Skessuhorn - 20.06.2013, Blaðsíða 22

22 FIMMTUDAGUR 20. JÚNÍ 2013
Hjólreiðar eru að verða vinsæl
íþróttagrein á Íslandi sem glöggt
má sjá á fjölda skráninga í hjól-
reiðakeppnir. Er þar skemmst að
minnast stóraukinnar þátttöku í
Jökulmíluna sem fram fór um síð-
ustu helgi á Snæfellsnesi þar sem
þátttakendur voru hátt í hundr-
að, og þá ekki síst í Bláalónsþraut-
ina fyrir hálfum mánuði þar sem
um 550 manns tóku þátt, en aðeins
átta hjóluðu þegar hún var haldin
í fyrsta skipti fyrir 15 árum. Þessi
vaxandi áhugi á hjólreiðum, sem
væntanlega má að hluta þakka átak-
inu Hjólað í vinnuna, teygir einnig
anga sína á Akranes. Þar eru nokkr-
ir öflugir hjólreiðakappar og eng-
inn þó eins magnaður og Hilmir
Auðunsson, sem náð hefur ótrúleg-
um árangri á hjólamótum, einkan-
lega í sprettkeppnunum sem hann
hreinlega „rúllaði“ upp á síðasta
ári. Þar gilti stigaútreikningurinn
fyrir þrjú mót, en Hilmir gerði sér
lítið fyrir og sigraði í öllum fjórum
keppnunum. Hilmir lét sér lynda
sjöunda sætið í Jökulmílunni um
síðustu helgi.
Of þungur en góður á
sprettinum
Hilmir er pípulagningamað-
ur og þrátt fyrir erfiða vinnu tók
hann þátt í flestum mótunum á
síðasta ári, en það var fyrsta árið
hans í meistaraflokki. Hilmir byrj-
aði reyndar ekki á reiðhjóli að ráði
fyrr en árið áður og fyrsta mótið
sem hann tók þátt í var hjólamót
sem haldið var á Akranesi á Írskum
dögum sem hjólabúðin Nes-Sport
stóð fyrir. Aðspurður segist Hilm-
ir koma svolítið óvenjulega leið inn
í reiðhjólasportið, þar sem hann var
áður mikið í Motókrossi og Endure
og hans aðalgreinin var sú síðar-
nefnda, en þar er keppt á merktum
brautum í landslagi, ekki tilbúnum
brautum. Þá var hann í Boot Camp
hjá Jóhann Pétri líkamsræktarþjálf-
ara. Hilmir segist hafa kraftinn og
úthaldið þaðan og úr mótorhjóla-
sportinu og því verið fljótur að hjóla
inn grunn á reiðhjólinu. Hins veg-
ar segist hann full þungur fyrir al-
mennar hjólakeppnir eins og götu-
hjólreiðar hvað þá ef hann keppti á
fjallahjóli. „Ég er rúm hundrað kíló
og þyrfti í raun að létta mig um tíu
kíló. Hins vegar hef ég það með
mér í sprettkeppnunum að geta
nýtt þyngdina og kraftinn,“ seg-
ir Hilmir. Hann segist hafa óskap-
lega gaman af því að keppa og þeg-
ar blaðamaður Skessuhorns spjall-
aði við hann nú á þriðjudagsmorgni
eftir Jökulmíluna var hann að fara í
sprettkeppni í Krísuvík um kvöld-
ið. Næsta stórkeppni hjá honum er
svo Tour de Hvolsvöllur um næstu
mánaðamót, en þá er hjólað úr
Norðlingaholtinu úr Reykjavík á
Hvolsvöll, ein af þessum keppnum
sem nýtur sífellt aukinna vinsælda.
Einfarar á Akranesi
Aðspurður hvort að hjólreiðafólk á
Akranesi hafi kannski á prjónunum
að stofna félag, eins og hjólreið-
ar eru þar vinsælar, segist Hilmir
efast um það. „Fólk hefur verið að
mynda hjólahópa á Facebook, en
mér sýnist að mestu dellukarlarnir
í þessu hérna séu svo miklir einfar-
ar og hver í sínu horni. Ég æfi til
dæmis einn og er einn í þessu má
segja eftir að Jói félagi minn sem
var í Nes Sporti fór að vinna í hjóla-
búð í Reykjavík.“ Hilmir segir að
þrátt fyrir að hér á landi séu 15-20
manna hópur í svokallaðri elítu, séu
ekki nema örfáir sem myndu kom-
ast í B-flokk í Danmörku og Nor-
egi. „Þetta er svo ungt sport hérna
ennþá að fólk getur komið inn í
keppnisflokkanna og náð ágætis ár-
angri og þá skipta græjurnar nátt-
úrlega heilmiklu máli í þessu eins
og öðru. En númer eitt hvet ég fólk
til þess að njóta þess að hjóla. Þetta
er ágætis líkamsrækt, ekki síst með
annarri hreyfingu. Ég mæli kannski
ekki með því að fólk helli sér á fullu
út í það að hjóla og stunda enga
aðra hreyfingu,“ segir Hilmir Auð-
unsson. Hann segist ekki sjá fram á
að geta stundað keppnirnar í sum-
ar alveg jafn mikið og síðasta sum-
ar, hreinlega út af álagi. Það sé að
stóraukast verkefnin í pípulögn-
unum. „Kannski er gaman að geta
þess í lokin fyrir þá sem vilja vita og
stunda reglulega hreyfingu að með-
alpúlsinn hjá mér í Jökulmílunni,
160 km, var 154 í rúma fjóra tíma
og 38 mín brennslan er 3131 cal,
meðalhraðinn 34,7 km á klukku-
stund. Í Þingvallarkeppninni í vor
var sami meðalpúls í 68,8 km og
meðalhraðinn um 37km/klst. Þetta
eru hlutir sem ég er oft spurður
um,“ segir Hilmir.
þá
Hin árlega Jökulmíla var hald-
in síðasta laugardag. Jökulmílan
er lengsti einstaklingsmiðaði hjól-
reiðaviðburðurinn sem skipulagður
er hér á landi. Það eru Hjólamenn.is
sem standa fyrir keppninni þar sem
leiðin er umhverfis Snæfellsnes.
Ræst var klukkan 11:00 frá Grund-
arfirði og hjólað áleiðis til Ólafsvík-
ur og fyrir jökul. Þaðan var farið að
Vegamótum, yfir Vatnaleið og end-
að svo á ný á upphafsreit í Grund-
arfirði. Alls eru hjólaðir 160,9 km,
eða 100 mílur. Jökulmíluna er því
með sönnu hægt að kalla „Aldar-
skeið“ eða á ensku „Century Ride“
sem er vinsæl tegund hjólreiða-
viðburða vestanhafs. 61 keppandi
skráði sig til leiks í Jökulmíluna auk
þess sem 35 voru skráðir í hálfa Jök-
ulmílu. Þeir voru ræstir frá Búðum
klukkan 13 og hjóluðu því helm-
ing leiðarinnar. Hjólreiðamenn-
irnir fengu fínasta veður á laugar-
daginn þó svo að sumir hafi kvartað
undan smá mótvindi á Vatnaleið-
inni. Keppnin þótti takast einstak-
lega vel og létu hjólreiðamennirnir
vel að keppninni og reiknuðu flestir
með að mæta aftur að ári enda mik-
il náttúrufegurð sem þeir upplifa á
leiðinni.
Helstu úrslit í
Jökulmílunni
Heil Jökulmíla
Karlar
1. Miroslaw Adam Zyrek, HFR,
4:21:02
2. Árni Már Jónsson, HFR,
4:21:33
3. Ármann Gylfason, HFR,
4:22:23
Konur
1. Ása Guðný Ásgeirsdóttir, HFR,
5:00:21
2. Ásdís Kristjánsdóttir, Bjartur,
5:10:33
3. Jóhanna M. Guðlaugsdóttir,
Hjólamenn, 5:21:25

Hálf Jökulmíla
Karlar
1. Margeir Jóhannesson, HFR,
2:12:57
2. Pétur Einarsson, Ægir-þríþraut,
2:26:24
3. Alexander Arnarson, Hjóla-
menn, 2:30:50
Konur
1. Elsa Þórisdóttir, utan félags,
2:41:34
2. Kristín Edda Sveinsdóttir, FHR,
2:50:49
3. Þórdís Hrönn Pálsdóttir, Hjóla-
menn, 3:11:38
tfk
Jökulmílan fór fram síðasta laugardag
Fór úr mótorhjólasportinu á reiðhjólið
Frá hjólakeppni á Þingvöllum í vor.
Hilmir Auðunsson, hjólreiðamaður og
pípulagningarmeistari.
Hilmir fremstur í flokki þriggja í Jökulmílunni um síðustu helgi.
Á startlínu í einni af sprettkeppnunum
í fyrra.