Fréttablaðið - 17.07.2014, Page 6

17. júlí 2014 FIMMTUDAGUR| FRÉTTIR | 6
1. Hverjir vilja sameinast Stranda-
byggð og Reykhólahreppi?
2. Hvaða söngleik leikstýrir Jökull
Ernir Jónsson í Los Angeles?
3. Hvað eru mörg sveitarfélög í land-
inu?
SVÖR:
1. Dalamenn 2. Um Mjallhvíti 3. 74.
VEISTU SVARIÐ?
Göngugreining
Pantaðu
tíma
í síma
5173900
Orkhúsinu / Suðurlandsbraut 34 / 517 3900
Vandamál sem göngugreining Flexor getur
hjálpað til við að leysa eru til dæmis:
• þreytuverkir og pirringur í fótum
• verkir í hnjám
• sársauki eða eymsli í hælum
(hælspori, „plantar fasciitis“ o.fl.)
• beinhimnubólga
• óþægindi eða verkir í baki
og/eða mjöðmum
• verkir í tábergi og/eða iljum
• hásinavandamál
• óþægindi í ökklum
• þreytu- og álagsverkir
hjá börnum og unglingum
Ábendingahnappinn má finna á
www.barnaheill.is
HEILBRIGÐISMÁL Þórarinn Tyrfings-
son, framkvæmdastjóri meðferðar-
sviðs á Vogi, segir að á Íslandi sé
ágætiskerfi fyrir áfengis- og vímu-
efnasjúklinga í samanburði við
aðrar þjóðir. Það séu aftur á móti
augljósir ágallar sem þurfi að laga.
Þórarinn er einn þeirra sem eiga
sæti í nefnd heilbrigðisráðherra um
aukin réttindi vímuefnasjúklinga.
Fréttablaðið greindi frá skipun
nefndarinnar í gær.
„Það eru ekki réttar áherslur í
því hvernig er verið að eyða pen-
ingunum. Við erum að eyða mikl-
um peningum í að halda fólki, sem
hefur brotið vímuefnalöggjöfina, í
langri fangelsisvist. Og eyða mikl-
um peningum í rannsókn og refs-
ingu í þeim málum, sem gefur ekki
mikinn árangur þegar á heildina
er litið. Við mættum verja þessum
peningum á annan og skynsamlegri
hátt,“ segir Þórarinn. Hann bendir
á að mikill munur sé á því að hafa
hlutina löglega og hafa þá refsi-
verða. „Við höfum nú lengi talað
um að það ætti ekki að vera brot á
hegningarlögum þegar menn væru
að nota fíkniefni,“ segir hann.
Þórarinn segir að það þurfi líka
miklu meira fjármagn í skaða-
minnkunaraðgerðir. „Stærsta og
mesta skaðaminnkunarmeðferð-
in er viðhaldsmeðferð við ópí-
umfíkn sprautufíkla. Það þarf
að fjármagna það. Það er mesta
skaða minnkunin og skiptir mestu.
Síðan þurfum við að leggja meiri
áherslu á að skima fyrir fylgikvill-
um hjá þeim sem eru í neyslu,“
segir hann.
Þá bendir Þórarinn á að það
þurfi að vera gott aðgengi að
sprautubúnaði fyrir sprautusjúk-
linga. „Þá eru það nú tvær leiðir.
Aðalleiðin, sem flestar þjóðir sem
standa sig vel hafa farið, er að
vera með aðgengi í gegnum lyfsöl-
ur eða almennar verslanir þar sem
fólk getur bara labbað inn og náð í
þennan búnað endurgjaldslítið eða
endurgjaldslaust. Við höfum stað-
ið okkur vel í þessu en þurfum að
gera enn betur. Síðan að þetta sé
aðgengilegt á þeim stöðum þar sem
neyslan fer fram,“ segir hann.
Þórarinn segir að þegar hugað sé
að vímuefnasjúklingum sé of mikil
áhersla lögð á útigangsfólk. Það sé
alls ekki þannig að allir útigangs-
menn séu á útigangi vegna vímu-
efnasjúkdóma, heldur oft vegna
annarra heilasjúkdóma. „Og það
þarf að líta til þess að vímuefna-
fíklar eru oft inni á heimilum og
eru að ala upp börn. Þá kemur að
réttindum barnanna til góðra upp-
eldisaðstæðna. Við megum gera
miklu betur þarna og bjóða miklu
betri fjölskylduþjónustu og vernd,“
segir Þórarinn.
Hann segist hafa fylgst vel með
því hvernig staða og stefna ann-
arra þjóða í vímuefnamálum sé.
Aðstæður séu einna bestar á Norð-
urlöndum, en einna verstar á flutn-
ingsleiðum frá framleiðendum til
Evrópu. Til dæmis í Mið-Ameríku,
Mexíkó og Afríku. Víða leggi menn
áherslu á að draga úr refsistefn-
unni. „Því þekkingin og niðurstöð-
ur vísindarannsókna á því hvað
virkar og hvað ekki hefur leitt til
þess að menn eru sammála um það
hvernig á að takast á við vandann
og þess vegna er nú hávær þessi
umræða um að harðar refsingar
skili ekki miklum árangri.“
jonhakon@frettabladid.is
Sprautunálar verði
enn aðgengilegri
Framkvæmdastjóri meðferðarsviðs á Vogi segir augljósa galla í vímuefnastefnunni
hér á landi sem þurfi að laga. Draga þurfi úr refsistefnu, auka enn frekar aðgengi
að sprautunálum og vernda fjölskyldur fíkla. Stöndum þó ágætlega í samanburði.
SAMFÉLAGSMÁL Meistara-
ritgerð Gylfa Ólafsson-
ar, við háskólann í Stokk-
hólmi, sýnir fram á að
drykkja unglinga er meiri
í þeim bæjarfélögum þar
sem áfengisverslun er
ekki til staðar. Gylfi varði
rannsókn sína við háskól-
ann árið 2011.
Hugmynd Vilhjálms Árna-
sonar, þingmanns Sjálfstæðis-
flokksins, um að gefa sölu áfeng-
is frjálsa á Íslandi hefur verið
misjafnlega tekið meðal
Íslendinga. Telja margir
það vera framfaraskref
að gefa söluna frjálsa á
meðan aðrir vilja meina
að bætt aðgengi muni
auka neysluna. Því er
hins vegar öfugt farið hjá
ungu fólki.
„Það er mjög áhuga-
vert að velta fyrir sér hvernig
þessu verður háttað. Það sem
skiptir mestu máli er að gera
sér grein fyrir hvað gerist þegar
sölumynstri er breytt. Það getur
verið breytilegt hvort verið er að
skoða áhrifin á landsbyggðinni
eða í höfuðborginni. Einnig getur
það verið breytilegt út frá aldri
fólks. Þetta er afar flókið sam-
spil sem þarf að kafa betur ofan
í,“ segir Gylfi. „Það er hins vegar
allt of einfalt að halda því fram
að með auknu aðgengi neytenda
að áfengi aukist neyslan.“
Rannsókn Gylfa tók til rúmlega
4.000 barna og spannaði ellefu ár,
frá árinu 1997 til 2007. - sa
Gylfi Ólafsson skrifaði meistaraverkefni um drykkju unglinga í dreifðum byggðum landsins:
Drekka meira ef vínbúð er ekki í plássinu
GYLFI ÓLAFSSON
BETRA AÐGENGI Þórarinn Tyrfingsson segir að enn frekar megi auka aðgengi að
sprautunálum. FRÉTTABLAÐIÐ/ANTON BRINK.
Við
erum að eyða
miklum
peningum í
að halda fólki
sem hefur
brotið vímu-
efnalöggjöfina í langri
fangelsisvist.
Þórarinn Tyrfingsson læknir
Í VÍNBÚÐ Meira virðist þurfa til en
úrval og aðgengi til þess að æra óstöð-
uga. FRÉTTABLAÐIÐ/GVA
UTANRÍKISMÁL Ísland og Úkraína
hafa ákveðið að hefja undirbún-
ing að samstarfi ríkjanna í virkjun
jarðhita í Úkraínu.
Ákvörðunin var tekin á fundi
sem Gunnar Bragi Sveinsson utan-
ríkisráðherra átti með Vítalí Gryg-
orovskí, aðstoðarforstjóra Stofn-
unar um orkusparnað í Úkraínu.
Þangað hélt Gunnar Bragi í gær og
verður fram á fimmtudag eins og
greint var frá í Fréttablaðinu í gær.
Að sögn Sunnu Gunnars Mar-
teinsdóttur, aðstoðarmanns Gunn-
ars Braga, hefur utanríkisráðu-
neytið verið að leita leiða til að
hjálpa Úkraínu og styðja við upp-
byggingu. „Okkar hugmynd til að
hjálpa þeim er að fara í svona sam-
starf um jarðhita af því að þeir eru
svo háðir gasi frá Rússlandi,“ sagði
hún í samtali við Fréttablaðið. Að
auki senda Úkraínumenn nemanda
í haust í Sjávarútvegsskóla Háskóla
Sameinuðu þjóðanna á Íslandi í
þeim tilgangi að leggja stund á nám
í fiskveiðistjórnun.
Íslensk stjórnvöld hafa nú „boðist
til að kortleggja tækifæri í virkjun
jarðhita í Úkraínu sem lið í að auka
fjölbreytni og efla þátt endurnýjan-
legra orkugjafa í orkuöflun lands-
ins,“ eins og segir í tilkynningu frá
ráðuneytinu. Tækifærin liggja í
vesturhluta Úkraínu að sögn utan-
ríkisráðherra. - nej
Gunnar Bragi bauðst til að aðstoða Úkraínumenn við virkjun jarðhita:
Undirbúa samstarf við Úkraínu
HEPPNAÐIST VEL Fundinum með
Stofnun um orkusparnað í Úkraínu
lyktaði með ákvörðun um undirbúning
að samstarfi. FRÉTTABLAÐIÐ/PJETUR