Fréttablaðið - 15.09.2014, Síða 46

Fréttablaðið - 15.09.2014, Síða 46
KYNNING − AUGLÝSINGBaðherbergi MÁNUDAGUR 15. SEPTEMBER 20146 Góð lýsing og spegill skipta mestu Það sem helstu máli skiptir þegar kemur að hönnun baðherbergja er að lýsingin sé góð og rýmið sé nýtt á sem bestan máta. Sniðugt er að nota klassíska liti á flísar en lífga upp á baðherbergið með því að nota handklæði, kertastjaka og fleiri litla hluti í sterkari litum. Elísabet Ómarsdóttir innanhússarkitekt segir að tilfinning fyrir hreinleika sé nauðsynleg fyrir öll baðherbergi. MYND/GVA Að ýmsu þarf að huga þegar kemur að hönnun bað-herbergja. Helst þarf að huga að lýsingu og að nýta pláss- ið sem til staðar er á sem hag- kvæmastan hátt. „Góð lýsing og spegill skiptir miklu máli,“ segir Elísabet Ómarsdóttir innan- hússhönnuður. „Rúmt og gott geymslupláss og tilfinning fyrir hreinleika er nauðsynlegt fyrir öll baðherbergi.“ „Ef hátt er til lofts í rýminu er sniðugt að hafa skápana háa þannig að lofthæðin og plássið nýtist betur. Góð lýsing er mjög mikilvæg inni á baðherbergj- um, því við viljum fá skugga- lausa lýsingu í andlitið þegar við erum til dæmis að farða okkur og karlmenn að raka sig. Því er gott að hafa lampa báðum megin við spegilinn. Almenn lýsing sem dreifir sér yfir allt herberg- ið er nauðsynleg en svo er alltaf gaman að bæta við smá stemn- ingslýsingu sem getur verið gott að kveikja á þegar farið er í ró- andi sturtu eða bað. Það getur líka verið möguleiki á að dimma almennu lýsinguna í rýminu fyrir þessi tilefni.“ Sniðugt fyrir lítil baðherbergi Elísabet lumar á ýmsum snið- ugum lausnum fyrir til dæmis lítil baðherbergi eða þar sem þarf að nýta rýmið betur. „Til að ná fram meira geymslu- plássi inni á baðherberginu þá er hægt, sem dæmi, að nýta plássið fyrir ofan klósettkassa sem er ekki innfelldur í vegg- inn fyrir grunna skápa. Einnig þessi klassísku ráð, að hafa stóra spegla til að stækka rýmið og að festa handklæðaslána á glersturtuhurðina í staðinn fyrir á vegginn.“ Hún segir að það sé ekkert endilega þannig að fólk velji frekar að hafa sturtu í stað baðkars á litlum baðher- bergjum, það sé mjög persónu- bundið hvort fólk velji og fari eftir ýmsu, til dæmis á hvaða aldri íbúarnir séu, hvort börn séu á heimilinu og hvort fólk fari mikið í bað. Aukahlutir í litum Baðherbergi eru eins misjöfn og þau eru mörg en þau lúta samt sem áður tískustraum- um eins og allt annað. „Jarð- litir eru alltaf klassískir eins og beige og mismunandi gráir tónar. Margir kjósa frekar að lífga upp á umhverfið með lit- ríkum handklæðum eða kerta- stjökum í stað þess að vera með liti í til dæmis flísum eða tækj- um. Það hefur verið að færast í vöxt að fólk noti dökkan við í bland við ljósari flísar. Flísar með óreglulegu og þrí víddar- mynstri eru líka frekar vinsælar núna þótt þær séu áfram í þess- um klassískum jarðlitum,“ segir Elísabet. Baðherbergi sem Elísabet hannaði ásamt samstarfskonu sinni, Söndru Dís Sigurðardóttur, innanhússarkitekt og lýsingarhönnuði. Þar er mikið lagt upp úr lýsingunni og að fá hana sem besta. AÐSEND MYND Almenn lýsing sem dreifir sér yfir allt herbergið er nauðsynleg en svo er alltaf gaman að bæta við smá stemningslýsingu.

x

Fréttablaðið

Beinleiðis leinki

Hvis du vil linke til denne avis/magasin, skal du bruge disse links:

Link til denne avis/magasin: Fréttablaðið
https://timarit.is/publication/108

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.