Fréttablaðið - 11.09.2014, Qupperneq 4

11. september 2014 FIMMTUDAGUR| FRÉTTIR | 4
ÚKRAÍNA, AP Petró Porosjenkó, forseti Úkraínu,
boðar frumvarp um aukna sjálfsstjórn austur-
héraðanna. Hann vonast til að geta jafnvel lagt
frumvarpið fram strax í næstu viku, en gæti
átt erfitt með að finna orðalag sem fengi víð-
tækan stuðning á þinginu.
Hann tók fram að hann hefði engan áhuga á
því að Úkraína yrði sambandsríki, eins og bæði
rússneskir ráðamenn og aðskilnaðarsinnar í
austurhéruðunum hafa lagt mikla áherslu á.
„Úkraína hefur ekkert gefið eftir hvað
varðar óskert umráðasvæði landsins,“ sagði
Porosjenkó á ríkisstjórnarfundi sem sýndur
var í beinni sjónvarpsútsendingu. Þrátt fyrir
aukna sjálfsstjórn austurhéraðanna verði þau
áfram óaðskiljanlegur hluti landsins.
Hann fullyrti að eftir að vopnahléssamkomu-
lag var gert á föstudaginn hefðu um 70 prósent
rússneskra hermanna, sem voru innan landa-
mæra Úkraínu, horfið aftur til Rússlands.
Jafnframt hefðu uppreisnarmenn látið 700
úkraínska fanga lausa og von væri til þess að
500 til viðbótar fengju frelsið fyrir lok vikunn-
ar. Þrátt fyrir vopnahléið hafa átök brotist út
nærri daglega það sem af er vikunni.
Átökin í austanverðu landinu, sem hófust í
apríl síðastliðnum, hafa kostað meira en 2.500
manns lífið. - gb
Úkraínuforseti boðar aukna sjálfsstjórn austurhéraðanna en hafnar sambandsríkjafyrirkomulagi:
Fallast ekki á eftirgjöf varðandi aðskilnað
AÐSKILNAÐARSINNAR Í austanverðri Úkraínu segj-
ast harðir aðskilnaðarsinnar enn stefna á að lýsa yfir
sjálfstæði. NORDICPHOTOS/AFP
STJÓRNMÁL Sigmundur Davíð
Gunnlaugsson forsætisráðherra
hélt stefnuræðu sína í gær á
Alþingi. Varð honum tíðrætt um
hve gott væri að búa á Íslandi
vegna þeirra tækifæra sem nátt-
úran og mannauður felur í sér.
Sagði hann að auki Ísland vera
fremst í flokki varðandi heilnæm-
an mat, frið og jafnrétti kynjanna.
„En umræðuhefðin beinir
sífellt sjónum sínum að því nei-
kvæða. Flestir aðrir í heiminum
öfunda okkur af samfélaginu,“
sagði Sigmundur og fjallaði í kjöl-
farið um góðan árangur í efna-
hagsstjórnun síðustu misseri og
sagði næstu verkefni vera meðal
annars að vinna á skuldavanda
ríkisins, undir búa afnám fjár-
magnshaftanna, bæta rekstrar-
umhverfi sjávar útvegsins, móta
heilbrigðisáætlun og efla ferða-
þjónustu. Hann fór ekki mörgum
orðum um nýtt fjárlagafrumvarp
sem kynnt var í vikunni en ræða
Bjarna Benediktssonar fjármála-
ráðherra snerist fyrst og fremst
um að útskýra frumvarpið eftir að
þingmenn stjórnarandstöðunnar
höfðu gagnrýnt flesta liði þess og
þá sérstaklega hærri skatt á mat-
væli.
„Heildaráhrif breytinganna
eru til lækkun-
ar. Niðurfell-
ing vörugjalds
á matvæli vegur
til að mynda
þyngra en allir
tollar á mat-
væl i ,“ sagði
Bjarni. „Tollar á
matvæli eru um
tveir milljarðar
á ári, en vörugjaldið um þrír.“
Bjarni talaði einnig um mikil-
vægi þess að afnema höft af
íslensku efnahagslífi í ræðu
sinni. „Að öðru ólöstuðu er það
eitt mikil vægasta verkefni ríkis-
stjórnarinnar á næstu misserum,“
sagði Bjarni og lauk ræðu sinni
með því að segja starfandi ríkis-
stjórn hafa markað leiðina í rétta
átt með efnahagsstjórnun sinni,
þjóðinni til heilla.
erlabjorg@frettabladid.is
Ráðherra lofaði land og þjóð
Sigmundur Davíð Gunnlaugsson forsætisráðherra var jákvæður í stefnuræðu sinni um þau tækifæri sem bíða
Íslendinga vegna náttúrugæða og árangurs í efnahagsmálum. Stjórnarandstæðingar gagnrýndu með miklum
móð skattabreytingar í nýju fjárlagafrumvarpi sem fjármálaráðherra leitaðist við að útskýra í ræðu sinni.
STEFNURÆÐA FORSÆTISRÁÐHERRA Sigmundur Davíð Gunnlaugsson talaði um
hve mikið hefði áunnist í efnahagsmálum og leit bjartsýnn til framtíðar í ræðu
sinni. FRÉTTABLAÐIÐ/ERNIR
BJARNI
BENEDIKTSSON
Hagnýting
internetsins
Jón Þór Ólafsson,
þingmaður Pírata,
ræddi um for-
gangsmál flokks-
ins í ræðu sinni í
gær í stað þess að
fjalla sérstaklega
um stefnuræðu
forsætisráðherra
eða breytingu á fjárlagafrumvarpi.
„Fyrsta forgangsmál Pírata á þessu
þingi er tillaga um að á Íslandi verði
skapað vistkerfi eins og best verður
á kosið fyrir hagnýtingu internetsins
og annarrar upplýsingatækni ásamt
réttindavernd netnotenda,“ sagði
Jón Þór.
Gagnrýnislaus
einangrunarhyggja
„Eftir að hafa
hlýtt á stefnuræðu
hæstvirts forsætis-
ráðherra finnst
mér ég knúinn
til að koma því
skýrt til bókar að
mér finnst landið
vera ægifagurt.
Mér finnst íslensk matvæli líka mjög
góð,“ sagði Guðmundur Steingríms-
son, formaður Bjartrar framtíðar, og
í kjölfarið gagnrýndi hann upphafn-
ingu forsætisráðherra á öllu því sem
íslenskt er. „Við þurfum að sporna
gegn gagnrýnislausri einangrunar-
hyggju. Við þurfum að uppgötva að
við getum lært af öðrum þjóðum.“
Er tólf einfaldari
tala en sjö?
„Tvö virðisauka-
skattþrep verða
… tvö virðisauka-
skattþrep. Ef ég
hef reiknað þetta
rétt er þetta
fækkun um núll
skattþrep. Eða
felst einföldunin
í að tólf sé einfaldari tala en sjö?“
sagði Katrín Jakobsdóttir, formaður
Vinstri grænna, þegar hún gagnrýndi
nýtt virðisaukaskattkerfi. Gagnrýndi
hún sérstaklega hærri skatt á bækur
og mat auk afnáms sykurskatts. „Eru
lýðheilsumarkmið ráðherra þau að
fólk fái sér bara gúmmíbangsa í
staðinn fyrir grænmeti?“
Ríkisstjórn ríka
fólksins
„Ríkisstjórn ríka
fólksins sér sem
fyrr um sína. Það
verður æ ljósara.
Verkefnið er að
koma henni frá
og knýja fram
stjórnarstefnu í
þágu þjóðarinnar
allrar. Við eigum betra skilið,“ sagði
Árni Páll Árnason, formaður
Samfylkingarinnar, og fór hörðum
orðum um breytingar á fjárlaga-
frumvarpinu. „Tekjur af nýjum
álögum á hollan mat og menningu
eiga að fara til að lækka vörugjöld á
flatskjái og klósett.“
AUGLÝSINGADEILDIR FRÉTTABLAÐSINS– AUGLÝSINGASTJÓRI: Jón Laufdal jonl@frettabladid.is ALMENNAR SÍMI 512-5401: Hjördís Zoëga hjordis@frettabladid.is,
Hlynur Þór Steingrímsson hlynur@365.is, Laila Awad laila@365.is, Sverrir Birgir Sverrisson sverrirbs@365.is, Örn Geirsson orn.geirsson@365.is
FÓLK/LÍFIÐ/SÉRBLÖÐ SÍMI 512-5402: Atli Bergmann atli.bergmann@365.is, Bryndís Hauksdóttir bryndis@365.is, Jón Ívar Vilhelmsson jonivar@365.is, Kolbeinn Kolbeinsson kkolbeins@365.is,
FÓLK OG SÉRBLÖÐ EFNI: Sólveig Gísladóttir solveig@365.is og Vera Einarsdóttir vera@365.is RAÐAUGLÝSINGAR /FASTEIGNIR SÍMI 512-5403: Hrannar Helgason hrannar@365.is,
Viðar Ingi Pétursson vip@365.is ÞJÓNUSTUAUGLÝSINGAR SÍMI 512-5407: Arna Rut Kristinsdóttir arnarut@365.is, Sigrún Helga Guðmundsdóttir sigrunh@365.is
SVONA ERUM VIÐ
Soff ía Sveinsdóttir
veðurfréttamaður
Veðurspá
BJARTAST AUSTANLANDS Í dag verður yfirleitt skýjað vestan til en bjart eystra. Í
nótt kemur úrkomusvæði upp að vesturströndinni og á morgun má búast við rigningu
í flestum landshlutum, síst allra austast. Kólnar lítillega í veðri á laugardag.
10°
13
m/s
10°
15
m/s
12°
7
m/s
12°
7
m/s
10-15 m/s
vestantil,
hægari
vindur
annars
staðar.
Strekk-
ingur á
Vest-
fj örðum,
annars
hægari.
Gildistími korta er um hádegi
28°
32°
21°
22°
24°
19°
19°
19°
19°
27°
19°
°
31°
29°
24°
20°
19°
18°
11°
3
m/s
12°
8
m/s
14°
3
m/s
14°
4
m/s
13°
5
m/s
11°
9
m/s
5°
9
m/s
12°
10°
15°
8°
11°
10°
15°
12°
13°
8°
Alicante
Aþena
Basel
Berlín
Billund
Frankfurt
Friedrichshafen
Gautaborg
Kaupmannahöfn
Las Palmas
London
Mallorca
New York
Orlando
Ósló
París
San Francisco
Stokkhólmur
LAUGARDAGUR
Á MORGUN
SVEITARSTJÓRNIR „Ekki veit ég hvað
er verið að eltast við með þessari
formlegu fyrirspurn en það hefði
verið í lófa lagið að spyrja beint út
í þessa þætti,“ segir í bókun Sig-
geirs Stefánssonar, fyrrverandi
oddvita Langanesbyggðar, vegna
fyrirspurnar á sveitarstjórnar-
fundi um starfslokasamning við
fyrrverandi sveitarstjóra.
Siggeir sagði að sveitarstjórinn
hefði meðal annars fengið að halda
íbúð í fimm auka daga, 30 þúsund
króna styrk til að flytja og haldið
tölvu og farsíma. Samninginn megi
meta á 115 þúsund krónur: „Sem er
ekki mikill kostnaður fyrir góðan
mann sem var að vinna af heilind-
um fyrir samfélagið.“ - gar
Útskýrði starfslokasamning:
Fékk fimm auka
daga í íbúðinni
ÞÓRSHÖFN Eftirmál sveitarstjóraskipta
voru rædd. FRÉTTABLAÐIÐ/PJETUR
116.824 löxum slepptu
veiðimenn aftur í árnar á árunum
1996 til 2011.
Flestum árið 2010, eða rúmlega
21.000.
EGILSSTAÐIR
Flugslysaæfing í bígerð
Haldin verður flugslysaæfing á Egils-
staðaflugvelli laugardaginn 20. septem-
ber.
FRAKKLAND
Uppfyllir ekki skilyrði ESB
Frönsk stjórnvöld segja að þau muni
ekki ná að minnka fjárlagahallann
niður í þrjú prósent á þessu ári. Þar
með nær Frakkland ekki að uppfylla
skilyrði Evrópusambandsins um ríkis-
fjármál. Gert er ráð fyrir að hallinn í ár
verði 4,4 prósent og svo 4,3 á næsta
ári. Fjárlagahallinn í Bretlandi er hins
vegar 5,6 prósent.
LEIÐRÉTTING
Í grein um góðgerðarhlaup Marels í
blaðinu í gær misritaðist fjöldi starfs-
manna fyrirtækisins. Hann er 4.000.