Fréttablaðið - 15.09.2014, Qupperneq 49

KYNNING − AUGLÝSING Baðherbergi15. SEPTEMBER 2014 MÁNUDAGUR 9
Við kunnum að lifa hvert með öðru, en það er svip-að og með hunda og ketti,
þeir geta lært að búa saman en það
er aldrei alveg friður,“ segir Alex-
ander Kárason, sölustjóri Papco,
hlæjandi. Alexander og fjölskylda
hans keyptu hið rótgróna fyrir-
tæki Papco fyrir tíu árum en þá
hafði það starfað við góðan orð-
stír í tuttugu ár. „Við áttum áður
prentsmiðju á Akureyri, mamma
var framkvæmdastjóri og pabbi
prentari. Nú situr mamma í stjórn
Papco, þannig að við erum oft með
foreldra okkar í kringum okkur,“
segir Alexander, sem ávallt er kall-
aður Lexi.
Vöruflóran aukin
Þegar þeir bræður tóku við fyrir
tíu árum störfuðu um 15 manns
við fyrirtækið. „Í dag eru starfs-
menn yfir fjörutíu í heildina, þar
af sex í útibúi okkar á Akureyri og
einn á Egilsstöðum,“ upplýsir Lexi.
Fyrsta verk fjölskyldunnar var að
auka vöruflóru fyrirtækisins. „Það
voru ekki miklir vaxtarmöguleikar
í pappírnum og því þurftum við að
fjölga eggjunum í körfunni,“ segir
Lexi og því var ákveðið að flytja
inn og bjóða upp á alhliða hrein-
lætisvörur. „Við ætlum að vera sér-
fræðingar í hreinlætisefnum fyrir
eldhús og salerni bæði fyrir heim-
ili og fyrirtæki,“ segir Lexi. Papco
er þegar komið með samninga
við ríkisspítalana og býður upp á
hátt þjónustustig. „Við höfum líka
opnað litla verslun hér á Stórhöfða
42 þar sem við seljum alhliða
hreinlætisvörur, frá gólfsápum og
plastpokum upp í latexhanska og
hárnet.“
Framleiða fyrir flestar verslanir
Klósettpappírinn og eldhúsrúll-
urnar eru þó enn aðalsmerki Papco
líkt og undanfarin þrjátíu ár. „Við
flytjum inn hráefnið í pappírinn
og framleiðum síðan rúllurnar
hér heima. Með þessu getum við
hámarkað þyngdina í gám unum
og margfaldað síðan magnið. Þar
verður til mikill virðis auki,“ segir
Lexi en þeir bræður eru nokk-
uð sáttir við reksturinn í dag. „Við
lentum í miklum vandamálum
í kringum hrun líkt og svo mörg
fyrirtæki. Það tekur tíma að ná því
til baka en við erum ánægðir með
hvernig okkur hefur gengið undan-
farið.“
Papco framleiðir pappír fyrir
f lestar verslanir á Íslandi. „Við
notum mismunandi upp skriftir
eftir því sem verslanirnar óska
eftir,“ segir Lexi. Hann telur að
Papco sé að öllum líkindum
minnsti sérframleiðandi salernis-
pappírs í heimi. „Til dæmis er
enginn framleiðandi á við Papco
í Danmörku sem er þó marg-
falt stærra markaðssvæði. Lík-
lega er þetta því blanda af sjálfs-
bjargarviðleitni og íslensku mikil-
mennskubrjálæði,“ segir hann
glettinn.
Fífa og Fjóla
Ein af nýjungunum í framleiðslu
Papco er að búa til lúxus pappír.
„Við erum að færa okkur meira
inn á þetta svið og gerum það með
vörumerkjunum Fjóla og Fífa. Það
er lúxus þriggja laga pappír. Svo
fer að detta á markað frá okkur
þriggja laga eldhúspappír líka,“
segir Lexi og bendir á að með
þessu sé Papco að koma til móts
við óskir neytenda.
Þeir sem kaupa pappírinn frá
Papco ættu einnig að hafa góða
samvisku þar sem þeir styðja við
innlenda framleiðslu.
Heildarlausn í fjáröflun
Það er rammíslensk hefð að
íþróttafélög, kórar og aðrir hópar
selji klósettpappír til fjáröfl unar
og þar kemur Papco sterkt inn.
„Við höfum reynt að hjálpa hópum
að ná markmiðum sínum,“ segir
Lexi en Papco býður upp á margt
annað en pappír fyrir slíkar fjár-
aflanir. „Við látum til dæmis fram-
leiða fyrir okkur lakkrísblöndur og
erum með harðfisk, hreinlætis-
vörur, poka, jólapappír, kaffi og
sælgæti. Þannig bjóðum við upp
á heildarlausn til fjáröflunar enda
finnst fólki oft þægilegt að fá þetta
allt á einum stað.“
Fjölskylda með húmor
Papco-fjölskyldan tekur lífinu ekki
of alvarlega. „Við höfum húmorinn
í forgrunni því klósettpappír er
ekkert alvarlegt mál. Við segjum
til dæmis stundum að við séum
með þróunardeild undir stiganum
en það er auðvitað bara klósettið,“
segir Lexi og hlær. „Við erum líka
með slagorð í íþróttunum sem er
„Bestir á bossann“ og þegar maður
er spurður hvernig bransinn gangi
svarar maður að bragði: „Það eru
bara allir að skeina sér.“
Lúxuspappír og hreinlætisvörur
framtíðin hjá bræðrunum í Papco
Mikil þróun hefur orðið hjá Papco síðan bræðurnir Þórður, Ólafur og Alexander Kárasynir keyptu það fyrir tíu árum. Starfsmönnum
hefur fjölgað úr tuttugu í sextíu, Papco er nú orðið sterkt á markaðnum fyrir hreinsivörur og útibú Papco er að finna bæði á Akureyri
og Egilsstöðum. Bræðurnir hafa húmor fyrir framleiðslu sinni og hika ekki við að slá um sig með smá klósettgríni.
Papco hefur í meiri mæli fært sig yfir á hreinlætisvörumarkaðinn. Það þjónustar bæði
fyrirtæki og heimili. Á Stórhöfða 42 hefur verið opnuð verslun þar sem fást alhliða hrein-
lætisvörur, frá gólfsápum og plastpokum upp í latexhanska og hárnet.
Fífa og Fjóla eru nýjungar hjá Papco en um er að ræða þriggja laga lúxus salernispappír.
Þeir Kárasynir, Alexander sölustjóri, Þórður framkvæmdastjóri og Ólafur framleiðslustjóri, fyrir framan fyrirtæki þeirra Papco á Stórhöfða 42. MYND/VALLI