikið breytt, mikil samþjöpp-
un hafði átt sér stað og samkeppnin
harðnað. Við settum strax stefnuna
á að koma Alvogen í fremstu röð og
það hefur gengið mjög vel. Fyrir-
tækið var aðeins starfandi í Banda-
ríkjunum þegar ég kom að því en
er í dag í 34 löndum, með um tvö
Kominn aftur á fulla ferð
Róbert Wessman lenti í alvarlegu hjólreiðaslysi fyrir ári. Hann segir bataferlið hafa verið erfitt en einnig gefandi. Hann
þakkar eiginkonu sinni fyrir dyggan stuðning og segist vera skilningsríkari eftir reynsluna. Samhliða endur hæfingunni
hefur Róbert byggt upp samheitalyfjafyrirtækið Alvogen og hann vill að Ísland spili stórt hlutverk í vexti þess.
LEIT Á BATAFERLIÐ SEM VERKEFNI Róbert var lengi rúmliggjandi eftir slysið. Hann leit á endurhæfinguna sem verkefni sem hann kláraði með góðri hjálp eiginkonu sinnar.
FRÉTTABLAÐIÐ/VILHELM
Kjartan Atli
Kjartansson
kjartanatli@frettabladid.is