Fréttablaðið - 12.07.2014, Blaðsíða 50

12. júlí 2014 LAUGARDAGUR| HELGIN KRAKKAR | 26
TEIKNAR ÞÚ
FLOTTAR
MYNDIR?
Sendu okkur myndina þína í pósti til
Fréttablaðsins, Skaft ahlíð 24, 105 Reykjavík
eða með tölvupósti á krakkar@frettabladid.is
Heilabrot
Að venju efna Borgarbókasafn og Reykjavík Bókmenntaborg til sumarlesturs á meðal barna. Fyrir hverja lesna bók skrá les-
endur nafn sitt og titil bókarinnar á þar til gerða miða og skila í kassa sem eru í öllum söfnum Borgarbókasafns. Vikulega
er dregið eitt nafn úr kassanum og Lestrarhestur vikunnar útnefndur, sem hlýtur bók að launum frá Forlaginu.
Katrín Svana 13 áraLestrarhestur vikunnar
Katrín Svana er í Norðlingaskóla og byrjar í 8.
bekk í haust. Hún fer oft á bókasafnið í skólan-
um sínum og segist vera búin að lesa allar bæk-
urnar sem til eru þar og hana langi til að lesa.
Katrín Svana kemur því oft á Borgarbókasafnið í
Árbænum þar sem úrvalið er meira. Hún fer líka
oft í bókabílinn. Helstu áhugamál Katrínar eru
hestar, dans og píanó. Þessa vikuna er hún á reið-
námskeiði en á veturna æfir hún hipphopp-dans
í Dansskóla Brynju Pétursdóttur. Skemmtileg-
ast finnst Katrínu að lesa spennusögur, Syrpu og
Andrésar andar-blöð. Fyrsta bókin sem Katrín man
eftir að hafi verið í uppáhaldi hjá henni fjallaði um
stelpu sem átti hund en hún var að fara með köku
til ömmu sinnar. Þetta var lítil myndasaga fyrir
börn sem Katrín hafði mikið dálæti á og skoðaði
aftur og aftur. Síðasta bókin sem Katrín Svana las
var bókin „Flöskuskeytið“ eftir Sigríði Dúu Golds-
worthy. Hún
fjallar um
stelpu sem
finnur flösku-
skeyti sem
hún hafði
sjálf sent.
Í kjölfar-
ið ákveður
stelpan að
halda dag-
bók og senda
hana sem
flöskuskeyti. Mjög skemmtileg bók að mati Katr-
ínar. Katrín er byrjuð að lesa bókina sem hún
fékk í verðlaun í Sumarlestrinum, Múrinn eftir Sif
Sigmarsdóttur, og segir hana lofa mjög góðu og
hlakkar til að halda lestrinum áfram.
LOFAR GÓÐU Katrín Svana er byrjuð að
lesa Múrinn eftir Sif Sigmarsdóttur sem
hún fékk í verðlaun í sumarlestrinum.
1. Hvaða atriði var eftirminni-
legast í sýningunni? Ástarsyrp-
an, því leikararnir fléttuðu þekkt
íslensk lög svo skemmtilega inn
í atriðin.
2. Hvaða persóna í leikritinu
fannst þér skemmtilegust og
af hverju? Hrói höttur, hann var
alltaf fyndinn og Jóhann prins
líka.
3. Hvernig fannst þér lögin í
sýningunni? Mjög skemmtileg
því þau tengjast svo skemmti-
lega saman við persónurnar.
4. Þekktirðu söguna um Hróa
hött áður en þú fórst? Ekki
alveg, eitthvað, ég vissi að hann
hafði hjálpað fátækum.
5. Var eitthvað sem kom þér
á óvart? Nei, man ekki eftir
neinu.
6. Hvernig túlkar þú boðskap
sýningarinnar? Að allir séu
góðir og að græðgi borgar sig
ekki.
7. Myndirðu fara á þessa sýn-
ingu aftur? Jahá, ekki spurning!
8. Hvernig myndirðu lýsa sýn-
ingunni með þremur orðum?
Flott, skemmtileg, fyndin.
9. Hvernig fannst þér búning-
arnir? Mjög flottir, sérstaklega
kjóllinn hennar Þyrnirósar.
10. Hvaða ævintýri viltu sjá
næst frá leikhópnum Lottu?
Oliver Twist og Litlu stúlkuna
með eldspýturnar.
Krakkarýni
Kjóllinn hennar
Þyrnirósar fl ottastur
Hekla Ragnarsdóttir
ÞRJÚ Í STUÐI Hér er Hekla vinstra megin ásamt systur sinni, Sölku, og leikaranum
Stefáni Benedikt.
LÖGIN SKEMMTILEG Hekla hafði gaman af lögunum í sýningunni.
Leikritið Hrói höttur með Leikhópnum Lottu
✰✰✰✰✰
1. Ég er karlmaður og heiti það sem hópur fólks er. Hvert er nafn mitt?
2. Hvaða föt þola bleytuna best?
3. Ég er nytsamlegur hlutur og þú togar oft í mig. Það gengur vel ef
þú ferð varlega, annars stansa ég stundum og fer út af brautinni.
Hver er ég?
4. Ég er ekki tré, en ber þó blöð. Ég blómstra ekki en ber þó ávöxt.
Ég er safalaus en þó fóðra ég þig. Ég er líflaus en þó geri ég marga
ódauðlega. Hver er ég?
Svör: 1. Lýður. 2. Vaskaföt. 3. Rennilás. 4. Bók.
Bragi Halldórsson
104
Svar: Spírallinn sem er hægra megin er búinn til úr tveimur reipum.
„Þvílík þraut,“ stundi Kata. „Það fer bara allt að hringsnúast
fyrir augunum á mér við það að horfa á hana. Konráð varð að
viðurkenna að hann fékk smá svima við að horfa á þrautina.
En Lísaloppa lét sér ekkert bregða. „Þrautin er þessi, sagði hún.
„Annar spírallinn er búinn til úr einu reipi sem er fest saman á
endunum, en hinn spírallinn er búin til úr tveimur reipum sem
fest eru saman á endunum,“ bætti hún við. „Hvor spírallinn er
settur saman úr tveimur reipum?“ Kata tók um magann.
„Þið megið leysa þessa þraut, ég er komin með svima.“
Getur þú séð hvor spírallinn er settur saman úr tveimur reipum?